منتديات الفطاحله - محاورات الفطاحله على الشات رقم ( 4)

[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الي معه للشعر فاقه يجيني=والا يخليني معا العامريه ( فلاح)

انا اشهد انك مفلس باليقيني=ضايع بدربك مامعك لو هويه (الطائر)

ياعود ماكنت احسبك تحتريني= واثرك كما القيطون يغدر خويه( فلاح )

الغدر منك يارفيق الخميني = يومه ذبح الف وألف وميه (الطائر)

العود قلبه يشتكي مالحنيني= يعشق عجوزٍ ساكنه بالحويه (فلاح )

يالربع هدو اللعب خلو الهجيني..وخص الاديب اللي علومه نديه (السبيعي)

خل العمى لاتلبسونه رديني= مايعرف الا الجلد كل اضحويه (فلاح)

انا ادري انك ماكل لك حنيني=ومثقل كرشتك كنك عطيه (سناعيس)

اعور مع اعمى في طريق البطيني =طاحوا بجفره حافرتها يديه (الطائر)

خالد ترفق وانتظر ياجنيني = وحكم لعقلك قبل حكم الحميه( الطائر )

اما انت المنشار مالك معيني = سلم سلاحك كان تبغى النجيه (الطائر)

الله بحب العود لايبتليني = لو جيت قال النيه عندي مطيه (فلاح)

الحفرة اللي بتحفرها ياشيني=بنكرفسك فيها مع كم حيه (سناعيس)

مانا من الي يدرق يالخنيني= عندي لحربك فوق مية سريه (فلاح )

مثلك فلا ينحب خذها يقيني = إلا من اللي ماعرف لك سجيه (الطائر)

اما انت ياسنعوس وينك ويني=ارفق عليك ولا ابي لك اذيه (الطائر)

مالي بحيك يالذي تهتريني= فرعون قبلك مات موته رديه (فلاح)

ماعندك إلا الخرط منته عديني= سريتك هزمتك من العامريه (الطائر)

احسبك رايح واثرك انته تجيني=لو رحت والا جيت بك ماعليه (فلاح)

لو شجعك خالد تراها يميني= يضرب بسيف ولا حصل مقدريه (الطائر)

شفتك تحدد ارض بام القويني= سرقت قوت الشعب نفسك خووويه (فلاح)

ياكثر هرج اللي وخذ بالرطيني = ولاصملت حربٍ تراجع شويه( الطائر)

خبرك عندي وباصفطك صفطتيني=ولا من صفطتك بأجدعك بالحويه (سناعيس)

احوشكم حوش الطلي السميني = لالعب فيه الذيب شاف المنيه (الطائر)

السوق باسبايبك جاته سكوني= خسرت خلق الله ورجعت ليه (فلاح)

خبرك قديم فلا تحاول تجيني= ياسهل صيدك ياظبي محميه (الطائر)

لو تسمع اللي بخاطري من سنيني= منشار مصدي طايحٍ في مديه (الطائر)

تدري لك الحشمه وفعلك يبيني= قدرك عزيز وما معي لك رديه (فلاح)

لا ماعلي خلاف ياباالقريني=سنعوس كفى لين صرت الضحيه (السبيعي)

عذرك كما عذر البليد البطيني= يمسح طباشيره وينظر إليه (الطائر)

مسكين ماتدري تحسبك مكيني=ضايع ولاتدري بروحه وجيه (سناعيس)

صاحب سريته ودربك يقني= لابد تركض لو نسيت الهويه (الطائر)

صحيت عقب الطخ يامارديني = لاباس دامك ناويٍ بالغزيه (الطائر)

اهواك من لاارقاك واقفى الرديني=تصيح وحدك في ديارٍ خليه (الطائر)

احب قول الحق لو هو عليه= واحب آصل يوم لأقصى الحقيقه (الطائر)

شكل لاحسان هالايام شيني =والادب في الرد صاير رديه (العيناء )

ماللعواطف في طريقي هويه= بالعقل وحده منهجي والطريقه (الطائر)

انا ابحاول احصي اللي يجيني=من الفشق وارجع اعيد القضيه (سناعيس)

اعرفك مثلي حر عن صدق نيه = فلاتنخدع باللي تلالا بريقه (السبيعي)

لا يالقريشي ليش ماتبتديها=هات الجزايل وابدها لاعدمناك (فهد المطلق)

ابشر بعزك يافهد باحتويها = واعطيك من جزل المعاني بيمناك (القريشي)

نبي العلوم الطيبات نحكيها=بين الجماعه ياذرى كل من جاك (فهد المطلق)

ياماحلى يوم الفطاحل تجيها=تسعد بها في كل يومك وليلاك (فهد المطلق)

كلن ورى الطولات يركض يبيها =يسعد الى من حاز مثلك وشروك (القريشي)

لاهنت تسلم والمراجل نبيها=انا اشهد انك وافي الهرج حياك (فهد المطلق)

الله يجنب دربنا درنا كل تيها=وسط الفطاحل ننظم القول واياك (القريشي)

في ملتقى من للعلا يحتويها=ربعٍ بجزل القول دومٍ تنصّاك (فهد المطلق)

نلقى القروم اللي بهم ما تتيها=ينورون الدرب لا تاهت خطاك (القريشي)

الريس اللي بالعلا محتميها= عن كل حاسد ملعون ونماك (القريشي)

لو نبتدي بالوصف ماننتهيها=بالطيب طيب وبالمظامين شرواك (فهد المطلق)[/poem]