البدراني + الغامدي + الشويمان.. رديــــه
 

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]


محمد البدراني] يوم باج الصبح ليل الظلام وشتته= مرحبا باللي لفانا مع نور الصباح
محمد البدراني] ياعلي والحب بالقلب ربي ثبته = مثل ابوبدر الشويمان للقلب استباح !


علي مساعد الغامدي] المحبه لوتصادف خفوقك ودته =لا اخر احدود المواجع و تتعبه الجراح

علي مساعد الغامدي] بعدها لاعاد ودّك تغير قبلته =مايغير ها ولو من كثير الهم صاح


عبدالله الشويمان] الله اللي في شؤونه يصير قدرته=والهلا بك يا محمد من قلوبن صحاح
مني ومن بن مساعد نوكد مدته=والمحبه عندنا عد من بير القراح


محمد البدراني] والله ان الحب بحرٍ سبحت بغبته = ياعلي والقلب من كثر همه ماستراح
[محمد البدراني] ويشهد بما قلت ابو بدر وناسٍ حبته = الهوى مسباح صوفي وللحب اجتياح

عبدالله الشويمان] يا علي عندك غريزه بقلبك شدته=والله اني خايف انها تزود لك جراح
ارحم بنفسك وهد الهوى في غبته=ما نفع قيس الملوح ولا حصل فلاح


علي مساعد الغامدي] من يقول انه خبير(ن) تفيده خبرته =شايفه في سكة الحب لامن قام طاح
علي مساعد الغامدي] وش تبي في قلبك اللي ضلوعك ضمته= لغدا خالي ولا ذاب في عشق الملاح


عبدالله الشويمان] العذارى لا امسكت قلب رجلن قدته=ونحلت حاله ولا له علاجن بالمصاح
كنه السلال صابه وزاد بحرقته=من فعايل مترفات الوصايف والوشاح


محمد البدراني] قلبي اللي مثل قلبك يعيش بغربته = لوتضاهر بالفرح والتسلي وانشراح
محمد البدراني] المحبه للحبيب القديم وسبته= والله ان يبطي وهومانساها ولاأستراح

[علي مساعد الغامدي] انت تنصحني ونصحك عرفنا علته = تحسب ان العشق له عمر وان العمر راح
[علي مساعد الغامدي] دام لك شريان ينبض تحس بنبضته =اشغله بالحب لو كان في حبك مزاح

عبدالله الشويمان] المهم اللي يحب ايتحمل سهرته=لا جفاه النوم ما يشتكي منها الصباح
ما يبيح للعواذل عناه وضيمته=يا هل الحب الجنوني انا اطلبكم سماح[/poem]

رد: البدراني + الغامدي + الشويمان.. رديـ
 

الله يعطيك العافيه يا اخ محمد

وصح السانك والسان الاخ علي..ما قصرتم

دمتم بخير وصحه وسلامه

رد: البدراني + الغامدي + الشويمان.. رديـ
 

عبدالله الشويمان

محمد البدراني

علي بن مساعد


صحت السنتكم ومحاوره راقيه

لاهنتم

تقبلو مروري

وودي

رد: البدراني + الغامدي + الشويمان.. رديـ
 

:::صحت السنتكم وهواجسكم ماقصرتم:::

@ سلمتوا دمتوا @

رد: البدراني + الغامدي + الشويمان.. رديـ
 

صح السانتكم جميع
بدع ورد وقافيه
لاهنتو

رد: البدراني + الغامدي + الشويمان.. رديـ
 

بيض الله وجهك يالبدراني


ولك ولشويمان كل الحب والتقدير


ولي انا شرف الحضور بينكم

رد: البدراني + الغامدي + الشويمان.. رديـ
 

العزيز الغالي اخي عبدالله الشويمان سلمه الله



شكرا للمرور شكرا للمشاركه شكرا لردك ياكبير


وصحت السنت الجميع

تحياتي
مع اسمى ايات الشكر فائق الاحترام واطيب المنى رعاكم الاله

رد: البدراني + الغامدي + الشويمان.. رديـ
 

الله الله
شعراء نفخر بوجودهم
أمتعتونا الله لايهينكم
جزلين يالغالين

تحياتي

رد: البدراني + الغامدي + الشويمان.. رديـ
 

العزيز الغالي فلاح بن منشار سلمه الله


الف شكر لمرورك الكريم المبهج

لاعدمناك يابو محمد


تحياتي
مع اسمى ايات الشكر فائق الاحترام واطيب المنى رعاك الاله

كتبت فاجزلت
جزيت خيراً
تحياتي