منتديات الفطاحله - (مــابــاقــيٍ نـــوع)

منتديات الفطاحله (http://ftahilah.com/index.php)

- همس القوافي للشعر النبطي (http://ftahilah.com/forumdisplay.php?f=10)

- - (مــابــاقــيٍ نـــوع) (http://ftahilah.com/showthread.php?t=116447)

(مــابــاقــيٍ نـــوع)

[align=center]السلام عليكم ورحمة الله وبركاته

كل عام وأنتم بخير[/align][size="3"][/size]

[poem=font=",5,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ياعيد يوم إنك من العصر تنذاع=فرحتك سنة دين والدين مزروع
لصدورنا من صغرنا خير مرباع=واللي غرس له زرع نافع ومنفوع
شيبان باقيهم على رؤوس الاصباع=ياليت لو منهم ملايين وجموع
وأنا ماقول الخير في وقتنا ضاع=واكبر دليل إن العلم فوق مرفوع
ماهوب بالأفضل كل من ذكره إيشاع=افضل بشر بالدين تابع ومتبوع
وأنا على السنه ماضيعت الأسناع=لكن من الايام ضايق وموجوع
عشت الزمن رحله وتشتيت ووجاع=ارتاح من مشروع وادخل بمشروع
ليت الفرح يقدر يغير بالأوضاع=ويزيح له هم" على القلب مطبوع
هم" حدا رجلي على كل مطلاع=اجر لي صوتٍ خفي غير مسموع
وجدي على اللي له بصدري تمتاع=وله في طواريه ابتسامات ودموع
اقرب من الانفاس لقفاص الأضلاع=وابعد على المشتاق من حبة الكوع
حسب اعتقادي جامع" كل الاطباع=الشين لا والزين ماباقيٍ نوع
اشوفه بعيني بحر شوق وأمَتاع=الخوف في الامواج والدرَ في القوع
تجوع له عيني وقلبي والأسماع=وشلون مدري مير انا ميتٍ جوع
عن ماتحب النفس مايفيد الإقناع=حتى لو تشوف الآمل فيه مقطوع
لا جابه الطاري له النفس تنصاع=وتسج مع طاريه غصبٍ بلا طوع[/poem]