منتديات الفطاحله - هموم الوقت وجراحي(بالصوت)

منتديات الفطاحله (http://ftahilah.com/index.php)

- همس القوافي للشعر النبطي (http://ftahilah.com/forumdisplay.php?f=10)

- - هموم الوقت وجراحي(بالصوت) (http://ftahilah.com/showthread.php?t=10095)

هموم الوقت وجراحي(بالصوت)

[rams]http://up.fatahilah.com/up//uploads/HmomElwgt.rm[/rams]

[poem=font="Simplified Arabic,5,white,bold,normal" bkcolor="blue" bkimage="" border="double,4," type=2 line=0 align=center use=ex num="0,black"]
هموم الوقت وجراحي وفجرٍ ما به اشراقه= وليل طال واقدارٍ تصرفني على كيفه
ادوّر مع شعاع الشمس فرحه لوهي اسراقه = ولكن كيف بلقاها بوقتٍ واضحٍ زيفه
زمان الصمت لا تقتل بربك روح توّاقه = كفايه قلبي المضنى تكسّر في مجاديفه
اولّع للأمل شمعه وريح الوقت سبّاقه = تطفّيها ولا تدري ربيع القلب من صيفه
ومخاييلٍ تلوح ولا امطرت والنفس مشتاقه= تبي ريح الندى يحمل بقايا ذكر من طيفه
ولكن الزمن عيّا غلق بالياس آفاقه = حرق باقي الطموح ولفّني باقصى متاحيفه
تماثيل الزمن وقفت تعزّيني على فراقه = بعد عمرٍ مضى في دوحته احرم سواليفه
اهاجر في سما النسيان علّ اسلى عن اشواقه = مثل طير فقد ريشه يهاجر رغم تنتيفه
قيوده تدمي عروقٍ بقلبٍ يسكن اعماقه = ابي لحظه يفك القيد وابعد عن مراهيفه
حبيبي والعشق عهدٍ نسيت اليوم ميثاقه= نسيت إنّك كتبته نبض كيف اليوم تحريفه
على بعدك على هجرك على حبّك وترياقه= احبك روح احبك قلب فانت الحب وتعريفه
ابنخى طيفك المسجون يمكن يطلق وثاقه= يجيني بالسنه مرّه ويسعدني بتشريفه
انا لولاك ما ابغى الكون مالي شفّ بدقاقه= وجودك بس يكفيني اقاوم في عواصيفه
ابي لو تقربي للقلب ما تخشين احراقه = مثلما كوكب الزهره سعى للشمس من كيفه
يبيها تدفي عظامه وتبعث روح دفاقه= ماهو مثلك نسيتي القلب حطمتي مجاديفه
مادام إن الجماد ايحن البعضه لحظة فراقه= علامك وانتي انسانه حرمتي القلب من طيفه
ابرفع شكوتي للي ضمن للطير ارزاقه = واقول الحب ياربي قتلني ظلمه وحيفه[/poem]