منتديات الفطاحله - رباعيات فى حب الله عز وجل .. نبيل خلف

[frame="5 98"][color="purple"][size="5"]السلام عليكم ورحمة [/size][/color]

[color="red"]حبيت أنقل لكم رباعيات فى حب الله عز وجل للدكتور نبيل خلف

أتمنى تعجبكم:)

ونبتدى :-

1 :- (((( الليل طويل ))

كلمات :- نبيل خلف
الالحان :- وليد سعد

الليل طويل وانا ابتديت
والنور جميل شوفتة وبكيت
ربى الغفور فى قلبى نور
وانا روحى شمعة فى كل بيت

يا يا يا ...................الله

2 :- ((( انا بدعى )))
كلمات :- نبيل خلف
الالحان :- وليد سعد

انا بدعى فى ليلة القدر
وبحلم برضا والستر
اله الكون يصبرنى
وانا ماسك فى ايدى الجمر

يا يا يا ............. الله

3 :- (((انا وشى ليه )))

كلمات :- نبيل خلف
الالحان :- وليد سعد

انا وشى ليه شاحب
والهى لى حاسب
فى ذنوبى انا غرقان
من الكعب للحاجب

يا يا يا ...............الله

4 :- ((( بجرى على مهلى )))

كلمات :- نبيل خلف
الالحان :- وليد سعد

بجرى على مهلى
وشيطان بيندهلى
وانا بستغيث يا غفور
تسامحنى على جهلى

5 :- ((( بكيت فى غروبى )))

كلمات :- نبيل خلف
الالحان :- وليد سعد

بكيت فى غروبى يا شمس البصيره
وبفرد ذنوبى وانام على الحصيره
بفضله وكرامه انا زورت حرامه
وبشبع بنووره بعينى الضريره

6 :- ((( توبت ياربى )))

كلمات :- نبيل خلف
الالحان :- وليد سعد

توبت ياربى وقلبى جريح
نقطه مطره تخاف من الريح
واى سراب يبانلى سحاب
ونفسى اكون فى الحق صريح

7 :- ((( جانى الريح ))

كلمات :- نبيل خلف
الالحان :- وليد سعد

جانى الريح بيقول للراوى
والمصابيح من برج سماوى
زرعت الحب بذور وتقاوى
وكنت جريح والرب يداوى

8 :- ((( حلو ومر )))

كلمات :- نبيل خلف
الالحان :- وليد سعد

حلو ومر الصبر يمر
والحكمه من طبع الحر
سر القلب يبان فى الحب
حب الله فى ايديه الامر

9 :- ((( دوام الحال ))

كلمات :- نبيل خلف
الالحان :- وليد سعد

دوام الحال يا دنيا محال
لاعز يدوم ولاأرث مال
ولما بعوز يارب كنوز
تشبعنى بلقمه حلال

يا يا يا ................... الله

10 :- ((( ذره سكر )))

كلمات :- نبيل خلف
الالحان :- وليد سعد

ذرة سكر فى الفنجان
قالت الرحمه من الرحمن
لما بدوب من الحب فى نوره
روحى تشبع اى جعان

يا يا يا ............ الله

11 :- ((( ذو الجلالة ))

كلمات :- نبيل خلف
الالحان :- وليد سعد

ذو الجلالة والكمالة زيدنى من نعمتك
القمر بدر وهلال والتمام بقدرتك
مهما ههرب من الذنوب العيوب فى القلوب
ببكى ليك لما اكون
واتعشم فى رحمتك

يا يا يا ................... الله

12 :- ((( رب الارباب )))

كلمات :- نبيل خلف
الالحان :- وليد سعد

رب الارباب وحنين تواب
العيشه عذاب فى زمن كداب
صبرنى يارب على اللى انا فيه
وافتحلى بنورك مليون باب

13 :- ((( رب احمينى )))

كلمات :- نبيل خلف
الالحان :- وليد سعد

رب احمينى فى الزمن القاسى
لما اخاف من اهلى وناسى
من مخلوق يقدر يحاسبنى
وقصاد ابنى اطاطى له راسى

يا يا يا .............. الله

14 :- ((( سامحنى ياربى )))

كلمات :- نبيل خلف
الالحان :- وليد سعد

سامحنى ياربى انا كنت طاغى
بأيدى بداوى العيب بالعيب
لحاد ما جانى مريض وشفانى
ونفسى اموت وانا طاهر الايد

