منتديات الفطاحله - محاوره(2)ليلة الخميس 12 ربيع 1

منتديات الفطاحله (http://ftahilah.com/index.php)

- ساحة المحاورات (http://ftahilah.com/forumdisplay.php?f=140)

- - محاوره(2)ليلة الخميس 12 ربيع 1 (http://ftahilah.com/showthread.php?t=19968)

محاوره(2)ليلة الخميس 12 ربيع 1

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
صنداح=
هلا يامرحبا ياعلى ياراع الوفاء حياك= عددمبدا النجوم اللي تعلت في مباديها
ولي زود الشرف يوم ماسند على شرواك=رجال العرف نعرفها ونزهمها باساميها
على العتيبي=
ولكنك بديت القاف ياصنداح حثّ خطاك=عسا مانخلف الهقوه وبعض الناس ترويها
صنداح=
ترى مافيه غير الطيب والموضوع مايخفاك = علومٍ بيننا بالطيب ناخذها ونعطيها
اناادور عليك الي زمان وماطمعت القاك = واحث اخطاي والدنيا تبذ اللي يناحيها
علي=
توكلنا على الرب الكريم مسيّر الافلاك=على وضح النقا نمشي ولا نخلف خطاويها
انا جيتك وهات العلم حط العلم في يمناك=وخل العلم ياصنداح يرقد في معانيها
صنداح=
توكلناعلى الرب الكريم وجاك علمي جاك = على وضح النقى والطيبه من حض راعيها
تذكرك الليالي العتيبي علمنا هذاك = يارع الحجه اللي العام انا ماني بنا سيها
علي=
انا وياك ياصنداح انا وياك انا وياك=نعرف الليث وابن الذيب من يبغا يذكيها
انا قلت لك حط العلم في يمناك لا يسراك = واذا تكشف عن العوره صلاتك لا تصليها
صنداح=
الي جات العلوم الصامله يمناي مع يمناك = نبي نكحل عيون القوملين الكحل يعميها
تراك ابعدت عن معناي وانا ابعدت عن معناك = وجبت الغايبه وانا ترى مالي نظرفيها
علي=
عموماُ بعض الاريا ياولد يبغالها ادراك=والنار ياصنداح تحرق من على الجمره وطا فيها
على طار الجفا ياصاحبي عطني يداك عطني يداك = اشوف البرق ولا المزن ماهي من مواريها
انا ماودي اكسر عود من عيدان شجر الراك=علشان العرب تجعل عويد الراك في فيها
صنداح=
عساك بخير دايم ياوسيع المعرفه عساك = تشوف بروق ولا ماتشوف الموت قافيها
نجاري بالعلوم ونستحي ماودنا نعظاك = لكن انته تولعها حريق ولا تطفيها[/poem]