منتديات الفطاحله

منتديات الفطاحله (http://www.ftahilah.com/index.php)
-   حكم وامثال (http://www.ftahilah.com/forumdisplay.php?f=195)
-   -   العرضه النجديه (http://www.ftahilah.com/showthread.php?t=2376)

دلع ماله سنع 20-03-2006 02:17 AM

العرضه النجديه
 
الملك عبد الله يحرص على أدائها سنويا في مهرجان الجنادرية

السعودية تقرر تدريس أشهر رقصاتها في الحرب والسلام لطلاب المدارس
تقرّر إدخال تلك الرقصة ضمن المناهج الرياضية في المدارس، وعممت وزارة التربية والتعليم على كافة الادارات التعليمية ببدء تنفيذ هذا القرار ومتابعة تنفيذه داخل المدارس بإشراف المشرفين التربويين.

وتعد "العرضة النجدية" التي تؤدي في الاحتفالات الوطنية، وتسمى أيضاً رقصة الحرب والسلام، الرقصة الأشهر في المملكة -وفي منطقة نجد على نحو الخصوص- وانتقلت منها الى أرجاء السعودية ودول الخليج، وتعتبر تقليداً معروفاً لدى المحاربين في وسط الجزيرة العربية (نجد) كان يؤديها المقاتلون لاستثارة الهمم وإذكاء الحماس، وتحمل كلماتها مضامين "تدعو لمواجهة العدو والذود عن حياض الوطن والموت من أجله والوقوف خلف القائد".

وتستدعي "العرضة" التي تؤدى بشكل جماعي، عدداً من الشمائل العربية الأصيلة التي يفخر بها المقاتلون والفرسان كالشهامة والمروءة والبطولة، وهي من أهم الموروثات الشعبية في الجزيرة العربية التي ما زالت محافظة على طبيعتها وطريقة أدائها.

وفي حفلات "العرضة" يرتدي المشاركون الملابس التقليدية التي ترمز للتراث، كما يتحلون بالخناجر ويتقلدون السيوف. ويستخدم فيها الطبل ليضفي على الرقصة جواً من الحماس، فيما يقوم المشاركون بهز سيوفهم وتتشابك الأيدي وتلتحم الأجساد في إيقاع حماسي تتخلله أهازيج الانتصار وشعارات الولاء وعهود الوفاء.

قصائد العرضة :

لها قصائد كثيرة ومن أبرز القصائد التي تلهب حماس الفرسان في أداء العرضة القصيدة المشهورة (نحمد الله جات على ما تمنا) وكلماتها:

نحمد الله جات على ما تمنا

من ولي العرش جزل الوهايب

خبر اللي طامعاً في وطنا

دونها نثني الاجات طلايب

يا هبيل الراي وين أنت ونا

تحسب أن الحرب نهب القرايب

واجد اللي قبلكم قد تمنا

حريا لا راح عايف وتايب

انهض الجنحان قم لا تونا

نبى ننكلهم دروس وعجايب

لا مشى البيرق وقيدومه إنا

حنا هل العادات وأهل الحرايب

ديرة الإسلام حامين أهلنا

قاهرين دونها كل شارب

نها للشاعر محمد العوفي :

ياشيخ باح الصبر



مني عليكم ياهل العوجا سلام ** واختص ابوتركي عمى عين الحريب
ياشيخ باح الصبر من طول المقام ** ياحامي الوندات ياريف الغريب
اضرب على الكايد ولاتسمع كلام ** العز بالقلطات والراي الصليب
لو ان طعت الشور يالحر القطام ** ماكان حشت الدار واشقيت الحريب
أكرم هل العوجا مدابيس الظلام ** هم درعك الضافي الى بار الصحيب







وذي بعد للشاعر فهد بن دحيم :




ياصليب الراس



جت لابوتركي على ماتمنى ** يوم خلى السيف يرعف ذبابه
شيخنا سير بنا لا تونا ** من سعى بالحرب حنا ذهابه
ياصليب الراس زبن المجنا ** من سلايل وايل يلتجى به
حن هل العوجا نسابق دخنا ** فعلنا بين وكل درى به
كم صبي طاح يشكي طعنا ** فارق الدنيا وفارق شبابه
لاحتمى البارود منهم ومنا ** لابتي تاطا الخطر ماتهابه



وللشاعر فهد بن دحيم :




