منتديات الفطاحله - الله على وقت مضى يوم كنت صغير

منتديات الفطاحله (http://ftahilah.com/index.php)

- همس القوافي للشعر النبطي (http://ftahilah.com/forumdisplay.php?f=10)

- - الله على وقت مضى يوم كنت صغير (http://ftahilah.com/showthread.php?t=173217)

الله على وقت مضى يوم كنت صغير

بالصوت

[RAMS]http://up.ftahilah.com/up/uploads/Mine/Segheer.rm[/RAMS]

[poem=font=",6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
الله على وقت مضى يوم كنت صغير= يوم الرياض بأهلها ما تعرف اجناب
احياء قليله ما بها زود بالتعمير= متلاصقات بيوتها الباب جنب الباب
الجار يرعى سابع الجار بالتقدير= ودرب الصراحه دربهم ما بهم كذاب
والناس تتسابق على فعلةٍ للخير = ما نام جايع بينهم او شعر بارعاب
دينٍ على الفطره ولا يعرف التحجير= فيه التسامح ما عرف لوم ولاّ عتاب
واليوم اشوف الدار مع موجة التطوير= فيها الاجانب ضعفنا مكشرين انياب
زاد الغلا مادامهم من ورا التسعير= متحكمينٍ بالتجاره وهم احزاب
شامي وبنقال ويماني مع الكشمير= مصري وهندي والبقيّه من البنجاب
متلاعبين بدارنا وين منت تسير = ومن خلفهم متبطحٍ ما كسب باتعاب
يعطوه طفسه والبقيّه الى التصدير= مليار واكثر لكل واحد بليّا حساب
مصوا دمك يادار وانتي بلا تغيير= لو وضعك مدحدر وهم من ورى الاسباب
الاجنبي متروك ما طاله التكدير= لو دخله المليار مرفوع عنه حجاب
واللي تقرر من قرارٍ يبي تفكير= لا تنفرون عيالكم فالفقر غلاب
فالشعب بالغالب من الشح في تقتير =والأغلبيه بالفقر ماكلين تراب
الشعب لامن جاع ما يقبل التبرير= يختل امنه والقطاوه تصير ذياب
لا تتركوا العادي يلاقي بهم تنفير= ويشجع المضهود يمشي مع الارهاب[/poem]