15 :- ((( سبحان الله )))

كلمات :- نبيل خلف
الالحان :- وليد سعد

سبحان الله
من غيره اناديه
للروح الطاهره الف دليل
فى شروق وغروب بترش النور
وتشوف الشمس فى نص الليل
سبحان الله

16 :- ((( سبحان الله 2 )))

كلمات :- نبيل خلف
الالحان :- وليد سعد

سبحان الله النور وهاج
وجميل الصورة من غير تاج
ورسول الله بيطير فى سماه
بيقابل ربه فى المعراج

الله الله

17 :- ((( طيبون طيبات )))

كلمات :- نبيل خلف
الالحان :- وليد سعد

طيبون طيبات
والربيع من النبات
بدعى من قلبى واقول
يارب سترك على البنات

18 :- ((( عطر طيب ))

كلمات :- نبيل خلف
الالحان :- وليد سعد

عطر طيب من النسيم
من الصراط المستقيم
يا رحيم يا كريم
خدنى من دار اللئيم

19 :- ((( عيبو مستور )))

كلمات :- نبيل خلف
الالحان :- وليد سعد

عيبه مستور
يخاف من النور
وليل ونهار ينام فى بحور
لكن ربه شايف قلبه
وقادر يكشف المستور

20 :- ((( قلت اعوذ ربى )))

كلمات :- نبيل خلف
الالحان :- وليد سعد

قلت اعوذ يارب الناس
من الوسواس من شر الناس
من جهلى ومن قلت حيلتى
لما اشك فى كل الناس
يا يا يا ................. الله

21 :- ((( قلت ياريت )))

كلمات :- نبيل خلف
الالحان :- وليد سعد

قلت ياريت وعملت العيب
واستنيت يداوينى طبيب
مهما ندمت انا هعمل ايه
ربى عليم بحجاب الغير

22 :- ((( لا اله الا الله )))

كلمات :- نبيل خلف
الالحان :- وليد سعد

لا اله الا الله
وارضى بقضاء الله
واصبر على بلواه
وملكش الا رضاه

23 :- ((( ليه بكيت )))

كلمات :- نبيل خلف
الالحان :- وليد سعد

ليه بكيت فى المنام
لما صليت فى المقام
كنت بتوضى بدموعى
والملاك هو الأمام

24 :- ((( نورهم بين اياديهم )))

كلمات :- نبيل خلف
الالحان :- وليد سعد

نورهم بين اياديهم
وضميرهم بينجيهم
بدعى تنولنى ياربى
وامشى على الشوك وسطيهم

25 :- ((( نورهم طاهر )))

كلمات :- نبيل خلف
الالحان :- وليد سعد

نورهم طاهر بين اياديهم
ربنا عالم وبيديهم
اتوضيت من نهر دموعهم
ونفسى اصلى وانا وسطيهم

26 :- ((( يا الله ))

كلمات :- نبيل خلف
الالحان :- وليد سعد

يا الله
الله
بخاف من الناس ومن خوفهم
وقلبى مرايه بتشوفهم
واهل الروح فى نور الله
ولو غمضت بعرفهم
لو غمضت بعرفهم

27 :- ((( يارب انا ذنبى )))

كلمات :- نبيل خلف
الالحان :- وليد سعد

يارب انا ذنبى زلزلنى
وطلعنى ونزلنى
ولو تسامحنى ياربى
مفيش مخلوق يزعلنى

28 :- ((( ياربى حزين )))

كلمات :- نبيل خلف
الالحان :- وليد سعد

ياربى حزين انا بينهم
وانا منهم ومش منهم
فى كل صلاه بقول الله
اوامرك مش اوامرهم

الله الله يا يا يا ................ الله

29 :- ((( يا طير الروح )))

كلمات :- نبيل خلف
الالحان :- وليد سعد

ياطير الروح واخدنى لفين
انا مجروح وهشكى لمين
تداوى جروحى فى زمزم
وبنسى همومى فى الحرمين

30 :- ((( رزق الروح )))

كلمات :- نبيل خلف
الالحان :- وليد سعد

رزق الروح من عند الله
وحى القلب بامر الله
نفسى اروح لمقامة وابوح
وانا مشتاق يا رسول الله

الله الله[/color][/frame]