منتديات الفطاحله - محاورة الأثنين 21/4/2008 عصراً

[poem=font="Simplified Arabic,6,black,bold,italic" bkcolor="burlywood" bkimage="backgrounds/1.gif" border="none,4,gray" type=0 line=0 align=center use=ex num="0,black"]

ياذيب جاتك الغنم والشواوي = قل لي علامك ماتعشيت ياذيب(المري)
والا انت قلبك بس مغرم هواوي = مايبغي الاشوف سيد الرعابيب(المري)
الذيب شبعانٍ ولا به عواوي = ولاكل ناس ترمي الرمي وتصيب(داعي)
طبقت سلم الأولين برهاوي = هرجه وغنجه ثم وداع بتراحيب(المري)
ماتبغي الا هرجةٍ مع قهاوي = وسوالفٍ عذبه بها اشكال من طيب(المري)
منصور ما ني في رجا الوقت هاوي = مير إن جار الوقت عند المعازيب(داعي)
الوقت هذا به يالسنافي ملاوي = ومن لانتبه ياقع ولا ينفع السيب(المري)
والوقت هذا له بعيد الهقاوي = لابد ما نصبر على كل تسريب(داعي)
ياذيب لاتغرك ددسنك بالمساوي = لاجات خاطي رملةٍ بين العيب(المري)
بعض البشر كنه على الخبث ناوي = مجنبين الصدق والطيب تجنيب(داعي)
يضحك معك والجو كله طراوي = وإلا غفل بك رحت فيها مقاضيب(داعي)
افا وانا منصور عدٍ رهاوي= من يارده يصدر ويبدي التعاجيب(المري)
عليك ياداعي بنرفع دعاوي = الاان تبينها بعدوان وصحيب(المري)
إخذ الحذر ياخوك من ذا البلاوي = من شان ما ترفع دعاوي المطاليب(داعي)
هذا الصحيح بهرجتك يالنحاوي = خلك قُدُم ماهوب تشريق تغريب(المري)
كانك مريض إنروّحــــــك للمداوي=من شان تشفي من العلل والمصاويب (داعي)
ياخوك كثر الحذر امن المهاوي = ماينفعك لاجا المقدر بتصويب(المري)
لاكن ترى سدد وقارب وخاوي = من الرجال اللي عطيب المضاريب(المري)
لا تحدني والله لأرفع شكاوي = يم المحاكم تآخذ الحق بالطيب(داعي)
انت الشباب اللي بك الزند قاوي = بس الحذر لاتعرضه للواهيب(المري)
أنته مدان بفعلتك والخطاوي = الكل يشهد يومك تروح وتغيب(داعي)
ياخوك دوم الذيب مغبوط هاوي = ومن لادرى بيقول ياتصيب ياتخيب(المري)
لا تحسبني مغفلٍ أو حساوي = ترى الفشق والسيف بالموتر الجيب(داعي)
داعي ترانا لانوينا الغزاوي = ماردنا كثر المدارى ولا النيب(المري)[/poem]