قالوا الأرزاق قسمه
 

[poem=font=",6,darkred,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
قالوا الأرزاق قسمه وغير رزقك ماتحوش=قلت ذا هرجٍ يخدر كل محتاجٍ نزيه
كل متنفذ وصاحب ظهر من اهل الكروش= ياخذ لرزقه ورزق الغير واللي ينتويه
ومن عمل في كل امانه يسهر الليل الغبوش =ماله إلا راتبه لو كان في شغله فقيه
ومن وطاه الفقر لو يجري مثل جري الوحوش= دام ماشي بالنزاهه فالفقر يركض اليه
إلا ان كانه يتاجر بكل ممنوع وغشوش = تحصله في يوم يطلع شيخ ربعه او ذويه
يعني الارزاق قسمه غير في جمع القروش=رزق بنتٍ او وليدٍ او لشيٍ تلتقيه
فالدراهم ماتجي للي يتبطح كالجحوش= دام ماله من نفوذٍ او ورثها من ابيه
او بأية طرق من طرق الحرام اللي يحوش= او تجاره ناجحه من عقل فاهم او نبيه
من بغى يتجر يسوي ما يسوون الطروش= يذل نفسه لين ياصل نافذٍ كلش بيديه
سم ، حاضر، انت سيدي ، لو بتضربني وتهوش= نافذٍ امرك ونهيك بكل شيٍ تبتغيه
وعقب وزره صار يلبس بشت لو هو من الحبوش=رجل اعمالٍ وشيخ لو هو جاهل او سفيه
يشتغل باموال غيره من ذيابٍ او كدوش= ولو نهب تلقاه قانع باللذي منها يجيه
مثل غيره خلفهم هامور من بعض الهروش= لاهفٍ ماشاف حوله لو كنوزه تعتليه
مايفكر يوم يرحل يوم يشقل بالنعوش= مامعه إلا سجله يا معه وإلاّ عليه[/poem]

رد: قالوا الأرزاق قسمه
 

صح لسااانك مدد
ابدعت ياشاعر الحكمه
لافض فوك

رد: قالوا الأرزاق قسمه
 

[size="4"][color="darkslategray"]
ههههههه احلا شي عقب وزره

صح لسانك و صحة ابدانك و طابت ايامك

ولاهنت يا بو عبدالله

والشكوى لله

و دمت بخير و دام حرفك

[/color][/size]

رد: قالوا الأرزاق قسمه
 

صح الله السانك دكتورنا الغالي
ما ينتهي عمر الانسان الا ورزقه
تام

رد: قالوا الأرزاق قسمه
 

صح لسانك يابو عبدالله

نص جزل من راس جزل

لا هنت لا هنت

رد: قالوا الأرزاق قسمه
 

يامعه ولا عليه ..

صح لسانك دكتورنا الغالي على طرحك ..


نص جميل ومعبر عن واقع نراه ..

تحياتي لك

رد: قالوا الأرزاق قسمه
 

[size="4"][font="book antiqua"][color="indigo"]الله الله شو هالابداع
حضورك يقارع الابداع والجمال
الشعر رساله ... هنا رايتك ناقدا بارع ومحق فيما تراه ونراه
وكنت ناصحا ومذكرا بالعواقب..مثل هذا يتوجب ع الجميع
لافض فوك..كنت رائعا وكنت وافي وكنت محقا..
سعدت كثيرا بقراءة مفرداتك وابياتك الراقيه
راقي وجزل ومبدع ...صح الله لسانك
تقدير واحترامي[/color][/font][/size]

رد: قالوا الأرزاق قسمه
 

الطائر
صح السانك ملايين
ابدعت كعادتك يادكتور في معالجة بعض الاوضاع بطريقة مميزه
لاهنت

رد: قالوا الأرزاق قسمه
 

صح لسانك يالطائر

ابدعت وبينت

لاهنت

رد: قالوا الأرزاق قسمه
 

[b][color="darkorange"]صح الله السانك جزله من راس جزل

دمت بِكُلِ مَوَدَةٍ[/color][/b]