صر الدراهم
 

من جديدي ..........

صر الدراهم مايحوفه توافيق
للطايله يابو علومن خراطا

اقدم سوات القرم ﻻما نشف ريق
يومن سواتك فاللزوم يتباطا

حطوك ربعك لحق ضمن اللواحيق
اللي تجنب عن طريق النشاطا

ان معك شورن عطه بعض المطافيق
اللي ماسدت كل فعل مناطا

تحضر وغايب فعلها حزت الضيق
ماغير شكل وبالهزايل محاطا

زود على كثر الحكي والتعاليق
ترخص مواقفها بزعم الهياطا

واما النشامى مازهتها التلافيق
اللي يلفقها ضعوف وعباطا

ياحي من للكايده صلف ويطيق
وينومس بعلم الوفا ﻻتعاطا

قدايمه تملى عيون المطاليق
لو كان ماتملى فراغ ونقاطا

لوحققوا معه الرديين تحقيق
يظهر بري ووثايقه فالشناطا

رد: صر الدراهم
 

[size=5][align=center][grade="00008b ff6347 008000 4b0082"]
طيبة من طيب
وجزلة من راس جزل
صح لسانك ولا هنت
تحياتي الطيبة
[/grade][/align][/size]

رد: صر الدراهم
 

مبدع ورائع وجزل
تحياتي لكم

رد: صر الدراهم
 

جزله من راس جزل
صح السانك مداد
مع ارق التحايا لك

رد: صر الدراهم
 

صح لسانك و طاب حالك طلال

و الحمدلله على السلامه

ولاهنت يالشاعر

و صح لسانك مدد

رد: صر الدراهم
 

مليار صح لسانك
ولاهنت
على هالطيبه
ودي واحترامي

رد: صر الدراهم
 

صح لسانك ياشاعر

نص جميل بجمال حضورط

تحياتي لك

رد: صر الدراهم
 

صح لسانك ياطلال
مبدع ورائع هذا الحضور لاهنت
ودي

رد: صر الدراهم
 

قصيده رائعه طلال
وابدعت لافض فوك
صح لسانك

رد: صر الدراهم
 

صح السانك
ولاهان راسك
على القصيد الجزل يالجزل