منتديات الفطاحله - (( .. !! ^^ الـــســـنــيـــن ^^ الخــــواااالـــــي ^^ .. !! ))

منتديات الفطاحله (http://ftahilah.com/index.php)

- همس القوافي للشعر النبطي (http://ftahilah.com/forumdisplay.php?f=10)

(( .. !! ^^ الـــســـنــيـــن ^^ الخــــواااالـــــي ^^ .. !! ))

الاحبة

هنا

بعض القررات صعبه ولكن .... لابد منها

تقــدم عليها رغما عنك ..

وتتحمل تبعات ذلكم القرار

لا اطيل بين ايديكم

التفاصيل
.
.
.
.
.
.
.
.

[poem=font="Simplified Arabic,6,black,normal,normal" bkcolor="transparent" bkimage="backgrounds/18.gif" border="ridge,5,burlywood" type=2 line=0 align=center use=ex num="0,black"]
مسحت باقي صورتك مـن خيالـي=روحي عسى درب السعـادة لقيتيـه

خوذي معك ذكرى السنين الخوالـي=وخوذي معاك اجروح قلـبٍ قتلتيـه

بسلى كما يسلى من الحـب سالـي=وبتركك .. مـادام حلمـك طويتيـه

ماعدت انا اللي في شعـوره يبالـي=وش عـاد لقالـوا حبيبـك تركتيـه

يومي غلا في خافقك وانـت غالـي=كل الغلا مغليـك .. ليتـك نصفتيـه

كنت انسج الأحـلام وانتـي إقبالـي=كنت ارسمك آمال .. شـيٍ خبرتيـه

من هذّبـك مـن طبّعـك بالدلالـي=غيري تـرى والله ماحـدٍ خسرتيـه

يامـا نثـرت الدمـع ممـا جرالـي= وياما شكيت ( البُعد ) صدق وشكيتيه

يمكن نسيتـي شوقنـا والليالـي !!=عهدٍ مضى ما ينّسي لو نسيتيـه !!

رمـز المـودّة بيننـا كـان عالـي=واليوم فـي سابـع ثراهـا دفنتيـه

تركت كل ( الغيـد ) جيتـك لحالـي= بعت الجميع وتالي الوقت .. بعتيـه

قادك غرورك والدلـع .. والتعالـي= طبع الغـدر ذنـبٍ بحقـي جنيتيـه

انا رفعتك فـوق .. فـوق العلالـي= ياللأسـف صـرحٍ بنيتـه هدمتيـه

حـبّ الوفـاء مالـه بقايـا وتالـي=جسم انبرى من زايد الهم .. زدتيـه

صحيح من سوّس على الحب نالـي=دربه عدال وباخـصٍ فيـه مايتيـه

مير البلاء من صـار حبـه نكالـي=عقب الوصال اضحى على ما بغيتيه

اقسمـت انـا ماقـول يـومٍ تعالـي= نفسي عزيزة حرّمـت مـا وطيتيـه

الله يعيـن اللـي يحـبـك بـدالـي= محروم من هو بالمحبـة بليتيـه !!

روحي عسى دربك سعيـدٍ وحالـي= صغت القرار ابيـات علّـك قريتيـه[/poem]

شعر / محمد العسكر
واعذب الود لقلوبكم