ألفية غزلية
 

[font="arial"][size="4"][center][color="darkgreen"]بسم الله الرحمن الرحيم

مساكم الله بالخير جميع



محاولة ، وأرجوا أن تنال إعجابكم



أقول ...[/color][/center][/size][/font]



[poem=font="simplified arabic,6,black,bold,normal" bkcolor="transparent" bkimage="" border="none,4," type=0 line=1 align=center use=ex num="0,black""]
ألفٍ أولف وانظم القول تنظيم=قولٍ مرتب مايبي أي ترميم
عن حالتي والحب وصخيّف الريم=لا واهني القلب لاجا وشفناه
والبا بدا قلبي يحس بغرابة=يومٍ ضيف الحب جا دق بابه
يامرحبا يالضيف يامرحبا به=ضيفٍ مقّدر بالحشا دوم سكناه
والتا تولعنا بحب البناتي=مدري وش اللي صار ويش السواتي
الوالده مما جراتي تحاتي=صارت تنادي من يعاين لي دواه
والثاء ثلم قلبي ظبيٍ عيوفي=أبو قذيلة والمحنا الكفوفي
كم ليلةٍ أسهر ودمعي ذروفي=لامر يومه ماعلي درّج خطاه
والجيم جاني من عذولي ملامة=حتى المطوع قال يالله السلامة
قلت أتركوا قلبي وهذا مرامه=قلبي دعاه الحب ولبى لدعواه
والحاء حرمت القلب من حب غيره=سلمته القلب المعنى يديره
راضي بشر الحكم ولا بخيره=درب الهوا غاوي وحنا سلكناه
والخاء ختمت كتاب ربي وصليت=وطفنا مع الحجاج في روضة البيت
ياعلني مما جرى لي تشافيت=أثري بدون أحساس ناديت لباه
والدال دلعت الغظي لين ريش=مني تعيش ليت منه آتعيش
مسكين من يعشق ضميره مطيش=ضايع مابين الشك والحق تلقاه
والذال ذللت الصعايب لعينه=تفدا عيون الزين كل المدينة
ياجعلها تاصل رضى والدينه=أبوه وأمه داخلينٍ على جاه
والراء رويت من القصص والأقاويل=كله لأجل يرفع قليل المحاصيل
هذا وأبوها عارفه طبعه بخيل=همه فتات المال ياوين مجناه
والزاء زادي ياعرب ما أذوقه=ثلثين زادي للغضي دوم أسوقه
أرتاح يومٍ تنتشي به عروقه=كني نهلت من العدود المصفاه
والسين سليت السيوف الشطيرات=باخوض حربٍ بين قوم الإشاعات
ماعاد تفرق قيل لي حي أو مات=خلي وبقطع عنه ماقالوا عداه
والشين شاور لي حبيبي وسلم=أدنى بجني وابتسم ثم تكلم
قال آتألم كانك أنت تألم=عسر البخت مابيننا باسط رداه
والصاد صام القلب وأفطر على ماش=صرنا على ماقيل بياع ببلاش
بسباب غروٍ صابني واتعب الجاش=يالله ترحم من تعنى ببلواه
والضاد ضميت الحزن والتوا بي=حتى طيوف الحب ولّت سرابي
ياحسرة عيون الرجل واسفا بي=كم ذيب يشكي وان شكى صاح بعواه
والطاء طبيب الحب سير عليّه=عاين خفوقي والهوا والقضية
قال الدروب اللي حدت بك شقية=وانصحك نهر الحب لاترتشف ماه
والظاء ظروفي ربي اللي سترها=وفياض قلبي مزن ربي غمرها
وزانت حياتي ثم بين ثمرها=الحمد لله ماخسر من تنصّاه
والعين عامينٍ مضت ثم عامين=الناس تعرفني بسيد المحبين
واليوم أنا زاهد لربي وللدين=يالله تقبل توبتي والمناجاه
والغين غادرت الصحايب والأوطان=همي سلامة ملتي هي والأبدان
ولقيتها ياخوان في دار عدنان=يثرب ياجعل السيل يروي شغاياه
والكاف كامل مملكته هديته=لأهل الحوائج والفقارى عطيته
لو راح مالي عند ربي لقيته=ربحان من يبذل وقدام يلقاه
واللام لازمت الذكر والمساجد=لذة حياتي بين راكع وساجد
قلبي توقض بعدما كان هاجد=مسعود من وقته قضى في مصلاه
والميم مخطي من يريد السعادة=في غير ذكر الله وفرض وعبادة
يالله نسألك التقى والشهادة=وجنان خضراء والثمر بان بكماه
والنون نور الخير يطغى على الشر=والفاجر اهجر خوته وإلزم البر
وسابق بميدان الكرم كان تقدر=هذه نصائح من تبصر بدنياه
والهاء هداني ربي وقلت توبة=وكلٍ عسى الغفار يغفر ذنوبة
ويجزي وجيه الخير كل المثوبة=اللي ليا شافت سواتي تولاه
والواو واجد حالهم مثل حالي=قد نالهم شيء من اللي بدا لي
ماكل درب الحب معسول حالي=وكلٍ يعرف دروب نفسه وممشاه
والياء ياليت الناس تسمع كلامي=تبعد عن دروب الوهم والظلامي
سيروا على نهج النبي الإمامي=الرحمة من الرب للخلق مهداه[/poem]