يا نجد حنا لك



مني عليكم ياهل العوجا سلام يزيد ** واختص ربع بالمراجل تظهر حقوقها
فروخ الحرار اللي تطلع في نهار الهديد ** من نسل ابوتركي شبوب الحرب بسبوقها
حنا هل العوجا وحنا اللي نرد الضديد ** والطايلة يحظى بها من عز طاروقها
يانجد حنا لك على الداعي كعام الضديد ** والله ما نرخص بها وسعود عشيقها
يا لابتي هرج المجالس بالرخا مايفيد ** يقطع صبي مايرد النفس عن بوقها
لي قيل ابوتركي من العوجا نوى بالشديد ** عبدالعزيز اللي يسوق المر بحلوقها



وذي بعد للشاعر فهد بن دحيم :





حنا هل العادات

سلام يا شيخ على الحكام صيته رفيع ** لين اصطفق في نجد تسكن عقب زلزالها
نمشي براي الله ثم براي ابو الجميع ** عبدالعزيز اللي ملك نجد وحمى جالها
لي جا نهار للجنايز فيه مثل الصريع ** يمن جوانبها ويقعد ميل عيالها
كم راس راس عاصي عقب الصعا له يطيع ** سلطان نجد وهقوته محد تهقوى لها
واثنى على اللي بالملاقا للسبايا وديع ** سلطانا لي كبرة القالات شيالها
عبدالعزيز ان باعوا الشيمة هله مايبيع ** لاستصعبت يحلها ويخلص اشكالها



برضو ذي :



حن هل العوجا



شيخنا سلطان كل القبايل ** اعلنت له بالثنا اربابها
ياخذ الطولة على كل طايل ** هقوته محد تهقوى بها
ابوتركي لاقبل الضد صايل ** ياخذ الطولة ويحظى بها
حن هل العوجا الى جت صمايل ** وشيخنا اللي نجد عيا بها
كم صبي يحتظي بالجمايل ** مايهاب النار يا طابها
ودك اللي مامضى له فعايل ** يلبس الشيلة يغطى بها


وكمان هادي يابويه :


نجد شامت

نجد شامت لابوتركي واخذها شيخنا ** واخمرت عشاقها عقب لطم خشومها
لي بكت نجد العذية تهل دموعنا ** بالهنادي قاصرين شوارب قومها
حن هل العادات ومخضبين سيوفنا ** والطيور الحايمة جادعين لحومها
صعبة افعالنا لي بغاها غيرنا ** وكلمة التوحيد حنا عمار رسومها
حن هل العوجا نهار الملاقى عيدنا ** والجزيرة كلها مد بين قرومها
لابتي عوج المراكيض هذا سوقنا ** بيعوا الارواح في الهوش باول سومها




وذي القصيدة اخواني الافاضل للشاعر عبدالرحمن الصفيان :


ضرب المعادي


لي صاح صياح المنادي ** وقالوا ترى ما من سلام
عاداتنا ضرب المعادي ** والذيب يشبع مالجهام








وهذي بعد للشاعر عبدالرحمن بن صفيان وهي القصيدة المشهورة

نحمد الله

نحمد الله جت على ماتمنى ** من ولي العرش جزل الوهايب
خبر اللي طامع في وطنا ** دونها نثني الى جت طلايب
واجد اللي قبلكم قد تمنى ** حربنا لي راح عايف وتايب
ياهبيل الراي وين انت وانا ** تحسب ان الحرب نهب القرايب
لي مشى البيرق فزيز ومه انا ** حن هل العادات واهل الحرايب
كان ما نجهل على اللي جهلنا ** ما سكنا الدار يوم الجلايب
ديرة الاسلام حامينه انا ** قاصرين دونها كل شارب











وللشاعر الاديب عبدالله بن خميس:




وين المغاني

سلام يادار تربع في مفيض الوصيل ** نخوة بني مقرن هل العادات تعزى لها
دار الشرف والمرجلة والمجد عز النزيل ** لاجا بوادر قالة فانشد عن رجالها
يادار قولي وين صاف الما وهدب النخيل ** اللي تعطف شرد الغزلان بظلالها
وين المغاني والمباني والنسيم العليل ** وين الرجال اللي عرفنا تحتمي جالها
جداوي لي مني مريت الدار دمعي يسيل ** واقول مما في ضميري آه عزالها
حلفت يابلادي مانبي بك بديل ** لوكان دار يجتني الياقوت بسهالها
يالله ياللي لا عطا مهوب مده قليل ** طالبك يا منزل بلاها تلطف بحالها
عساك ياوادي حنيفة كل يوم تسيل ** تحيي بلاد جدد الاسلام بقذالها


