|
هل انت متأكد أن ولدك هو ولدك
واحدة تسأل: فصيلة دمى اوه موجب وفصيله دم زوجى هى ايه موجب فهل يصح ان تكون فصيلة ابنتنا هى بى موجب خبرنى بالله عليك لان زوجى يريد الرجوع للمستشفى لان يوم الولاده حدثت 3 حالات لسرقه المواليد وتبديلهم لصالح ناس معينه
في احد "الاذاعات " كانت هناك سائلة من جنسية عربية " مصرية " وجهت سؤال " للشيخ " في احد برامج "الافتاء" تقول "السائلة " : " انني ومعي بعض "الممرضات " كنى قبل ست سنوات في احد المستشفيات نقوم بتبديل "المواليد " احيانا بتعمد بالاتفاق مع "اناس " او غير ذلك ، بحيث نبدل "الابيض " بالاقل "بياضا " ونبدل "الضعيف " "بالمستصح " .. وتقول انا تبت من ذلك ولله الحمد وتسئل عن ماذا تفعل للتكفير عن ذنبها علما انها كانت للسنوات تفعل هذا الشئ .." المصيبة انه ذكرت ان المستشفى الذي كانت تعمل به هو بالرياض وهو " مستشفى الشميسي" الذي هو "الرياض الطبي حاليا" وكلامها هذا منذ زمن قبل ان يتم التشدد في ذلك بوضع " شريط لاصق " في يد المولود بعد الولادة فهل سنضطر أن نطالب بتطبيق تحليل حمض dna على اطفالنا قبل استلامهم من مستشفيات الولادة كيف تتصرف لو وجدت نفسك في نثل هذا الموقف .... |
[COLOR="DarkOrange"]الحمدلله عيالى انولدو في دلة
والله ها الكلام خطير جداً جداً لكن للاسف وش ينفع الان بعد مافات الفوت واذا احدى العوائل عرفت ان الولد ماهو ولدها وش راح تكون ردة الفعل تجاه ها المسكين واهو وش ردة فعله اذا عرف ان ها الناس ماهم اهله،،،،، صدقوني شعور مؤلم جداً سبق وان عشت وشعرت بمثل هذا الشعور وان كان اقل حده الا انه شعور صعب وصفه ...... بصراحه شي محزن ومخيف في نفس الوقت انا من شفت 4 يتنومون في غرفة وحده غسلت يدي من المستشفيات التابعه لوزارة الصحة ومن منسوبي وزارة الصحة الجدد والقدامه:) بس وش ها الضمير اللى مايصحى الا بعد سنين اسأل الله ان يحفظ ابنائكم وابنائنا من خفافيش الظلام ابو عبدالله لاتزعل كونك من الرعيل الاول لوزارة الصحة:)[/COLOR] |
تصدق يابو عبد الله وانا صغيرة كان عندي هالهاجس اني مبدلة في المستشفى :confused: :eek:
اخواني سمران وانا بياضي زايد :eek: يوم كبرت عرفت اني اشبه جدتي الله يرحمها :D :D :D |
احمدي ربك إنك ما صرتي سوداء:)
الولد الأسمر يمشي حاله بس المشكلة البنت في وقت كل يبحث عن البياض.. هذا الله يسلمك واحد تزوج وبعد الدخول على زوجته بأسابيع قليلة كلف بالعمل في الخارج لبضعة اشهر ، المره حملت وولدت والرجال يمنعه شغله إنه يرجع ، والولد جاء اسود ، وامه وابوه بيضان ، فخافوا اخواله ، وشكوا في اختهم ، فعلى طول دفنوا الجنين ... ولا قالوا للرجال شئ ، ولما رجع بعد ما سمح له عمله ، وجلس مع حرمته حملت مرة ثانية وطبعا رجع لعمله في الخارج ، لكن هالمرة سمحوا له يرجع في اجازة وكانت حرمته في آخر شهر من الحمل ، ووضعت أمامه طفلا اسود فتفاجأ الأخوال واهل البنت إن الرجال يلقط الجنين ويبوس فيه ، ويقول: سبحان الله صورة طبق الأصل لجدي فلان ... فاختلاف اللون ينتج عن مورثات جينية تنتقل بين جيل وجيل ولعدة اجيال سابقة ، بل إنه ثبت إن الصفات الشخصية تنتقل ايضا بالوراثة. |
