منتديات الفطاحله - يطرب كل الاذواق (ساهر و نجم والطائر)

[poem=font=",5,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
نجم)ياساهر الليل طاب الليل والطاروق مشتاق=مشتاق لاهل الطواريق المشاهيق الطويله
ان كان ياصاحبي عندك خبر للناس ينساق=هات العلوم وخبر حج العرب واهل القبيله
ساهر)يامرحبا بك عددوبل السحاب وعد الاوراق =اللي نمت عقب هبد السيل في وادي مليله
مريت وادي منى ذا اليوم بدري وقت الاشراق = والناس في حجهم كلٌ يبي يلقى خليله
نجم)بقيت ياصاحبي والعلم خير وهاجسي راق=دام ان حجاج بيت الله مشاعرهم جميله
العذر منكم على التاخير جاني طاري الحاق=مكالمه هاتفيه ثم قام اعلن رحيله
ساهر)امسي وانا في طريقي شفت ريم وخافقي ضاق = وقلت يالله تجمل قبل ما اعود قتيله
في شارع الخانسه بعد العصر محتاج سواق =يبي يسير لسوق الغزه والخطوه هزيله
نجم)من يعشق الغيد يقضي العمر ياساهر فالانفاق=ويصير بين العرب له روح ياساهر عليله
غض البصر لالقيت الغيد والشيطان سباق=يموت من كيدهن ياصاحبي ما اروى غليله
ساهر)تقولها وانت جالس مابعد مريت الاسواق =ماتدري اني جريح وجرح قلبي من يشيله
الطرف الاكحل ليامن لد لي ماعنه مدراق =ليا تذكرت وقت قد مضى لي فيه ميله
اااالمهاجر)البنت بالسوق تبغي اللي من اهل القرش نقاق=لو كان شايب فقرشه هو لناظرهادليله
نجم)اللي يشوفك يقول ابن الملوح بيننا فاق=وقام ينحب على ليلى وهو يشرب عبيله
ياقيس عود لنا والعود عندك فك الاحداق=وهو قضى العمر في حب اللذي في خنشليله
ساهر)القلب ياصاحبي من بعد شاف الزين ماطاق = ابو مقامٌ يهز الردف وعيونه كحيله
وانا لك الله من اول في ضميري ضيق واشواق =لاجيت مكه بكيت ودمع عيني سال سيله
نجم)دامك هواوي مولع به وحبه جوف الاعماق=رح له ولا عاد ترجع عندنا دار الفصيله
همهم بمكه وشق الثوب عند طوال الاعناق=الين يضحك من الموصوع من يسكن بطيله
ساهر)وشفيك يانجم متحفض وتنعت كل مشتاق = كنك من اهل البشوت الزرق واصحاب الفضيله
وانا اعرفك يارفيق الدرب لاهل الكيف تشتاق = اللي سقونا وقلبك بينهم ما قل حيله
نجم)ماني مطوع ولا لي فالغوايه دمع رقراق=عشنا موده وكلن راح منا في سبيله
الحمد لله ما للحب في قلبي هوى شاق=اسري كما الذيب ماللغيد في قلبي فتيله
ساهر)ما انته مطوع حشا لكن اشوفك صاير اخلاق =ما احلاك ما احلاك الى شفت الذي يجمح بخيله
والا بدا لك نهار العيد وسط الليل براق = تسري تلوى تبي تروي فوادك من هميله
نجم)لاتتهمني وتطلمني ويوم الحشر تنحاق=في يوم تلقى العميل ومايفرط في عميله
الشرع حلل زواج اربع تزوج واترك الساق=اللي يودي عشيقه للمتاهات الوبيله
ساهر)سلام مني لمن للشعر والطاروق ذواق =اللي قضينا معه ساعه وكلٌ له حصيله
ختامها صح قلبك دام مافي التمر عناق =وانا معك يارفيقي لو تبيني كل ليله[/poem]