ياليتني طاير واطير بالريش؟؟
 

[poem=font="simplified arabic,6,black,bold,normal" bkcolor="transparent" bkimage="../backgrounds/39.gif" border="ridge,8,silver" type=1 line=0 align=center use=ex num="0,black"]

يابو محمد عسـاك تـدوم وتعيش=يانســل قـوم تشـرفنـي بخوتها
اللابـه اللـي نواظـرها مباشيش=يفرح بها الضيف وتنـومس ضيافتها
قبل الـرخا في سـنين مابها عيش=شــهران تـاريخها رمـــز لثقافتها
والعزوه ابن القحم ربـع مداغيش=ما احـد تجـاهل لغـارتها وفزعتها
لادندن الحـرب وبروقه مراهيش=فـوج بمـيرادها وفـوج بصدرتها
خيـالة القـوم فـرسان وحنانيش=توسـع الجـرح ماتـرحم بطعنتها
دخيلها لاحصـل بالعـلم تهويش=سـنه وشـهرين يبقى فـي حمايتها
ماتقبـل المخطـيه ولا البخاشيش=والديــن لاسـلام يالله عز رايتها
تاقف مع الحق والعـزوه نيانيش=وسلاحها الذكـر والسـنه شريعتها
وما تقبل اللي يحبـون التحاريش=اللـي تحـب الـفتن وتـزيد غلتها
علـومها هـايفه وتلـوذ بالحيش=لـوكـان تغـريك لاتقبل صداقتها
فلاح بعد العصـر مريت بشويش=بالـديـره اللـي تسـليني طبيعتها
نبـاتها السـدر تسـقيه النشانيش=واشجارها مورقه من زيـن تربتها
ظلالهـا ضافي مـن غير تبريش=كـنت اتـمنى نقيـل تحـت فيتها
ونشوف من لبسها زيـن الدناديش=غير البلا النفس مافـرحت بهقوتها
كـنت اتوقـع تراحـيب وتفريش=ودلال بــن نحلـيها بتمــرتها
ماكنت اصدق يجي بالـبر شاويش=الا بعد ما اقبلـت عـرفت مشيتها
فلاح لاعـادها الله مـن مطاريش=الله لاعــاد سـاعتهــا وهيتها
وردت عـد تمـوت به المعاطيش=تخايـل المـاء ولا تروى بوردتها
ماناشنا من مطـرها لو رشاريش=مدري متى ترعـد وتمطر سحابتها
ياكيف ترضى على مثلي مغاشيش=رميتنـي بيـن أيـاديـها وقسوتها
بسـبابها كـن ينهشـني نواهيش=فـلاح ماصـابنــي جعله بذمتها
عرش بقلـبي معه بالجـو تعريش=ياعزوتي صـار قلبي تحت رحمتها
علامتـه فـارقه بيـن الدراويش=ماقلت لي من اول ان هذي علامتها
لوكان وضحت لي ماصار تشويش=ولا انهــزم خــافقي قدام هيبتها
الجادل اللي خذاها الكـبر والطيش=من حقها غــير وش خلت لخيتها
فلاح انا صـابنـي منهـا تناتيش=السـاحــره ماعرفنا ويش قصتها
الجـادل اللـي جدايـلها عكاريش=يـوم اقبلت قـامت تقصر بخطوتها
ظبي خلاوي صغــير مابعد نيش=زاد الـغلا بعدمـا شـفنا وسيمتها
يالعنبـوهـا زعيـم يتبعـه جيش=واسـتيسـرتنـي بهيبتـها وقوتها
العـود ريـان وعـيونه مراييش=يالتينـي ماعدلـت وشـفت وقفتها
كلمتها غـير مـاردت علي ليش=قصدي شريف ولا ادري وش نيتها
ياليتني طـاير واطـير بالريش=واطـير من ديرتي وامسي بديرتها
والله ماني من طـيور الخفافيش=اللـي تدور بتـالي اللـي فرصتها
ابيه فـي سـاعة بيضا مناويش=واشرح لها اللي حصل منها وسبتها
همش على خافقي بالصك تهميش=يالـيت عينـي طفت قـدام شوفتها
يالـيت بالـبر دوريـه وتفتيش=وتـرد بعض العـرب منها وجيتها
لو خيروني بغـيره قلت مابيش=ما احد من الناس يدخل في محبتها
ابليس يابنت لـو طعتيه يغويش=يلعب على النفس لين تطيح قيمتها
يابنت لو تنظرين لحـال مغليش=الابتسـامه كـرم وحنـا بحاجتها
قفلتها يـافـلاح اليـوم بالشيش=اللعبه اللـي خسـرنا مـن بدايتها
وختامها بعد هرجي والخرابيش=صلوا على شافع الامـه وصفوتها[/poem]

