عبد الدراهم مابكنّه نواعيه
 

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياجعل بيتٍ ماأكْرم الضيف والجار=ينهد بنيانه على راس راعيه
بيت البخاله لو ضوى فوقه انوار=باهت كما الي فيه شُحّه يراعيه
والله لو هو قصرمن حوله فنار=انك لتكره شوفته من لواعيه
يأنف دخوله قطو لو شاف به فار=والطير من بخله شكاه ويداعيه
لامن نصيته غمغم الوجه واحتار = وامسى يقلب لك ويوْريك اواعيه
يحلف ولو تبغيه يبكي شجى الدار=البخل في قلبه عظيمه مراعيه
يشكي عليك الحال والقول ماصار= تقنع منه من قبل تطلب مساعيه
لو كان لاهل البخل بالناس معيار=لـ يكون جاوزهم وطالت كراعيه
ماله لغيره يوم هو يجني العار = عبد الدراهم مابكنّه نواعيه
انا اشهد ان البخل ماهو للاحرار=وش قيمة الرجال اذا خاب داعيه
وش شرف الاحنف وحاتم يالاخيار=غيرالكرم واما هل البخل ياعيّه
الرجل ماسماه رجال دولار = مواقف الرجال باليسر ساعيه
الي يسد ان جيت في ليل ونهار=راعي الجمائل لو زمانه يلاعيه
هذاك عمله نادره بين الامصار=في وقت قامت تنفث السم افاعيه
تغير العالم وكن الفلك دار= والبحر ملّت منه حتى سواعيه[/poem]

رد: عبد الدراهم مابكنّه نواعيه
 

جزل جزل
ياابن منشار
وذكرتني بقول السديري
ياعل قصرٍ مايجي له اظلالي=ينهد من عالي مبانيه للساس
تحياتي وتقديري

رد: عبد الدراهم مابكنّه نواعيه
 

[COLOR="DarkOrange"]الله ،، الله ،،

صح لسانك ملايين ،،

سلم بوحك و دام نبضك يالشاعر ،،

الف شكر لك ،،

دمت برعاية الخالق ،،[/COLOR]

رد: عبد الدراهم مابكنّه نواعيه
 

يا مرحبا ويا هلا بخوي فلاح.

من العايدين الفايزين يا ابو محمد..

الرجـل ماسمـاه رجــال دولار
مواقف الرجال باليسـر ساعيـه
الي يسد ان جيت في ليل ونهـار
راعي الجمائل لو زمانه يلاعيـه
هذاك عمله نادره بيـن الامصـار
في وقت قامت تنفث السم افاعيـه
تغيـر العالـم وكـن الفلـك دار
والبحر ملّت منه حتـى سواعيـه

صح السانك وعلى شأنك.
اشهد بالله انها قصيده من اولها الى تاليها دره ثمينه جزله بكل المقاييس.

بيض الله وجهك بنور الايمان يا الغالي.

دمت بخير وصحه وعافيه

رد على: عبد الدراهم مابكنّه نواعيه
 

[COLOR="Green"]الله عليك درر يا الغالي

أبدعت صح لسانك ولا هنت

وماننحرم من جديدك

تحيتي لك[/COLOR]

رد: عبد الدراهم مابكنّه نواعيه
 

الله الله



بن منشار ..



حبك وسبك .. ألف ألف صح قلبك وفكرك ..



ابدعت لاهنت ... لله درك .



إعجابي ... غلاااااااااااااي



م ن

رد على: عبد الدراهم مابكنّه نواعيه
 

[quote]تغيـر العالـم وكـن الفلـك دار
والبحر ملّت منه حتـى سواعيـه[/quote]

الشاعر الكبير فلاح بن منشار

الف صح لسانك على هذه الرائعة

عز الله تغير العالم ودار الفلك يابن منشار
حتى الجيران تغيرو ماهم على خبرك

دمت ودام لنا ابداعك

رد: عبد الدراهم مابكنّه نواعيه
 

صح لسانك ولله انك جزل يابن منشار

رد: عبد الدراهم مابكنّه نواعيه
 

لا مجاراه لـنبضك الصـادق

بالفعـل قل مـا نجد مثلك

شاعـر يكتب بهـذا الإحـساس

بالتوفيق يارب

لحرفك .. اجمل التحايا

رد: عبد الدراهم مابكنّه نواعيه
 

صح لسانك على هالجزله يافلاح واصبت الهدف ياذيبان

لكن في هالزمن معك قرش تسوى وزنك ذهب حتى لو صرت بخيل

واذا صرت على حد الكفاف او منتف والله من تطنيشه ويحقرونك حتى لو بك خصلة الكرم

طبعآ باستثناء القلة شرواك ياطيب ممن يقدرون الرجل بخصاله وليس بماله

معليش شطحت بعيد ومثلك يعذر يافلاح

وصح الله لسانك يامميز