الى من طاب لي نظم القصيد(الصراحه)
 

[poem=font="simplified arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الى من طاب لي نظم القصيد وزانت الألحان = تخيرت القوافي اللي جزيله في معانيها
احط البيت فوق البيت حتى يكمل البنيان = وميزان الذهب عندي على الملي امشيها
وضوحٍ كنها القمرا بليلٍ والفكر ربّان = تشدّ اللي يتابعها فلا ادغام يخفيها
اخوض بحور ظلماتٍ واجيب الدر بالقيعان = واضمنها قصايد مبعداتٍ في مراميها
احرّك حس في الصاحي ووقظ واحدٍ نعسان = على عينه غشاوه في سنين القحط تعميها
تعودت الصراحه في شجاعه ما خشيت إنسان= اخاف الله واحسّب يوم يأتي الروح داعيها
فلاني من يحط الدين ستره تخدع الظميان = ولاني من يقول اشرب قبل لايحوس صافيها
وتعودت انصح المخطي واصحح زلة الغلطان= بحلم ولين حتى انه يدل دروب مخطيها
واذا غلطان اتأسف واشيل الحق مهما كان = فمهما كنت انا ناقص ولاهو عيبٍ اخفيها
واذا من شفت لي منهو وضيع اكويه بالحقران= واكرم لحيتي عن لحيته وارفع مناحيها
وتعودت اردع الظالم ولو هو غالي الاثمان= وحتى النفس لو جارت بعين العقل اوطيها
يبان الرجل من فكره وفعلٍ واضح البرهان= فلا ثوبه ولا بشته تقدّر لو ينقيها
وحقران الرجال اكبر خطأ لو من عظيم الشان= الا ياسرع ما تقلب حياةٍ داله فيها
ورجلٍ شايفٍ حاله ولو قال انه فلانان= ترى رعديد مهزوزٍ يخاف الناس تدريها
يعيش العمر في حلمٍ على انه علّق النيشان= يشوف انّه وصل فوق الثريا في تعليها
وهو لازال في الواطي يعاني من عمى الألوان= فمثله منخلٍ والشمس لايمكن يغطيها
واذا من شفت لك رجلٍ يغنى كيف كنا وكان= فغمّر ماش لو سولف سوالف عِجز يرويها
ومن حاول على اكتاف البشر يطلع فهو مرضان = مرض شهره ولا هو قادر بالفعل يجنيها
فرجل ما بنى بزنده واسس بالعقل بنيان = يحصد اوهام لو كبرت تهاوى فوق بانيها[/poem]

رد: تعودت الصراحه
 

يشرفني اكون اول القارئات

صح لسانك ....انا ماني شاطره بالشعر ولا قولي قد المقام لكن يكفي انه من قلبي و صادق.....
اقول :
من عرفناك وانت زين الخصال .......
والنشاما فعل ماهي باقوال .......
والفعل فعلك تعلم به اجيال.....
من غيرك كنا على غير موال
لا فطاحله صرنا ولا اعظم مثال .....
فلتسلم لنا يا عثمان الطوال......
(عيناء العامريه )
تقبل مروري

رد: تعودت الصراحه
 

واذا غلطان اتأسف واشيل الحق مهمـا كـان
فمهما كنت انا ناقص ولاهـو عيـبٍ اخفيهـا

التواضع من اجمل الصفات

صح لسانك وسلم فكرك ياابوعبدالله

لاهنت على هالنص الراقي والهادف

لك التحيه والاحترام

رد: تعودت الصراحه
 

فرجل ما بنى بزنـده واسـس بالعقـل بنيـان
يحصد اوهام لو كبرت تهـاوى فـوق بانيهـا



القصيدة كامل جميلة وتستحق القراءة أكثر من مرة

لكن هـــ البيت

ليتني قريته قبل
3 سنين

كان ...... كان حالي غير


والله يالطاير

أنه منهج لوحده


قوي وقوي وقوي


لك الود والتقدير



ولحرفك وحضورك الإعجاب

رد: تعودت الصراحه
 

[quote]فلانـي مـن يحـط الديـن سـتـره تـخـدع الظمـيـان
ولاني مـن يقـول اشـرب قبـل لايحـوس صافيهـا[/quote]
ابيات رائعه ومعبره
تحياتي وتقديري

رد: تعودت الصراحه
 

العوووود




أبوعبدالله ..



صح قلبك وفكرك .. قصيده ثقيله من العيار الغالي الجميل الثقيل .



أبدعت لاهنت ..




دائما لك حضورك .. الجميل ..




إعجابي .. غلاااااااااااااي




م ن

رد: تعودت الصراحه
 

الطائر
بدعت فأجدت وأبدعت
لاهنت وصح السانك
لي مرور عليها بعد العوده انشاء الله

رد: تعودت الصراحه
 

صح السانك يا الطائر المهاجر


من اروع ما قرئته لك ما شالله عليك


صح السانك

رد: تعودت الصراحه
 

الطائر المهاجر
صح لسانك يابو عبدالله
دائما حكيم فيما تقول
ولم يكن بإستطاعتي فصل بيت عن الآخر للتعليق
فكلها رائعه وجزله بيض الله وجهك يالغالي

تحياتي

رد على: تعودت الصراحه
 

[COLOR="Gray"]دائما ما تحمل قصيدتك رسالة سامية

وهكذا هو الشعر الذي سيبقى لصاحبه

صح لسانك دكتورنا

ودمت للشعر مفخرة[/COLOR]