منتديات الفطاحله - كيف اسوّي بالثنين اخوانــــــــي

منتديات الفطاحله (http://ftahilah.com/index.php)

- محاورات ومسابقات الفطاحله (http://ftahilah.com/forumdisplay.php?f=410)

- - كيف اسوّي بالثنين اخوانــــــــي (http://ftahilah.com/showthread.php?t=24694)

كيف اسوّي بالثنين اخوانــــــــي

[color=#0000FF]وجهّت القصيده التاليه الى الشاعرين [color=#FF0000]محمد ابن راشد العتيبي [/color][color=#008000]وخضير ابن نايف البراق [/color]ولم انتظر كثيراّ حتى جاء الرد منهما وهكذا هما الاصدقاء كلما باعدت بينهما ظروف العمل والانشغال في امور الحياه لابد ان يكون الحنين ديدنهم وتبقى هذه سمة الاوفياء...[/color]

[color=#800080]قصيدتــــــــــي[/color]

[poem=font="Simplified Arabic,5,black,bold,normal" bkcolor="transparent" bkimage="backgrounds/17.gif" border="groove,4,gray" type=2 line=0 align=center use=ex num="0,black"]
جهّز الموتر نويت اسجها وحداني=خل وجهه للشمال يداعبه نسناسه
والله ان ليه ثمان سنين وانا اعاني=والسبب لاقل مال ولا هجر مياسه
الله اقوى كيف اسوي بالثنين اخواني=كل منهم غير اسلوبه وغير ناسه
ابو راشد من حرض لخريص للصماني=بين بحث عن فحول البل وبين عساسه
وابو نايف رايّحٍ له في مجال ثاني=بعد هد الشعر والصفحه وريّح راسه
واما انا لامر ذكر غيابهم ناداني=ماضي لازال ينعشني عبير انفاسه
والله انه مايفرق ضيقتي واحزاني=لين عداده مع السكه تدق اجراسه
ويتخير موقفه بين اجمل الريضاني=لين اشوفه في خضار العشب مثل الماسه
وخوياي اللي لهم منزال في وجداني=رؤس قومٍ منتقيهم من بيوت رياسه
يرتفع في سلمهم شأن الخوي والعاني=ماخذين من قواميس الجدود دراسه
الثنين ولا معي غير الثنين اخوامي=لين اشاركهم جميع اهمومي الحساسه[/poem]

[size=5][color=#FF0000]رد الشاعر:محمد بن راشد العتيبــــي[/color][/size]
[poem=font="Simplified Arabic,5,black,bold,normal" bkcolor="transparent" bkimage="backgrounds/11.gif" border="double,4,gray" type=2 line=0 align=center use=ex num="0,black"]
قوم يالصبي الشلي تفقد الجاباني=شيّك اللكزز وبرمج للسفر حساسه
انفتح باب السفر مافيه حاني ماني=مع بزوغ الشمس ماتحتاج للشماسه
ولا توجه طارته لفلان بن علاني=نصه اللي شارب غلاه كاسه كاسه
زيد بن راجح عدو المال زبن الجاني=ارجح يأسرك بأخلاقه وصدق احساسه
وصله بلغة فوادي واعترف الساني=اني افخر وافتخر في خوّته واجناسه
كيف لا وهو الرفيق اللي ليا خاواني=انشرح صدري وقلبي فارقه هوجاسه
وقل له اني تحت رايه وامره السلطاني=كل مايحتاج يلبسني سوات الباسه
وقل له اني لابغاني صاحبي يلقاني=وحط تحت العلم هذا خط في الكراسه
ماعليه الا يشوف اخبار اخوه الثاني=والسياسي مثل ابو راجح يعرف الساسه
اما انا شفني بجنبه فوق ظهر عماني=عيد هيٍ من ظهر عرماس من عرماسه[/poem]

[size=5][color=#FF0000]رد الشاعر: خضير البراق[/color][/size]
[poem=font="Simplified Arabic,5,black,bold,normal" bkcolor="transparent" bkimage="" border="groove,4,gray" type=2 line=0 align=center use=ex num="0,black"]
مرحبا بالوافي اللي مسكنه باعياني=كل مادوّرت مثله مالقيت اجناسه
زيد بن راجح عريب الخال والجداني=والفتى منشاه من ساسه ومن مغراسه
صاحب نادر وفي شعره يثير اشجاني=يفهم احساسي وانا فاهم واعرف احساسه
كل ماحرّك شعوره هاجس ناجاني=مثل مااناجيه واستلهم مثل هوجاسه
كن ابو راجح يقيس النبض في شرياني=ويتحسن نبض شرياني ليا من قاسه
يبو راجح لاتطرّي قصه الحرماني=وانت خابر لك رفيق وخابرٍ مجلاسه
عندك اسره وعندك كامل العنواني=وان زهمته جاك كله والوفا نبراسه
موتره جاهز وهو جاهز على((السكّـــاني))=ينتظر منك الإشاره وانت راع الطاسه
انت شفقان على الطرقه وهو شفقاني=والبحر من غادر اكواخه يطير عماسه
فكّـــني يازيد من طوق يهد امتاني=وانتشلني من غثا وقت يحد امواسه
وانت راع الفضل والمعروف والاحساني=كان ترجمت الشعور اللي على الكراسه[/poem]