الجروح
 

[b][right][size="3"]السلام عليكم

قبل ان ابدا بكتابه القصيده بقول لكم قصة القصيده
ارسلتها للشاعر راشد الجعثين ونشر منها ثلاثه ابيات
فقط استغربت اتصلت وقلت ابو محمد ليش مانشرتها
كامله والا تركتها قال بصراحه القصيده قمه بس رفض
رئيس التحرير ليش مدري طبعا انا شخصيا ماعرف الاستاذ
راشد المهم ارسلتها لفواصل واعجب فيها ناصر العتيبي
ورفض النشر
سمعها الشاعر ناصر السبيعي ولم يقووول السباااب
الاعجاب وعدم النشر طبعا فيه كذا شخص قالوا فيه
بيتين احتمال انهم السبب طبعا بترككم معها يمكن
الاقي المشكله

وسلامتكم



[poem=font=",6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
الصبر كمل والجروح اجداد والخافق سقيم =وانا على ذاك الطريق الصعب رجلي حافيه
يزود همي واشتياقي كل ماهب النسيم =والموت لاذعذع نسيم الشرق وعيني غافيه
يفز قلبي واذكرك واصير لعيونك نديم =اساهرك بالليل واسهر بالجروح الخافيه
مشيت لعيونك على مثل السراط المستقيم=وفيت لك في عصر كل اقلوب ناسك جافيه
ملكتني من دون كل الناس والله العظيم =حلمت بك حلم المريض اللي رجاه العافيه
وتركتني بين الرجاء واليأس بس الله كريم=يجبر عزا نفسا معك بالحب كانت وافيه
مادام صرت من الوفاء والصدق بعيونك قديم =صحيح انا في عصر ماهو لي وهاذي كافيه
من اعصر ابونا ادم كذا مبدا الخيانه بالحريم =يعني بصراحه اكتشفت شموع حبي طافيه
الليل خصمي والسنين العوج ياموت الخصيم=وشلون اقاوم وقتي القاسي وكفه ضافيه
بينك وبين افعال وقتي صرت كالطفل اليتيم =تقرا على وجهي اجابات لسؤالك شافيه
كلمه اخيره ماكرهتك بس والله العظيم =مالك معي ذكرا غرام الا الجروح الخافيه[/poem][/size][/right][/b]

رد على: الجروح
 

مشيت لعيونك على مثل السـراط المستقيـم
من اعصر ابونا ادم كذا مبدا الخيانه بالحريم

القصيدة جزلة وقوية ولا فيها ما يمنع النشر
إلا الشطرين فوق ، لإحتمال ان التشبيه بالصراط المستقيم
قد يرى البعض عدم جوازه شرعا ، وكان يمكنك قول
مشيت لعيونك على مثل الطريق المستقيم
اما الثاني ، فقد جاء به تعميم على كل الحريم
وتستطيع التعديل باستخدام "بعض الحريم"

صح لسانك مليار ولا تكفي
ولاهان راسك
مع أطيب تحياتي

رد على: الجروح
 

صح السانك وعلا شانك قصيده وافيه وجزله من شاعر جزل ومتمكن وله باع طويل في الشعر تقبل ودي وتقديري

رد على: الجروح
 

قصيده قمة في الروعه والجمال اخوي محمد

صح لسانك مليوووون


واكيد اللي بينشر هالقصيده في منتداه كسبان وغيره بيخسر


تحياتي

رد على: الجروح
 

انا اشوف ان القصيده ماعليها كلام

لكن البيت هذا ..

من اعصر ابونا ادم كذا مبدا الخيانه بالحريم
يعني بصراحه اكتشفت شموع حبي طافيـه

يبيلك تفكر فيه

وانا ما اقصد وزن وقافيه

اقصد معني بعيد ..


لك التحيه

رد على: الجروح
 

[COLOR="RoyalBlue"][B]ملكتني من دون كـل النـاس والله العظيـم
000000000000حلمت بك حلم المريض اللي رجاه العافيـه
وتركتني بين الرجاء واليأس بس الله كريـم
000000000000يجبر عزا نفسا معك بالحب كانـت وافيـه
مادام صرت من الوفاء والصدق بعيونك قديم
000000000صحيح انا في عصر ماهو لي وهاذي كافيه

محمد بن حزام بن فاهد

ما اروعك

قصيدة رائعة رائعة

وجزلة

وهذي مشكلة المحسوبية حتى بالنشر

يعني لو فرضنا ان فيه بيتين لم يجازوا

طيب احذفهم وانشر القصيدة

بس اذا عندك واسطة بالمطبوعة ابشر بسعك لو انت بنغالي

نشرنا لك القصيدة وقدمناه باحلى تقديم واحلى خلفية

لا وبصفحة لوحدها 0

عموما نقرأ قصائد في المطبوعات لو كانت منشورة عندنا هنا لنقلتها

الى قسم عمليات الشعر ليتم تعديلها وتجبيرها 0

بس يابن حزام وسع صدرك وانا اخوك جميع المجلات بدون استثنا ء

ماعندك احد 0

المهم قصيدتك ذي تستاهل النشر عشر مرات مو بس مره 0

والله لايحدنا للمجلات0

اسف للاطالة

دمت بخير وعافية[/B][/COLOR]

رد: الجروح
 

صح قلبك وفكرك

جميله جدا كلماتك

ودام لنا قلمك الراقى

رد على: الجروح
 

ابن فاهد روعه وتجنن ومن قلب الى قلب (( الله يهديهم )) امييننننننننننننننننننننننن
::::::::::::::::::::::::::::::::::::::::::
من اعصر ابونا ادم كذا مبدا الخيانه بالحريم
يعني بصراحه اكتشفت شموع حبي طافيه
الليل خصمي والسنين العوج ياموت الخصيم
وشلون اقاوم وقتي القاسي وكفه ضافيه
"؟؟؟؟؟؟؟؟؟؟؟؟؟؟؟؟؟؟؟
صح الله لسانك

رد: الجروح
 

كتبت فأبدعت في الوصف والحرف

تألق عانق عنان السماء

رد: الجروح
 

دامت روعتك و لا هنت

كلمات رائعة

و معاني جميله و صادقه