[font="arial"][size="4"][color="darkgreen"][center]وسلامتكم ..[/center][/color][/size][/font]

رد: ألفية غزلية
 

[color="darkred"][size="5"][font="arial"]
رائعة من شاعر رائع
ومتجدد الإبداع
دام ابداعك
تحيتي ومودتي [/font][/size][/color]

رد: ألفية غزلية
 

[size="4"]ياسلام ياسلام ياسلام لله درك ياشيخ مبدع وممتع[/size]

رد: ألفية غزلية
 

[font="arial"][size="3"]ياسلاام سلم
حيالله شاعرنا طوفان
من طول الغيبات جاب الغنايم ...
صح لسانك يالخوي جزل ومافيك حيله
نص جميل وراقي لاهنت


تحياتي وتقديري [/size][/font]

رد: ألفية غزلية
 

دكتورنا الغالي أبو عبدالله ، حللت أهلاً

نور المتصفح بوجودكم ..

أشكرك من الأعماق على تعقيبك وتشريفك هنا ..


تحياتي لك

رد: ألفية غزلية
 

طوفان
صح السانك ملايين
رائعة جدا لافض فوك اخي
شكرا لك

رد: ألفية غزلية
 

مبدع ومميز
شكرا لك
تحياتي

رد: ألفية غزلية
 

صح السانك يا اخ عبدالله..ما شاء الله تبارك الله..

الفيةٍ طيبه وجزله يا الجزل..

فعلا مرتبه ما تبي اي ترميم..

لا هنت لا هنت

رد: ألفية غزلية
 

[font="courier new"][size="5"][color="indigo"]صح لسانك ملاين
لاهنت
تحياتي وودي[/color][/size][/font]

رد: ألفية غزلية
 

[color=black][font=simplified arabic][b][center]والمـيـم مـخـطـي مـــن يـريــد الـسـعـادة
فــي غـيـر ذكـــر الله وفـــرض وعـبــادة[/b][/font][/color][/center]
[color=black][font=simplified arabic][b][center]يالله نــســـألـــك الــتـــقـــى والــشـــهـــادة
وجـنـان خـضـراء والثـمـر بـــان بـكـمـاه[/b][/font][/color][/center]
[color=black][font=simplified arabic][b][center]والنون نور الخير يطغـى علـى الشـروالـفـاجـر اهـجــر خـوتــه
وإلـــزم الـبــر[/b][/font][/color][/center]
[color=black][font=simplified arabic][b][center]وسـابــق بـمـيـدان الـكــرم

كـــان تــقــدرهــــذه نـصـائــح مــــن تـبـصــر بـدنــيــاه
[/b][/font][/color][/center]
[color=black][font=simplified arabic][b][center]والـهــاء هـدانــي ربــــي وقــلــت تــوبــةوكـــلٍ عــســى الـغـفــار يـغـفــر ذنــوبــة
[/b][/font][/color][/center]
[color=black][font=simplified arabic][b][center]ويـجــزي وجـيــه الـخـيـر كـــل المـثـوبـة

الــلــي لــيـــا شــافـــت ســواتـــي تـــــولاه
[/b][/font][/color][/center]
[color=black][font=simplified arabic][b][center]والـــواو واجــــد حـالـهــم مــثــل حــالــي
قــد نالـهـم شــيء مــن الـلـي بــدا لـــي[/b][/font][/color][/center]


صح لسانك مليوووووووووووون

قصيدة اكثر من راااااائعه من شاعر متمكن جزل

سلمت ودام بوحك