بقايا قلب
 

[poem=font=",5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
تكفى..طلبتك..خلّك اكثر قساوه=ما ودي آحُبُك وانا دوبني تبْت
هذي جروحي..كل ابوها نداوه=أخاف تنقضها..وانا ما بعد طِبْت
تدري ان من طبع الاسود الضراوه=والحب شيخ شيوخها كان حسَّبْت
اذا انجرح يذبح بناب السطاوه=يدمر عرينه كل ما حسّ بالكَبْت
وانا بقلبي جرح ...ولا آقول داوه=سيّد جروحي كلّ ما صاح بي جِبْت
واما انت..هرجك فيه زايد حلاوه=ما شفتني وشلون في هرجتك غِبْت
شفني تخيّلتك تَرَفْ في رخاوه=الا في احضاني تعلّقت لي ذِبْت
تمشي وتعزف بالخطى في هداوه=على وتر قلبي وغنّيت واطرَبْت
بعضك مع بعضك مسوي شقاوه=شفهم تحت عينك وانا منهم انصَبْت
كَنْهم جيادٌ.. جامحاتٌ... نقاوه=فكّيت عنها الجامها والرسن سِبْت
اوه اوه... ليه الحرف ساق الطراوه=نيِّته شينه ودّه اني لك اقرَبْت
عزمت أردّه لو يكن لك غلاوه=احس نفسي للخطر جيت واسرَبْت
ياللي تمايل مع نسيم الصباوه=ما عاد لي بالحب من عقب ما شِبْت
شيّب بي اللي كِــنّ حبّه عداوه= قد حبني من صدق وانا له احبَبْت
وبيني وبين الحب بعده غشاوه=وجرحه حديقه كل موسم لها نَبْت
ياقلب حتى الجرح جت له حفاوه=تستقبله مسرور.. يسعدك ما عِبْت
مُستعمَر ومُحتَّل.. وتدفع أتاوه=من مهجتك.. وش باقيٌ منك وش هَبْت
هذا خيالي وانت بالهمّ خاوه=دامك بقايا قلبْ واتعبت واتعَبْت
وياللي طبوعك بين حضر وبداوه=لا قمت افكّر فيك وامعنت واسهبت
يا ليتني عنّك بـ(ـوادي رهاوه)=والا يكن راعي مغاتير في خَبْت
لانك اذا ما تصبح اكثر قساوه= أخاف انا آحُبُك وانا دوبني تِبْت


[/poem]]

رد: بقايا قلب
 

[size="5"][color="olive"][i]تبت ،، الله الله يا بو هاشم

صح لسانك و اعتلا شانك و طاب حالك

مبدع و رائع دائما يالشاعر

لاهنت و صح لسانك مدد[/i][/color][/size]

رد: بقايا قلب
 

ياسلام ياسلام ياسلام عليك ابداع في ابداع صح السانك قصيده جزله من شاعر جزل تقبل ودي وتقديري

رد: بقايا قلب
 

ياسلام عليك
كل الروعة والابداع
شكرا لكم
تحياتي

رد: بقايا قلب
 

رااائعه وابدعت شاعرنا المميز سمار
وملياار صح لسانك

رد: بقايا قلب
 

[size="4"][center][b][i]صح لسانك واعتلى شانك

و دامت نبضات قلبك وفيضك الزاخر

شاعر تستحق التقدير وقصيدة لا يأتي بها الا مثلك

ابدعـــت بكل ما صغت من بدع[/i][/b][/center][/size]

رد: بقايا قلب
 

سمار
صح السانك ملايين
رائعة جدا
لاهنت اخي

رد: بقايا قلب
 

[size=4][color=black]الله الله [/color][/size]
[size=4][color=black][/color][/size]
[size=4][color=black]الشاعر القدير والكبير في شاعريته [/color][/size]
[size=4][color=black][/color][/size]
[size=4][color=black]سمار صح الله لساااااااااااااااااااانك ابداااااااااااااااع[/color][/size]
[size=4][color=black][/color][/size]
[size=4][color=black]ابداااااااااااااااااااااااع من قطع النظير الله عليك اعجابي واحترامي[/color][/size]
[size=4][color=black][/color][/size]
[size=4][color=black]لك اخي الكريم[/color][/size]

رد: بقايا قلب
 

[size="5"] الله الله ياسمار راااائع وشاعر متمكن وقصيدة تنبض بالاحساس والشعر الراقي تقبل تحياتي واحترامي [/size]

رد: بقايا قلب
 

الله الله

صح لسانك يابو هاشم

مصافحه عطره وجزله

لاهنت

تقبل مروري

وتقديري