متى ضمير العُــرب من نومـه يقــوم ،،؟
 

[poem=font=",6,darkblue,bold,italic" bkcolor="transparent" bkimage="http://www.fatahilah.com/mwaextraedit2/backgrounds/11.gif" border="solid,2,orangered" type=2 line=1 align=center use=ex num="0,black""]



يالربع كدرتوا علي لذة النوم = يكفي جروحٍ ما لقينا دواها
الوضع متردي و به هم و هموم = يشكي من احداث تزايد غثاها
ضعنا و ضاعت فيه نخوات و سلوم = و استفحلت فينا النغايز معاها
ما عاد يجمعنا على الدين مطعوم = صرنا طوايف ساعيه في وذاها
هذاك يختلها و بالفتنه يحوم = و ذولاك ما ندري وش اللي وراها
كلن على ظنه مسوي له علوم = يوم الولاء بنفوس ناسٍ عداها
غدت عروبتنا مثل سايم يسوم = في متجر الاحقاد باع و شراها
المسجد الاقصى له سنين ملزوم = مسلوب في يدين اليهودي ثراها
كل يوم يتدنّس من اقدام مذموم = جريمةٍ كبرى على الله جزاها
وين الحديث اللي له اسناد و رقوم = قاله رسول الله و بين خفاها
المؤمنين اخوان حاكم و محكوم = من منهج التوحيد يصدح نداها

مثل الجسد لو صار سايره محموم = ترا السبب عضوٍ بجسمه شكاها
الدين تحيا به حضارات و تدوم = و دستورها القرآن حامي حماها

متى ضمير العُرب من نومه يقوم = عن كاهله يرمي ركايم طواها ؟

تمت و من خاطر به الجرح موسوم = أزكى سلام لكل منهو قراها

و صلاة ربي عد ما تظهر نجوم = على شفيع الخلق ساعة لقاها [/poem]

رد: متى ضمير العُــرب من نومـه يقــوم ،،
 

صح الله لسانك وفكرك
ولا هنت
جزلة وطيبة من راس طيب
تحياتي

رد: متى ضمير العُــرب من نومـه يقــوم ،،
 

شعور غير مستغرب من شاعر يحمل هموم امته التى تكالبت عليها الويلات والمصائب
تحياتي لكم

رد: متى ضمير العُــرب من نومـه يقــوم ،،
 

صح السانك يا ابوسعد

ودائما قصيدك جزل يا الجزل..

ما شاء الله عليك.تبارك الرحمن..

دمت بخير وصحه وسلامه ولا هنت عزيزي

رد: متى ضمير العُــرب من نومـه يقــوم ،،
 

يابوسعد نص وربي احس انه طلع مالقلب

ووصل الى القلب


جزيت خيرا

رد: متى ضمير العُــرب من نومـه يقــوم ،،
 

[color="royalblue"]صح لسانك وقلبك
وسلم منطوقك
قصيدة جزله تحاكي الواقع المر والهوان الذي تعيشه الامة

سلمت والله يعطيك العافيه
تقبل مروري وودي[/color]

رد: متى ضمير العُــرب من نومـه يقــوم ،،
 

صح لسانك ياسعود وجاد بيانك

قصيدة تحاكي واقع هم العربي المسلم لأخوانه العرب والمسلمين

أحسنت ولاهنت وتقبل مروري وتحياتي

رد: متى ضمير العُــرب من نومـه يقــوم ،،
 

[center][size="3"][font="advertisingmedium"][color="darkgreen"]داعي الشوق [/color]

نص مميز ومتقن وهادف وجزل
من شاعر عودنا على أتقان حرفه وتميزه
أبدعت وأمتعت داعينا رعاك الله
دمت بخير ودام أسلامنا بخير وصحوه
صح لسانك ملايين ملايين
ولك فائق تحياتي وتقديري [/font][/size][/center]

رد: متى ضمير العُــرب من نومـه يقــوم ،،
 

[quote=الطائر المهاجر;1478501]صح الله لسانك وفكرك
ولا هنت
جزلة وطيبة من راس طيب
تحياتي[/quote]

صح بدنك و لاهنت يا بو عبدالله

و مشكوووووور على المرور

رد: متى ضمير العُــرب من نومـه يقــوم ،،
 

[quote=منيع;1478503]شعور غير مستغرب من شاعر يحمل هموم امته التى تكالبت عليها الويلات والمصائب
تحياتي لكم[/quote]

مرحباً يا منيع

و صح بدنك يالغالي

ولاهنت