لا يا الطنايا
 

ارسل لي زميل لي شرواكم سويدي من سنجار شمر بيتين للشعار المرحوك
(العازمي)وهي احدى القصايد المشهوره وحبيت اجاريه ولا انا نقطه في بحر شاعر مخضرم ومن فطاحلة الشعراء رحمة الله عليه والمسلمين اجمع فحبيت اجاري الشمري بقصيدة العازمي الي يقول بها

حنا نحب الجود ونصاحب الجود
وأن شحت الأيام بالجود جدنا..

ما نشتكي لناس والله موجود
عليه في كل الأمور اعتمادنا..

رديت عليها لخوي الشمري من غلاه ولانيب شاعر الدير ولا قصور باحد

لا ي الطنايا علومكم كلها زود
ورث الكرم والجود من الاولينا#

كسبو الجميله والجميله لها شهود
ولو بس سيرة حاتم بها اكتفينا #

قلتها وانا من لابتن ذكرها يسود
من ساحل عماني لين تاصل لسينا#

يام العرب وقت اللقا عيالها جنود
جنودن بواسل تكسر المعتدينا#

ذكرتني يا شمري بطيب والجود
وحنا هل الثنتين دنيا ودينا#

لو دخنت معا شرواك عوود..
ثم انتخيت بيام حنا لك انتخينا#

ناصل ونطرب خاطرك علم ماكود
ماهيب سوالف يمكن نجيك وتجينا#

ناطا الخطر كلنا غمرن وعود
وحنا لها وقت اللقا ما ارتخينا#

وختامها عداد ما ذعذع النود
يسقيك ي دارن بها شمرينا#



حسين بن ابراهيم اليامي
حلم الآزماني "

رد: لا يا الطنايا
 

صح لسانك ولا هنت
اذا كانت ابياتك مجاراة فمجاراتك جيده ولكن السطر الثاني اختلفت القافيه عن من جاريته
لاحظ بيته
ما نشتكي لناس والله موجود
عليه في كل الأمور اعتمادنا(هنا خطأ مطبعي فالكلمة اعتمدنا)
وبالتالي ينبغي ان تنتهي قافية الشطر الثاني في ابياتك ب دنا
اما اذا كانت ابياتك مجرد رد فقط فلك حرية اختيار القافية التي تراها
شكرا لك
تحياتي

رد: لا يا الطنايا
 

صح السانك
رد وافي

ومثل ماقال بو عبدالله
المحك لمساجلات الشعراء تساوي القوارع والنواعش لقصيد الرد

سواء ب 3، 2 حروف
شكرا لك

رد: لا يا الطنايا
 

صح لسانك
ومثل ماقال الدكتور

رد: لا يا الطنايا
 

صحت ابدانكم واشكركم جميعا ويعطيك العافيه يا دكتور على نصحك وتوجيهك لي وكل شكر بعد الله وثناء لتوجيهك الكريم