بعض البشر
 

أحبائي غبت لظروف وعدت يدفعني الشوق للقائكم

مع هذه المتواضعه والتي شرفني واسعدني الأخ

الشاعر/حمد محسن النعيمي بنشرها بصفحته

ارجو ان تنال رضاكم






أحدٍ تحشمه لابـدا منـه منقـود
..................... وأحـدٍ ليامـن زلّ خلـه يولـي

دامه دني النفس ماعنه منشـود
...................... خلك مع اللي بك يبـش ويهلـي

بعض البشر من خلقته دوم مقرود
..................... وبعض الاوادم عشرتـه ماتملـي

والبعض منهم قربته مابها فـود
...................... رجله على الشينات دايـم تزلـي

لاشان وقتك وانت بالهم مصيـود
...................... يكفيك ذاك اللي وجـوده يسلـي

الصاحب اللي صاينٍ كل العهـود
....................... لاماتوانا يوم مهما حصـل لـي

لامن زهمته انطلق مثـل بـارود
........................ سيد النشاما فزعته لـى محلـي

إسمه ونبزه مع هل الطيب معقود
...................... حرٍ من التلميح دوم يفطـن لـي

ومادام حظك جاب لك راعي الجود
...................... راعي الشنا والسو خلـه يولـي

رد على: بعض البشر
 

صح لسانك وقلبك
ولاهان راسك
جزلة من راس جزل وشاعرة مبدعه
طبعا الناس هالحين مشغولين بالكورة
تحياتي الطيبة

رد على: بعض البشر
 

الشاعرة المبدعه انكسارات النخيل
ابيات
رائعه
سلسة
ذات مدلول اجتماعي
كفيتي ووفيتي
تحياتي

رد على: بعض البشر
 

انكسارات النخيل ..
مررت هنا لأقف على جديدكــــــــ ..
النخلة لاتنكسر .. شامخة ابدا ..
قصيدة رائعة وجديرة بالنشر فعلا ..
صح لسانكـــــــــــ ..

رد على: بعض البشر
 

قصيده جزله من شاعره جزله

تحياتي وتقديري

رد على: بعض البشر
 

[COLOR="DarkOrchid"]انكسارات النخيل
فقدناك يا غالية
بس من طول الغيبات جاب الغنايم
تجديد × تجديد

صدقتى عن الصاحب وصح لسانك يا غالية

الصاحب اللي صاينٍ كل العهـود
....................... لاماتوانا يوم مهما حصـل لـي

لامن زهمته انطلق مثـل بـارود
........................ سيد النشاما فزعته لـى محلـي

إسمه ونبزه مع هل الطيب معقود
...................... حرٍ من التلميح دوم يفطـن لـي

ومادام حظك جاب لك راعي الجود
...................... راعي الشنا والسو خلـه يولـي

يولى


اعجبنى الطرح


صعبة المنال[SIZE="4"][FONT="Tahoma"][COLOR="DarkOrchid"][/COLOR][/FONT][/SIZE][/COLOR]

رد على: بعض البشر
 

الله يفتح عليكى
كلامك جميل وواضح انكى
مبدعى و قديره

رد على: بعض البشر
 

صح لسانك على هذه الابيات الرايعه


جزله لاهنتي

رد على: بعض البشر
 

انكسااراات النخييل


يا هلا بك وغلا والله تنووورييين اجواء الفطاااحله يسلم راااسك
وحيااااك الله وصح قلبك ملياااااارااات على هالابدااااااع


اخوك نمر العتيبي

رد على: بعض البشر
 

انكسارات النخيل
قلتي فابدعدتي
لك الود