عفواً عن ذنوب الحب تايب
 

[align=center]
مصافحه جديده ومتواضعه

اقبلوها كما هي

؛
؛[/align]
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=sp num="0,black"]

عسعس الليلُ على فانوس دره = واختلط صمت الشوارع بالشوايب
دغدغ النور الظلام وشاع سره = يحتضن برد الشتاء دفء اللهايب
ياهجوسي بؤبؤ العين يتشره = للضمير المستتر تقدير غايب
بيّح المكنون قل لله دره = والله اني ماهقيت الحظ جايب
لي حبيبً قد أمنتُ مكر شره = والحقيقه قد يأست القاه سايب
لو يبا يمشى على درب المجره = يستضئ الكون من صفر الذوايب
ادري انّه ماوراه الاّ المضره = شوف رأسي كيف صار اليوم شايب
ساقني سوق الجمل في حين غره = لين شفت الصبر من تحت النصايب
واكتشفت ان الهوى حاليه مره = مرّةٍ حسّت عطيبين الضرايب
حاك خيطٌ في سبيل الوصلِ مره = فاستهام القلبُ سهم الحبِ صايب
يمكن اني لو نسيت الثوب ازره = طار قلبي صافح كفوف السحايب
الخطر عسّ المطر في عين ذره = جفّ سيلٌ يحمل انفاس الحبايب
اختفا فجاءه واعيد البحث كرّه = بعد كرّه فص ملح بنهر ذايب
مجلس النواب لو قالوا مقرّه = يحسب اني مجلس النواب نايب
قال كيف الحال جعلك في مسره = قلت حمدلله بخير وجرح طايب
بس عاد ارتحت واشعر مستقره = حالتي حتى الهنا من رحت آيب
ياسرابٍ يلفح الظميان حره = ليش تصفع خدّ مامون الركايب
قال تدري وانت لي فالعين قره = ماألفت الرعب في عين القرايب
مدّ حبل الودّ يبغاني اجرّه = قلت عفواً عن ذنوب الحب تايب
اقبل الصبح وتنفس فوق درّه = وانكشف ستر الشوارع بالعجايب[/poem]

رد: عفواً عن ذنوب الحب تايب
 

[color=#8B0000][size=5][align=center]
اختفا فجاءه واعيد البحث كرّه
بعد كرّه فـــــــــص ملح بنهر ذايب

مجلس النواب لو قــــــــــــــــالوا مقرّه
يحسب اني مجلس النـــــواب نايب [/color]
.......................

[color=#0000FF] الشاعر/ علي العتيبي

صح لسانك

تصوير وروعه في المعنى وقافيه غير شكل

وسلاسه في السرد الموسيقي بنغمة عاشق

وفنان وشاعر . إسمه .. علي محمد العتيبي

سلمك الله ورعاك ،،

تحياتي وتقديري ،،،

[/align][/size][/color]

رد: عفواً عن ذنوب الحب تايب
 

عسعس الليلُ على فانوس دره
واختلط صمت الشوارع بالشوايب
دغدغ النور الظلام وشاع سره
يحتضن برد الشتاء دفء اللهايب

.
ادري انّه ماوراه الاّ المضره
شوف رأسي كيف صار اليوم شايب
وشلك فيه دام مامن وراه الا المضره خله يروح في حال سبيله

علي العتيبي صح لسانك

رد: عفواً عن ذنوب الحب تايب
 

[color=#008000]لافض فوك

ما شاء الله جزله من شاعر جزل

وقفتني هالبيتين من قمة الروعه

[quote]
ياسرابٍ يلفح الظميان حره

ليش تصفع خدّ مامون الركايب

قال تدري وانت لي فالعين قره

ماألفت الرعب في عين القرايب [/quote]


صح لسانك لاهنت [/color]

رد: عفواً عن ذنوب الحب تايب
 

[size=5][color=#FF1493]مدّ حبل الودّ يبغاني اجرّه
قلت عفواً عن ذنوب الحب تايب



الله الله يا العتيبى


صح لسانك وفكرك


صعبة[/color][/size]

رد: عفواً عن ذنوب الحب تايب
 

ياسلام ياعلي

صح لسانك

قصيده روعه

ابيات في غاية الجمال الله يعافيك

تحياتي

رد: عفواً عن ذنوب الحب تايب
 

[COLOR="Green"]الله عليك
صح لسانك ولا عدمنا جديدك
شاعر مبدع نتشوق لنصوصه وإبداعاته
كل الشكر وتقبل وُدي[/COLOR]

رد: عفواً عن ذنوب الحب تايب
 

السلام عليكم ورحمة الله


اخوي الشاعر الراقي





على محمد العتيبي






قصيدة تحمل الكثير من الابداع




لاهنت يالشاعر







اخوك






وليدالبسطي

رد: عفواً عن ذنوب الحب تايب
 

[B][COLOR="Blue"]ياهجوسي بؤبؤ العين يتشره
000000000000للضمير المستتر تقدير غايب
بيّح المكنون قل لله دره
00000000000والله اني ماهقيت الحظ جايب

علي العتيبي

نص حمل الجميل من الصور الرائعة

صح لسانك وبيض الله وجهك

دمت بخير [/COLOR][/B]

رد: عفواً عن ذنوب الحب تايب
 

صح لسانك اخي الشاعر علي
لاهان راسك قصيدةرائعة
سلمت وسلم شعرك
دمت بخير