منتديات الفطاحله - زرعت زرعٍ ماه من دمي وعرقه بالظلال

منتديات الفطاحله (http://ftahilah.com/index.php)

- همس القوافي للشعر النبطي (http://ftahilah.com/forumdisplay.php?f=10)

- - زرعت زرعٍ ماه من دمي وعرقه بالظلال (http://ftahilah.com/showthread.php?t=144363)

زرعت زرعٍ ماه من دمي وعرقه بالظلال

اعزائي رواد هذا المنتدى العريق اعتذر لكم عن الانقطاع واطرح بين أيديكم هذه الابيات لعلها تنال شيء من استحسانكم

[poem=font="Times New Roman,6,black,bold,normal" bkcolor="transparent" bkimage="http://www.fatahilah.com/mwaextraedit2/backgrounds/21.gif" border="double,4,orange" type=2 line=1 align=center use=ex num="0,black""]
حبيبتي ما للعمر قيمه ليا قل الوصال=وانتي لك اكثر من ثلاث ايام وانتي غايبه
هل تعلمين إني بعد غيبتك صايبني هبال=ماعاد اميز بالأمور المخطيه والصايبه
اجتاحني جيشٍ من التفكير ياسمح القبال=جيشٍ مايهزم من كثر عتاده وكتايبه
استوطن بعقلي وصار العقل دار الاحتلال=والله يسامح هجرك اللي يعتبر سبايبه
القلب ينزف يالغلا والحب يصرخ لك تعال=يصرخ لك انقذني من افكار الزمان السايبه
والعين مسهرها الوله والقلب مافيه احتمال=إن ماتضمد من وصالك مابرت صوايبه
وأنا على بعض الأمال اعيش ياكل الأمال=وأقول في نفسي لنفسي مانسي حبايبه
اخلق من الاعذار مايمكن ولا يمكن يقال=واروي ظما كبدٍ من اشواق المحبه ذايبه
وليا ذكرت إن الزمن مهما يباعدنا وطال=إنه كذا طبع الزمن لكن مصيره جايبه
اخذني الحب الحقيقي لآخر حدود الخيال=حتى تخيلته معي وجروح قلبي طايبه
وإلا الحقيقه والحقيقه مايجي فيها جدال=مهما تخيلته معي تبقى الحقيقه خايبه
زرعت زرعٍ ماه من دمي وعرقه بالظلال=وإن هب ذعذاع الهوى ماياصله هبايبه
مايعرف الماء والهوى والشمس واملاح الرمال=مايعرف إلا تربةٍ بين الحنايا رايبه
ينمو وانا اقول الثمر باقي له ايام وليال=في كل يوم أقول يمكن تستوي رطايبه
ولا دريت إلا انها تفهق غصونه بالشمال=وتمد لي بيمينها حلو الثمر واطايبه
من لامني في حبها ماشاف ربات الجمال=ولا بعد عاش الحنان ولا عرف عجايبه
أنشهد إني ذايبٍ في حبها والحال حال=وأنا ادري إني يوم ذبت إن البنيه ذايبه[/poem]
[url]https://twitter.com/nashmi_almoyazi[/url]