منتديات الفطاحله - محاوره جماعيه بين بعض الفطاحله

هذي محاوره جماعيه جمعت بعض اعضاء المنتدى الشعراء وجدتها مع مسوداتي القديمه
ولا اعلم متى تاريخها والظاهر انها من الشات الصوتي

[poem=font=",6,black,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
الطائر=
كلن خذا حقه على ادق ميزان=مزحٍ ورزحٍ والقلوب ابتهاجي
رجالٍ نشامى مابهم نفو وديان=تجمعوا للخير من اقصى الفجاجي
والخاتمه صلوا على فخر عدنان=نبينا الهادي بليل الدياجي
الشويمان=
واما الذي منسوب لالاد زهران=شرن على جبال السراه الفحاجي
السويلم=
انا اشهد ان العود ياناس شيطان = يجيك لو ترقا رفيع المحاجي
الطائر=
ولا شفت عود الجن بالحيل طربان=احذر ترى يقلب مثل طير حاجي
ماينفع لطبخ ولا شوي بافران=ولا تحطه بالمرق مثل ماجي
الشويمان=
وطير السعد عثمان لا طار هربان=ننشد عنه عند العرب والخواجي
الطائر=
طبعا يبي توضيب قير وشكمان=شف له تكرن توضبه لإعوجاجي
نجم=
(كان له بيت منتهي بجملة (مقرشه بالكراجي) =، وبناء عليه كان ردي ووجدته مسحه)
الطائر=
كل غدا ينفخ بقولة فلانان=وكل يبي له صنفره بالبواجي
مسيلمه جده بصك وبرهان= لو هو تهرب نعرفه بالدياجي
السويلم=
يانجم انا لديار الاجواد ولهان = ذيك الديار اللي تزيد ابتهاجي
نجم=
حنا هنا كلن معه سمع ولسان=خلو القبايل واتركو الاحتجاجي
واللي معه علمن وله شد الاركان=يكرب حزامه او يجيه انفلاجي
الشويمان=
وحنا عنزه عند الملاقا لنا شان=نضرب على الكايد ظهور ودماجي
نجم=
اما رفيقك مايجي الشات ولمان=وان جاك بعض الناس يطفي السراجي
السويلم=
ان كان نايم خله ينوم نومان= وان كان صاحي قله الحين ياجي
نجم=
العود هدا جاه فالعشق حرمان=موتر ليا من سار جاه ارتجاجي
السويلم=
حنا الفضول اللي ليا ثار دخان = ضاقت على الاعداء وساع الفجاجي
خل الكلام اللي على غير برهان= تراى من قبل امس شينن مزاجي
يانجم رح طلع لنا العضو طوفان = له كم ليله زابنن فالقراجي
نجم=
يامن لراسن سار للكيف خرمان=لاجا بعير البدو جاه انفراجي
باسرحه للبر طاوي وندمان=لوينتخي حتى بولد العواجي
الشويمان=
ود السويلم لو كما طوير ذبان=يطير وياقع فوق روس النعاجي
السويلم=
مجمع زهارينن وبدون وقصمان = حمدان ومحمد وفيصل وناجي
نجم=
يابو بصل خلك على جال عجمان=لاقطع عليك الما وسلك البواجي
هتررل=
لبى السويلم ياعرب وين ماكان = يطربك صوته لو بدى به ازعاجي
السويلم=
لو اتمنا كان ودي بجنحان = واطير عنكم يافروخ الدجاجي
نجم=
زهران لولا ثقلها ثار بركان=يذهلك صوت المرت فوق المحاجي
الشويمان=
غرد واطربنا معك يا كحيلان=وحنا ندق الطبل لو هي عجاجي
السويلم=
اليوم انا مستاسع البال طربان = ارد زلال الماء وغيري هماجي
الشويمان=
يا مرحبا يابن سويلم وش الشان=تنشد عن اللي ما بجيبه خراجي
كانك مفلس بييع العفش نقصان=ورووح الى مكناس يطيب المزاجي
السويلم=
ازبن اذا ودك على قصر دسمان = تبي النجات ومنتب اليوم ناجي
الشويمان=
عليه صلى الله وسلم يا خبلان=شفيع في يومن شديد ارتجاجي
السويلم=
جيتا وانا دورك ياطير حوران = من عقب راحو مثل سرب الدراجي
الشويمان=
ترى النبي ماهو بقردٍ بزهران=تنسبه الى سكان كثار الملاجي
هتررل=
الخلق صلت وانت عاشق وهيمان = فكرك مع بنت المذيع العواجي
السويلم=
وين الصلاة الواجبه ياهل الاديان = مغير لجلجتن سوات الدجاجي
هذا بعد وانتم كبارن وشيبان = يالله عليك المتكل والخراجي
لا والله الا راحو اصحاب الايمان = تقطعت فيهم وساع الفجاجي
هتررل=
راح السويلم وحل محله الشويمان = يالله السلامه يالربع والخراجي
نجم=
حنا هنا ياضب ياوارد ايران=ياطرش جا من قم وغث المناجي
ديارنا العسرات وجبال فاران=منا رسول الله طلق الحجاجي
الطائر=
راحوا يصلو بمسجد دون بيبان= امامهم حوثي ومذن خواجي
الشويمان=
انتم هنا والا مشيتوا لجيزان=لزيارة الاجداد وفل الحجاجي
نجم=
موتر مصدي جا من البر عدمان=ثم ابتلشنا وانكسر كالزجاجي
السويلم=
خلا سعد يفزع معك ياسعيدان = خرجن خلي من ضمن باقي الخراجي
نجم=
وارث عصى جدك وماسحرك اعمان=ساحر سجاج وجا للاسياح حاجي
الطائر=
ياحافر قبره يحسبه بليهان=الصوت ديك والمواري دجاجي
ماقل دل وزبدة الهرج نيشان= مسيلمه جدك فخل اللجاجي
السويلم=
عندي عصا موسى وخاتم سليمان = غصت البحر والبر دجته دواجي
نجم=
انتم من الاعراب مافيكم ايمان=من حولكم فالبر حطو سياجي
ياعابد الدبنار فق ياطريمان=من جهلكم رحنا معك بالعجاجي
السويلم=
حنا مثل شمسن علت فوق الاكوان = وانتم ياحيل الله فتيلة سراجي
بيوتنا يانجم تشرا بالاثمان = وانتا بيوتك كنهن الحواجي
نجم=
الاطخم اللي تقصده يافهيمان=ماينزل الديره وسوق الحراجي
مايعرف الا سباع وطوال الايمان=والثعلب اليا قام جاه انفلاجي
السويلم=
والا فهات العود ناقة عريمان = مايمشي الا ماكلن له علاجي
نجم=
اظن عبدالله مسافر ل عمان=يبغى يسوي خير فاهل الملاجي
السويلم=
يانجم قلي وين ولد الشويمان = هو حاضرن والا غدا فالعجاجي
ان ماحضر فنتا البدل ياطخيمان = تبي تكسر مثل كسر الزجاجي[/poem]