منتديات الفطاحله - من الشات (نجم الإبداع×ساهر الليل)

[size="4"][center]

[color="red"]نجم الإبداع[/color]

[color="darkslateblue"]يامرحبا هيل ياساهر عداد السيل ياصاح
وعداد من زار مكه ثم حول للمدينه
ياصاحبي جا لك الموال واسهر لين الاصباح
قاف الملوك اللذي قاله خلف وارضه مكينه [/color]

[color="red"]ساهر الليل[/color]

[color="seagreen"]دام البقا يالرفيق اللي كلامه فن وقراح
يبدع طواريق تسعد من نظرها رمش عينه
يشوقني القاف والموال كنه طيب فواح
صحيح من قال عنك نجم يبدع من كنينه [/color]

[color="red"]نجم الإبداع[/color]

[color="darkslateblue"]الكفو مثلك يشرف ماقفه وان شفته ارتاح
ياصاحبي ماعليكم زود وعلومك مبينه
لكن بعض العرب سارق ولامن جاك مزاح
تحسبه خلك وهو غادر بيسراه ويمينه [/color]

[color="red"]ساهر الليل[/color]

[color="seagreen"]ماعنكم زود يارمز الوفا ياصقر صداح
يشهد له الحاضر وتشهد له سوالف سنينه
ياليتني طير له يانجم ضاوي ريش وجناح
واصل ديار الوليف اللي نهب قلبي بزينه [/color]

[color="red"]نجم الإبداع[/color]

[color="darkslateblue"] لا واوجودي على وقتن مضى للناس وضاح
في صدر الاسلام واي روحي من الحاضر حزينه
زاد الغلاء والجشع واهل التجاره زادو الارباح
راح المواطن كما راحت معا ريا سكينه [/color]

[color="red"]ساهر الليل[/color]
[color="seagreen"]
لاعاد تشكي وانا قلبي من اول كله جراح
انظر بعيني ولا اشوف السما تنضح بعٍينه
تغير الوقت والعالم تدور مال وسلاح
نسو ان رب البريه من توثق به عوينه [/color]

[color="red"] نجم الإبداع[/color]

[color="darkslateblue"]ياوين عن قافنا ذالليل غاب الشيخ صنداح
لكان غنى على الموال واختار السمينه
والا فتالي العرب ماهوب لو جا يحيي الافراح
غشيم والطرق مايعرفه غير اهل الرطينه [/color]

[color="red"]ساهر الليل[/color]

[color="seagreen"]بعض العرب مالهم يانجمنا دكتور جراح
ياليتني باعرف اعراض المرض واعرف ونينه
واجيه واقضي لزومه بين ضحك وهمس ومزاح
والعين تبصر جمال القد مع ريفه ولينه [/color]

[color="red"]نجم الإبداع[/color]

[color="darkslateblue"]الروح ترتاح ياساهر وعنها الهم ينزاح
الى وفت ثم حاضت في محانيها السكينه
مانيب عاشق وعن عشقي يجيك اليوم الافصاح
والناس ماعاد حد ينشد سوى كم فالخزينه [/color]

[color="red"]ساهر الليل[/color]

[color="seagreen"]وشلون ياصاحبي باعمل بقلب الصب الى طاح
والناس ماترحم اللي طاح قلبه في ظنينه
ماعاد لي في شراب الكيف الى صدر بالاقداح
وصويحبي مبتعد عني في اطراف المدينه [/color]
[/center][/size]