[COLOR="Red"][SIZE="5"]طبعا الموضوع منقول حرفيا نسخ لصق
ولكن اللي انامخليني انقل الموضوع هو سؤال
مارايكم بتدرريس العرضه؟؟؟؟؟؟؟؟؟؟؟؟[/SIZE][/COLOR]

احساس أنثى 20-03-2006 02:52 AM

[grade="0000FF 0000FF"]غاليتي دلع

كل الشكر لكي لنقل هذا الموضوع الرائع

وأنا عن رأيي الشخصي لاأمانع بتدريس العرضه في مدارسنا
فهي من عادات وتقاليد الجزيره العربيه00

فكم هوجميل أن يتعلم أبنائنا هذه العادات والتقاليد00


تحياتي ياحياتي[/grade]

أم ريما 20-03-2006 09:36 AM

هلا اختي دلع

يعطيك العافيه على الموضوع

والنقل الحلو

بس مااظن تحتاج تدريس سهله :)

تحياتي لك

الغريب 20-03-2006 01:06 PM

[COLOR="DarkOrange"]دلع

مشكورة على النقل

وبخصوص سؤالك اعتقد انها مهمه خصوصاً وان جيل ها اليومينابطال الديجتال والله

مايعرفون يمسكون السكين ماهو السيف

بس اعتقد ان اسمه تغير الى العرضه السعودية

لو طبقت بمسماها الاصلى اعتقد راح تصير حساسية من اهل الشرقية

لانهم بيقولونوين عرضاتنا وفلكلورنا

هذا اللى عندي [/COLOR]

دلع ماله سنع 21-03-2006 02:00 AM

[quote]وأنا عن رأيي الشخصي لاأمانع بتدريس العرضه في مدارسنا
فهي من عادات وتقاليد الجزيره العربيه00[/quote]

هلا اختي احساس
وانا اخالفك الراي لعدة اسباب
[quote]كم هوجميل أن يتعلم أبنائنا هذه العادات والتقاليد00[/quote]
جميل وعظيم ايضا ولكن ليس بتدريسها في المدارس

[quote]بس مااظن تحتاج تدريس سهله [/quote]
هلا ام فيصل
ممكن بالنظر نشوفها جداسهله ولكن عند الممارسه راح نجد فيها شي من السهل الممتنع
خاصة اللي ماعندهم خبره بالرقص

دلع ماله سنع 21-03-2006 02:01 AM

[quote]وبخصوص سؤالك اعتقد انها مهمه خصوصاً وان جيل ها اليومينابطال الديجتال والله

مايعرفون يمسكون السكين ماهو السيف[/quote]
صادق اخوي غريب بس مولدرجة انها تدرس بالمدارس

[quote]بس اعتقد ان اسمه تغير الى العرضه السعودية

لو طبقت بمسماها الاصلى اعتقد راح تصير حساسية من اهل الشرقية[/quote]
مومشكله العرضه السعوديه السعوديه

الريم 21-03-2006 02:06 AM

انا بعد ماامانع بالعكس يا ليت تتطبق

تسلمين دلع على النقل

الطائر المهاجر 21-03-2006 02:07 AM

العرضة فن من الفنون الشعبية ، مثلها مثل رقصة المزمار في الحجاز والجنوب ،
والسامري بأنواعه... الخ ، وبالتالي ارى تدريس مادة الفنون الشعبية كزء من
مادة الوطنية ..

دلع ماله سنع 21-03-2006 02:10 AM

[quote]انا بعد ماامانع بالعكس يا ليت تتطبق

تسلمين دلع على النقل[/quote]
هلا يالريم حياك

[quote]تدريس مادة الفنون الشعبية كزء من
مادة الوطنية ..[/quote]
ياليت تكون كجزء من الوطنيه
وتعريف بها وبباقي الفنون
ولكن ياخوفي انها تكون ماده لوحدها
مادري وش بيشرحون فيها
لانه امر ملكي فلازم يطبق زين مازين

الطائر المهاجر 21-03-2006 02:54 AM

عندما تكتشف الجهة التي رفعت بطلب الموافقة الملكية ، أن فكرتها لم توفق ، سيعاد النظر فيها ،
فأقل ما يقال عن اقرارها بأنه سيؤدي إلى التفرقة ، وسيجد مدعي حقوق الإنسان فرصتهم ..


الساعة الآن 06:34 AM.

Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع الحقوق محفوظة لمنتديات الفطاحلة