صينيه الضبان والعكر الملاح
 

السلام عليكم ورحمة الله وبركاته

قلت يا ولد علم بنات حواء طبخ الضبان


المقادير

ضب او ضبين الي تبين حسب امكانيات الشكمان

ثلاث فصوص بصل ملاحظه : ( لكل ضب ثلاث فصوص)

طماطه وحده لكن تكون بحجم كبير يعني كنها اصغر من الجرو الشمام ملاحظه: (لكل ضب طماطه)

طريقة العمل

يتم طبخ الضب اولا في قدر مع مويه وملح فقط لمدة نص ساعه
بعد ذلك يتم تقشير جلده وإزالة القشر بعناية من العكرة

بعد ذلك يتم تقطيع الضب الى اوصال ويتم قطع العكره الى وصلتين فقط

يتم حمس البصل حتى يكون لونه مائل للحمره بدون احتراق

ومن ثم وضع لحم الضب عليه

وبعد حمسه لمدة 10 دقائق يتم وضع الطماطه المذكوره في اعلى الصفحة

ويتم حمس الضب مع وضع القليل من الملح

بعد ذلك يتم إخراج اللحم ووضعه في صينيه

ومن ثم وضعه في الفرن وتحميره

وبالهنا والعافيه

وانشاء الله الاطباق جايه للكبسات

اخوكن واخوكم

منيب شاعر

رد على: صينيه الضبان والعكر الملاح
 

الله يعطيييييييييييك الف الف الف عافيه

بس من جد سؤال ::: حلو طعمه ؟؟؟؟

وسؤال ::: يقولون ان الواحد وهو يطبخه انه يتحرك وحتى لو قطعوا راسه ؟؟؟

بصراحه انا يروعني يعني مستحييييييييييييييييييل اقربه والله يخليه لكم

رد على: صينيه الضبان والعكر الملاح
 

والله لو مايبقى الا هو مااكله

احس مقزز شكله وشلون عاااااااااد ابطبخه

الا وش تحس وانت تاكله هههههههههه

مشكور اخوي منيب شاعر

تقبل تحيتي

رد على: صينيه الضبان والعكر الملاح
 

[quote=شموخ سدير]الله يعطيييييييييييك الف الف الف عافيه

بس من جد سؤال ::: حلو طعمه ؟؟؟؟

وسؤال ::: يقولون ان الواحد وهو يطبخه انه يتحرك وحتى لو قطعوا راسه ؟؟؟

بصراحه انا يروعني يعني مستحييييييييييييييييييل اقربه والله يخليه لكم[/quote]
الله يعافيك

الطعم ميزة الضب فيه ثلاث نكهات

العكرة : طعمها مثل الأكلات البحرية يعني فيها شوي من طعم سمك الهامور
الفخوذ : طعمها فيه شوي من لحم الطيور مع شوي من لحم التيوس
اليدين : اقل طعم شوي من الفخوذ لكن بنكة ثانيه
الضهر : الضهر ما فيه شي فاضي لكن الي جايع يمزمز عضامة الظهر
وفيه بيض الضب : وهذا من الذ الاكلات

السؤال الثاني : نعم يتحرك له خمس دقايق لكن ممكن بعد الذبح تتركينه برا لين تطلع روحه

وبالهنا والعافية

رد على: صينيه الضبان والعكر الملاح
 

[quote=السفيرة]والله لو مايبقى الا هو مااكله

احس مقزز شكله وشلون عاااااااااد ابطبخه

الا وش تحس وانت تاكله هههههههههه

مشكور اخوي منيب شاعر

تقبل تحيتي[/quote]
تعوذي من ابليس وجربي وصدقيني تدمنين

بالنسبه الإحساس وانا اكله احساس بالسعادة لاني أكل ضب

لكن لاكون أكثر مصداقيه من 5 سنوات ما شفت الضب ولا كلته والاسباب اني صرت في الصيف اقعد في جحري والضب يكون طالع وفي الشتاء اصير اطلع للبر والضب يكون في جحره ما يطلع ويكون نحيف ولا ينوكل


وبالهنا والعافيه

رد على: صينيه الضبان والعكر الملاح
 

انا عن نفسيي ما اتخييل شكليي اقدر اكل ضب

وزي ما السفيرة قالت [QUOTE]والله لو مايبقى الا هو مااكله [/QUOTE]

:p

يعطيييييييك العاافية منيب شااعر
مشكوورما قصررت والله

وترانا بنتظاار طبقك القادم ان شا الله :D

رد: رد على: صينيه الضبان والعكر الملاح
 

[QUOTE=الريم;203572]انا عن نفسيي ما اتخييل شكليي اقدر اكل ضب

وزي ما السفيرة قالت

:p

يعطيييييييك العاافية منيب شااعر
مشكوورما قصررت والله

وترانا بنتظاار طبقك القادم ان شا الله :D[/QUOTE]
الاطباق جاية ان شاء الله

انا كنت مضيع وين المنتدى وتوني احصله من ست شهور

لكن ابشروا بانواع طبخات

رد: صينيه الضبان والعكر الملاح
 

ههههههههههههههه


احلى اكله لقيتها


ويعطيك العافية

رد: صينيه الضبان والعكر الملاح
 

منيب شاعر
هذا ليس المكان المخصص لعرض هذا الموضوع
عليك الذهاب الى قسم الطبخ تحت بأخر المنتدى
شكرا لك

بارك الله فيك
جميل ما اطلعت عليه
تحياتي