هلا يامرحبا ياصاحبي طوفان ..
 

[font="arial"][size="3"]السلام عليكم ورحمه الله وبركاته


من الارشيف .. محاوره عن طريق الرسائل الخاصه بيني وبين الاخ والشاعر الجميل
عبدالله المسعود ( طوفان ) .. من باب المشاركه اضعها بين ايدكم
اتمنى لها القبول [/size][/font]




[align=center][table1="width:95%;"][cell="filter:;"][font=simplified arabic][size=6][color=sienna][align=center]هلا يامرحبا ياصاحبي طوفان كيف الحال
ترى ننشد عن الطيب ليا من طالت الغيبه

طوفان
هلا بالشاعر المبدع هلا بالنادر الخيال
لكم بالقلب مرباعٍ وسيع وانت تدري به

هترل
انا ادري الوفاء طبعك وخصله من كثير خصال
ونبعك غايتي ياصاحبي انهل مشاريبه

طوفان
تعلمنا وعلمنا وشفت من الرجال اشكال
نعين اهل الوفاء وابن الردي نكسر مخاليبه

هترل
يروم الحر بالقمه ويترك واطي المنزال
ويبقى الثعل في مكره ولا نجهل اساليبه

طوفان
حرار اليوم ما تفرس وصاب الحر نوع اذلال
ونالت عزها البومه مصيبه والله مصيبه

هترل
قناطير الذهب لو شكلت ياصاحبي ..تمثال
ترى ما غيرت في قيمته ..لو كانت تعيبه

طوفان
كلامك حق يالنادر ولايمضي عليه جدال
لكن الكذب له ناسٍ طوال الوقت تدعي به

هترل
يبان الخافي ويظهر قصر فينا الزمن او طال
وعلم اليوم بالدرهم وباكر دونه نصيبه

طوفان
اخاف يبين ذاك اليوم ونفسك بالشقى تجتال
ولايمدي ترممها لو بالمال تجلي به

هترل
كريم النفس مايشقى يشيل الحمل والحمال
وعينه ماتشوف الا دروب العز والهيبه

طوفان
عرفتك في الليالي العوج لا ماسك ولا محتال
تبديهم على نفسك ضعيف الحال بادي به

هترل
دروب المعرفه تفرض على المحتاج وسع البال
وكل من له هدف لابد تحقق له مطاليبه

طوفان
عشقت الشعر وفنونه سبب ملفي وابن هذال
عليهم عافيه ربي ودرب العز ماضي به

هترل
انا شعري ورثته جد.. ورثته عم.. ورثته خال
ولامنه سلى الخاطر نودي العلم ونجيبه

طوفان
ياكثر الشعر والشعار قليل المنصف الجمال
شواعر عصرنا ضاعو سبايب شتم والغيبه [/align][/color][/size][/font][/cell][/table1][/align]

رد: هلا يامرحبا ياصاحبي طوفان ..
 

صح لسانك هتررل

وصح لسان طوفان

محاوره جزله و شعراء جزاله

يعطيكم العافيه

و مشكور هتررل ع اطلاعنا لها

رد: هلا يامرحبا ياصاحبي طوفان ..
 

بارك الله فيك أخي الفاضل الشاعر هتررل ..

مرة أخرى أتقدم بالشكر الجزيل لك على طرحك لهذه المحاوراة اللطيفة ، وأنا المستفيد الأكبر


تحياتي لك ودم بعافية

رد: هلا يامرحبا ياصاحبي طوفان ..
 

صحت السنتكم شاعرينا محاوره جميله وكلام من ذهب

لاهنتما

رد: هلا يامرحبا ياصاحبي طوفان ..
 

[quote=داعي الشوق;1613194]صح لسانك هتررل

وصح لسان طوفان

محاوره جزله و شعراء جزاله

يعطيكم العافيه

و مشكور هتررل ع اطلاعنا لها[/quote]




[font="comic sans ms"][size="5"]صح بدنك يابو سعد
شرفتنا بحضورك الجميل لاهنت

تحياتي وتقديري [/size][/font]

رد: هلا يامرحبا ياصاحبي طوفان ..
 

[quote=طوفـــان;1613244]بارك الله فيك أخي الفاضل الشاعر هتررل ..

مرة أخرى أتقدم بالشكر الجزيل لك على طرحك لهذه المحاوراة اللطيفة ، وأنا المستفيد الأكبر


تحياتي لك ودم بعافية[/quote]


[font="arial"][size="3"]هلا وغلا بشاعرنا الجميل والمبدع
<< شفناك بخلان علينا قلنا نهيضك .. ونطلع الي بقاع القدر :)
شاعر جميل وتشرف اللي يلعب معك لاهنت يالخوي
وصح لسانك

تحياتي وتقديري [/size][/font]

رد: هلا يامرحبا ياصاحبي طوفان ..
 

[quote=نجم الإبداع;1613252]صحت السنتكم شاعرينا محاوره جميله وكلام من ذهب

لاهنتما[/quote]



[font="arial"][size="3"]صح بدنك يابو محمد
الجميل حضورك والذهب معدنك لاهنت

تحياتي وتقديري [/size][/font]

رد: هلا يامرحبا ياصاحبي طوفان ..
 

صحت الالسنه وتعافت الابدان

محاوره رائعه جدااا

لاهنتم هترل وطوفان

مبدعين ورائعين

تقبلو تحياتي وودي

رد: هلا يامرحبا ياصاحبي طوفان ..
 

[quote=ساهر الليل;1613263]صحت الالسنه وتعافت الابدان

محاوره رائعه جدااا

لاهنتم هترل وطوفان

مبدعين ورائعين

تقبلو تحياتي وودي[/quote]




[font="arial"][size="3"]صح بدنك يابو نواف
الروعه في حضورك والابداع في مشاركتك لاهنت

تحياتي وتقديري [/size][/font]

رد: هلا يامرحبا ياصاحبي طوفان ..
 

هتررل × طوفان
صح السانتكم
ابداع في الفتل والنقض
لاهنتم