منتديات الفطاحله - محاوره(2) ليلة الجمعه5 ربيع 2

منتديات الفطاحله (http://ftahilah.com/index.php)

- ساحة المحاورات (http://ftahilah.com/forumdisplay.php?f=140)

- - محاوره(2) ليلة الجمعه5 ربيع 2 (http://ftahilah.com/showthread.php?t=20357)

محاوره(2) ليلة الجمعه5 ربيع 2

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الطير=
اوصيك يابني لاتجاهل رفيقك= اذا غاب فانشد عنه مادام غايب
الكايد=
انا صديقي يامهاجر صديقك = فى المنتدى لازم نسوي حبايب
الطير=
كلام هندي دارجٍ ما يعيقك= الظاهر انك جايبتك الهبايب
الكايد=
ياشين نياتك وياكثير غيبك = شايب وليتك صرت مانته بشايب
الطير=
خبري قديم فيك لو نشف ريقك= اعرفك ثعلب ضاريٍ بالمصايب
الكايد=
ياعود اناضدك وضدلفريقك= ان كان مانته عن هذا العلم تايب
الطير=
ما اتوب حتى ما اطالع حريقك= واشوف ذيلك يحترق باللهايب
لاتميل القيفان وامش بطريقك = عدل مسارك فانت بالدرب عايب
الكايد=
والله لا ضيقك واسعى لضيقك = والضربك يالشايب بخضر المشاعيب
الطير=
وانا نويت اني ابطفي برقيك= وترد لاهلك يابيض الوجه خايب
الكايد=
اسمع صياحك بالرياض وزعيقك = من ماب جسمك بعد ماعضك الذيب
الطير=
ولا من برديت احميك واصخن بريقك= واصب لي كيفٍ من احلى النخايب
الكايد=
اكل لحمك وشاربٍ من سليقك=والفكر عندك يحضر شوي ويغيب
انشداخوي الذيب ولا شقيقك = اللي تعدي معه روس المراقيب
الطير=
دامك غراب ولو تزايد نعيقك= ماخبرت غراب على الذيب هايب
مالله قابل منك وهذا نقيقك= استغفره لامن عقلت الركايب [/poem]