للبر بهجه في صميم المعاليق
 

[poem=font=",6,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
مادمت تجهل مابصدر العشاشيق =جنب طريق العشق خيره وشره
عيشتك واحد ضمن كل المخاليق =أخير من حلوه بغرامٍ ومره
اصدورنا في الوصف مثل الصناديق =لو تفتحه يمكن ينولك مضره
شيٍ يليق بصاحبه وشي مايليق =والكفو يجني من عنى الوقت دره
الصبر في كل المواقف توافيق =واعمارنا تسلب على غير غره
فعل يجمل ماحزوه المطافيق =ولا كل قولٍ شاش فعله وبره
الحر يكفخ فوق روس الشواهيق=والبوم في وسط الخرايب مقره
العمر يمضي بد مالنايم يفيق =ويبعد عن إللي للمتاهه يجّره
ياحلو برادٍ وحوله مطاليق =باطراف خبتٍ خابرينه نمره
ورفقه رجالٍ ماتخون المواثيق =رجومهم عدت حدود المجّره
وشعر وسوالف ماهو هرج وتلافيق =وفله حجاجٍ بيننا مستمره
وهبه نسيم ٍ تجلي الهم والضيق =مايشرح الخاطر وقلبك يسره
في ذمتي تسوى هوى حالي الريق =وكل النفوس الما توده تقره
للبر بهجه في صميم المعاليق =وله منزله بقلب بدوي مستقره[/poem]

رد: للبر بهجه في صميم المعاليق
 

الحر يكفخ فوق روس الشواهيق
والبوم في وسط الخرايب مقره

بيت عن قصيدة
صح لسانك
ولاهنت
تحياتي

رد: للبر بهجه في صميم المعاليق
 

ياولد وش السالفة
هتررل متهيض
من اسبوع وهو يقصد

لايكون الحب شلع قلبه

او في الجنادرية يهيجن..

صح لسانك يامبدع

مافيك حيلة

رد: للبر بهجه في صميم المعاليق
 

يقولو الحب قتال لكان من القلب صادق
والحب كتبها في ديوان الورق القلم عذاب

صح لسانك عددبلامدد
لاهنت
تقديري لك

رد: للبر بهجه في صميم المعاليق
 

صح السانك هتررل
رائعة جدا
ولاهنت

رد: للبر بهجه في صميم المعاليق
 

مبدع ورائع
كل الشكر لكم
تحياتي