الا ياطير وش لك ..عن الإرهاب
 

[RAMS]http://up.ftahilah.com/up/uploads/Mine/wishlKbelhmam.rm [/RAMS]


[poem=font="simplified arabic,6,white,bold,normal" bkcolor="seagreen" bkimage="" border="groove,4,white" type=2 line=0 align=center use=ex num="0,black"]
الا يا طير وش لك بالحمام اللي سهل ينصاد=ابيك تدوّر طويرٍ على طيوري يهدونه
شغل فكري وخلاني سهير الليل دون ارقاد = ينوح ولا بدا نورالفجر غيّر من لحونه
ينادي كود تطلع له عصافير الهوى تنقاد= يعلمها على الالحان ويسحرها بمكنونه
يمشّيها على كيفه على فكره على الميعاد = وإذا من تسمع لهرجه يثير الشك مضمونه
يمنّيها تصير صقور وتبني في السراب امجاد= وتهاجم من يعارضها تحسب الشر بعيونه
انا ما همّني نوح القماري صرت له معتاد= أبي من علمّه يرطن وابفهم من يغذّونه
الا يا طير لو تلقاه قل له يفهم الابعاد = ويترك ديارنا تامن ولا نحتاج له عونه
كفانا من الزمن غبنه كفانا كثرة الحسّاد = كفانا مجدنا الضايع هدمنا عالي احصونه
على اسبابه تفرقنا وصرنا بالجهل اضداد = شيع واحزاب تتصارع وكلٍ حط قانونه
بلا استقرار ما ننهض من الطيحه بقاع الواد= ولا نقدر نقاوم سيل هذا الوقت ومجونه
تكاتفنا يحل اشكالنا كانه نوي الارشاد = غني القوم لو يكفل فقيرٍ ثقلت اديونه
وشبابٍ عاطلٍ يلقى العمل لو صار له إعداد = لشغلٍ يمسكه وافد ولا يحتاج للشونه
ولا يا طيور عميانه تركتوا سيرة الاجداد= ومشيتوا درب باسبابه فرح بوش وشارونه
عطيتوهم عذر ندخل متاهات الزمن افراد=وطعنتوا قلبنا المثخن بجراح الوقت وطعونه
تجيزوا قتلة المسلم وتسعوا في الأرض بافساد= فوين الدين لو كنتوا تعرفوا بعض مضمونه؟
تناقض واضح في الفكر والأعمال والإسناد = تعيشوا شبه غيبوبه ودرب الشر تمشونه
جميع الشعب متنبّه ويدري فعلكم بالكاد = يخدم اللي يعادينا ولا ظنيت تدرونه
وإذا ما تعرفوا فانتم ضحايا لعبة الموساد = توجّهكم لضرب الدين واهله كيف ترضونه؟[/poem]

رد: الا ياطير وش لك بالحمام ..عن الإرهاب(بالصوت)
 

صح لسانك ولسان شاعرها ولاهنت وتقبل تحياتي

رد: الا ياطير وش لك بالحمام ..عن الإرهاب
 

هلا بك ولد عطا
اذا قولك وصح لسان شاعرها
جهلا بمن قالها ، فإن أي قصيدة في ديواني
هي من شعري ، أما إذا تعرف لها شاعر آخر
فبينه ..
تحياتي

رد: الا ياطير وش لك ..عن الإرهاب
 

هذا هوى الواقع المؤلم الذي نعيشة اليوم للاسف
شكرا لك ولحرفك الجزل الحكيم
تحياتي

رد: الا ياطير وش لك ..عن الإرهاب
 

شكرا اخي منيع
على كريم المتابعه
لاهنت
تحياتي

رد: الا ياطير وش لك ..عن الإرهاب
 

تناقض واضح في الفكر والأعمال والإسناد = تعيشوا شبه غيبوبه ودرب الشر تمشونه
جميع الشعب متنبّه ويدري فعلكم بالكاد = يخدم اللي يعادينا ولا ظنيت تدرونه
وإذا ما تعرفوا فانتم ضحايا لعبة الموساد = توجّهكم لضرب الدين واهله كيف ترضونه؟

صح لسانك مليااااااااار ياعود

جزالة والمعنى بحر

لاهنت لاهنت وصح فكرك

رد: الا ياطير وش لك ..عن الإرهاب
 

صح السانك
ولاهنت

رد: الا ياطير وش لك ..عن الإرهاب
 

شكرا داعي الشوق
على كريم المتابعه
لاهنت
تحياتي

رد: الا ياطير وش لك ..عن الإرهاب
 

صح لسانك عدد بلامدد
لاهنت
يعطيك العافيه ابيات في قمة الروعه
تقديري واحترااامي

رد: الا ياطير وش لك ..عن الإرهاب
 

شكرا بنت النور
على كريم المتابعه
لاهنتي
تحياتي