[align=center][size=6][font=ms sans serif]
وسلامتكم

ابو خاااااااااااالد[/font][/size] [/align]

رد: ياليتني طاير واطير بالريش؟؟
 

صح لسانك الجزل : أبوخالد

نص شامخ بشموخ كاتبه

والنعم فيك وفي لابتك

يالغالي

تقديري ,,,,,,,,,,,

رد: ياليتني طاير واطير بالريش؟؟
 

[align=center][size=5][font=Courier New][color=#00008B]الشاعر المحترم (مبارك الشهراني ) صح لسانك وجاد بيانك ابيات وافية وكلمات شامخة , لك مني فائق الإحترام ودمت بكل خير .[/color][/font][/size][/align]

رد: ياليتني طاير واطير بالريش؟؟
 

ابيات رائعة ومعبرة
بارك الله فيك
تحياتي لكم

رد: ياليتني طاير واطير بالريش؟؟
 

الشهراني
صح السانك ملايين
جزلة من جزل لافض فوك
شكرا لك ولاهنت

رد: ياليتني طاير واطير بالريش؟؟
 

همش على خافقي بالصك تهميـش
ياليت عيني طفـت قـدام شوفتهـا
ياليـت بالبـر دوريـه وتفتيـش
وترد بعض العرب منهـا وجيتهـا
لو خيروني بغيـره قلـت مابيـش
ما احد من الناس يدخل في محبتها



الله الله


فعلا جميله على هالصباح الجميل


لا هنت

رد: ياليتني طاير واطير بالريش؟؟
 

[size=5][align=center][img]http://file12.9q9q.net/img/66748861/------------------.gif[/img][img]http://file12.9q9q.net/img/66748861/------------------.gif[/img][img]http://file12.9q9q.net/img/66748861/------------------.gif[/img]

[color=#0000FF]صح لسانك يالشاعر مبارك الشهراني [/color]

[color=#008000] جزل جزل و قصيدة رائعة بالحيل يا مبارك[/color]
[color=#FF1493]
معاني جميلة و وصف جميل[/color]

[color=#800080]و النعم بشهران و بكل القبايل [/color]

[color=#8B0000]سلمت وصح لسانك[/color]

[color=#0000FF]مع التحية لك [/color]

[img]http://file12.9q9q.net/img/66748861/------------------.gif[/img][img]http://file12.9q9q.net/img/66748861/------------------.gif[/img][img]http://file12.9q9q.net/img/66748861/------------------.gif[/img][/align][/size]

رد: ياليتني طاير واطير بالريش؟؟
 

[center][glow=003333][size=6][font=comic sans ms][color=#ffffff][color="deepskyblue"]
[color=#00CCFF][size=7]
[COLOR="Plum"]الشهراني

صح السانك مليون ولا يسدون

قصيده جزله من شاعر جزل

ابدعت بالوصف والتصوير

لله درك ولا هنت

موج القصيد [/COLOR][/size][/color]

[/color] [/color][/font][/size][/glow][/center]

رد: ياليتني طاير واطير بالريش؟؟
 

[COLOR="Purple"]ابوخاااالد

باسقه عذبه .........

عانقت عنااان السماءبروعتها

والنعم بالجميع.........

صح قلبك ولاهنتـــ........

.[/COLOR]

رد: ياليتني طاير واطير بالريش؟؟
 

صح لسانك يامبارك

ونعم بك وبصاحبك ولابتك

قصيده وافيه من وافي

ابدعت ياشاعر

لاهنت

تقبل مروري

وتقديري