منتديات الفطاحله - انا على عسرات الايام جبار -- جديد الطامي

منتديات الفطاحله (http://ftahilah.com/index.php)

- همس القوافي للشعر النبطي (http://ftahilah.com/forumdisplay.php?f=10)

- - انا على عسرات الايام جبار -- جديد الطامي (http://ftahilah.com/showthread.php?t=172974)

انا على عسرات الايام جبار -- جديد الطامي

[poem=font="arial,6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ياناشدٍ عني تبي مني اخبار = اخذ العلوم اللي وثيقه صحاحي
انا على عسرات الايام جبار = اصبر الى كلن توجع وناحي
ياكم سريت الليل من دون مسبار = لاباطن الهلباج زين السناحي
وياكم قطعت من الفيافي وكم دار = لاهابها من هو غرامه مطاحي
امشي واوجَها على طيِب اذكار = ربي عسى يجعل دروبي سماحي
واشوم من ردي على كل ثرثار = لاضيَع الهرجه قليل الصلاحي
واشيل حمل بليه لاحمْل وثار = وانجز الى كثرة علي المشاحي
وارفى خمال الجار وان ولَع النار = واغض طرفي لالمحت الملاحي
واشارك العصبه الى كان ثم صار = هوج وموج من جميع النواحي
واتي على وعدي ولاني بغدار = والنيه السمحه تجيب الفلاحي
واكرم على المحتاج لاصار محتار = وده ولا وده لاكنه مساحي
وخوينا ماحن نحده على الحار = يِكرم وشطاته علينا دماحي
والضيف له البن الاشقر مع ابهار = مع الشحم والعود وسمنٍ يساحي
ونجود مما نجود ماهو بمقدار = وماجاك ماوقَف مصيره مراحي
والرزق عند الله والاعمال بأقدار = ويالله توفقنا لدرب النجاحي
والكامل الله ماكملنا ولا صار = ويالله بعفوك في جميع النواحي[/poem][b][/b]