مرثيه في والدي الله يغفرله
 

[poem=font="Simplified Arabic,6,black,bold,normal" bkcolor="transparent" bkimage="" border="groove,2,black" type=2 line=0 align=center use=ex num="0,black"]

يا عين هلي فوق ذيك النصايب=دمع الفراق اللى على الروح كايد
هلي بعد صابك من الحزن صايب=يحرم عليك النوم فوق الوسايد
فجعتني يا موت في ادنى القرايب=فجعتني في محزمى والسنايد
أخذت منى ليلة العيد شايب=راع العلوم الطيبه والعوايد
ماغاب ذكره لو عن العين غايب=حبه على نفسي عن الكل زايد
نور العيون امسا سجين الزرايب=وانا سجين الهم يوم المعايد
وآبويه اللي راح رجل النوايب=اللي فراقه شب في الوقايد
وش حيلتي غير الدموع الصبايب=وأنعاه وأذكر عزوتي بالقصايد
راع الكرم والدين ريف القرايب=زبن الضعيف بلين ولاّ شدايد
ياالله انا طالبك من قلب نايب=عبدك لفاك وما كسب جاك عايد
يامخرجه من بين صلب وترايب=تجعله الفردوس في قصر شايد
الطف بعبدك عن سموم الهايب=يا خالق الانسان والعمر بايد
ولو العيون تهل مثل السحايب=ما تنطفى حرقات راع النجايد
لكن ضمي دمعتي يانصايب=دمع الفراق اللي على الروح كايد[/poem]

رد: مرثيه في والدي الله يغفرله
 

[COLOR="DarkOrange"]ربي يرحم والدك

و جميع موتى المسلمين

قصيده معبرة

صح لسانك يخوي

الف شكر لك ،،

دمت برعاية الخالق [/COLOR]

رد: مرثيه في والدي الله يغفرله
 

الله يجزيك خير

وصح بدنك شاكر لك مرورك

الجميل

رد: مرثيه في والدي الله يغفرله
 

[B][COLOR="Blue"]رحم الله والدك

ورحم الله امواتنا واموات المسلمين

وادخلهم فسيح جناته 0

نص جزل ويتسم بالحزن

صح لسانك وبيض الله وجهك

دمت بخير[/COLOR][/B]

رد: مرثيه في والدي الله يغفرله
 

نص مؤثر خصوصا اني فاقد والدي
نسأل الله سبحانة ان يغفر لوالدك ولوالدي ولجميع موتى المسلمين
وصح لسانك ورفع الله قدرك يابن قبلان

رد: مرثيه في والدي الله يغفرله
 

اخووووووووووووووووووي محمد

الله يجبر عزاك

والله يرحم ابووك ويسكنه الفردوووس

والشعر يالتاكيد لا يرسم الا القليل او بالاصح لايعبر الا عن القليل


ولكن الله يرحم ابووك ويلهمك الصبر

تحياتي

اخووك عبد الله اليامي

رد: مرثيه في والدي الله يغفرله
 

ابيات رائعة ومؤثرة
رحم الله والدك وجميع موتى المسلمين
بارك الله فيك
تحياتي

رد: مرثيه في والدي الله يغفرله
 

محمدقبلان

الله يرحم والدك ويسكنه فسيح جناته

ويرحم اموات المسلمين

وصح لسانك قصيده جزله من شاعر جزل

عافاك الله ولك الشكر والتحيه

رد: مرثيه في والدي الله يغفرله
 

ياالله انا طالبك من قلـب نايـب
عبدك لفاك وما كسب جاك عايد
يامخرجه من بين صلب وترايب
تجعله الفردوس في قصر شايـد
الطف بعبدك عن سموم اللهايـب
يا خالق الانسان والعمـر بايـد
اللهم آآمين
نص لا يحتاج لتعليق
صح لسانك

رد: مرثيه في والدي الله يغفرله
 

عظم الله اجرك
ورحم والدك واسكنه فسيح جناته

وصح لسانك اخوي محمد وقلبك

مرثيه جميله رغم حزنها


ابدعت


لاهنت

فائق الاحترام