اختاروا لنطفكم فان العرق دساس
كل ما اتى به العلم ورد بطريقة او باخرى فى شريعتنا الغره فعلينا الرجوع لكتاب الله وسنة رسوله وحتما سنجد الاجابه شكرا لمشرفنا لاثارة موضوع بهذه اهميه |
مشرفنا الغالي
الله يستر والله المستشفيات صارت تخوف ما عاد فيه امان والوضع مو مرتب عندهم طبعا مو الكل لكن البعض لكن هذه مسئوليه كبيره المفروض يكون اكثر تنظيم واكثررر حرص وان شاء الله ما نتعرض ابدا لهالموقف يعطيك العافيه وشكرا لك:) |
"غسلت يدي من المستشفيات التابعه لوزارة الصحة
ومن منسوبي وزارة الصحة الجدد والقدامه" "ابو عبدالله لاتزعل كونك من الرعيل الاول" وزارة الصحة كما وصفها احدهم مثل بويت الطين اللي جدرانه متشلخه من زمان كان قبل القصيبي متماسك على شلوخه ، جاه وهده ، وغطس مع العمال يخلطون الطين ويلبنون ، وقوموا بعض الجدران ، وتركه ، وجاء الحجيلان ، ومسك لي وبدا يصب من المويه على شان ما تطلع غبرتة ، الين لانت الجدران اللي توها مبنيه وانسدحت ، ثم جاء شبكشي وخذ المسحاة واللي ، ونزل هو والطلاب اللي جمعهم من المدراس وبدأ يخلط الطين من جديد ، الين غطسوا فيه ، وكلما جاء يبني جدار من كثر الموية طاح ، وتذمروا الطلاب وانحاشوا وخلوه لحاله ، ثم جاء واحد من الطلاب بعده ، وشمر عن سواعده وفتل شنابته وقال انا لها ، وجاب معه بعض الطلاب ، والى ساعتك وهم غاطسين ... الطين موجود والماء موجود وحتى الأسمنت موجود ، لكن حتى الآن ما بعد وفق الله في المعلم الستاد اللي عليه الكلام |
معقوله في ناس بهالقذاره؟؟
على كذا كل وحده تمسك بيبيها وتخليه معاها بغرفتهاا... من جد شي يرووع تسلم على هالطرح الي يسستحق النقاش |
مشرفنا مهوب كل من مسك الطاره سواق
رحت اراجع من فتره الهيئات الطبيه لمريض يعالج فى الخارج خبرى ان الهيئات الطبيه فى الوزاره لانها من الدوائر المهمه ومن الاجدى ابقائها داخل حرم الوزاره لا خبرك عتيق نقلوها وين وين وين الين لقيتها وياحظى الملفات وضايعه ولقيت موظف نشمى رد على بكل صدق اسمع يالطيب احسن شى تسويه وعشان تستعجل موضوعك اطلب من السفاره ترسل لنا الاوراق من جديد ورجعه الى نقطة الصفر بعد اكثر من شهر انتظار .... والوزاره ماشيه على هالوزنيه وياقلب لاتحزن.... وزارة الكحه |
انا اشتغلت مع خمسة وزراء ، وكلهم علاقتي معهم جيدة ، لكن كلمة حق ، فترة القصيبي كانت الأفضل ، ولو استمر الرجل 4- 6سنوات ، ثم ركزوا بعده على من نجح في فترته ، بعد استبعاد بعض الإنتهازيين ، كان الأوضاع مختلفة جداً . فأكبر خطأ فيها أن يتولى المسؤولية فيها أطباء بل ربما هو السبب الرئيسي في
تدهورها المستمر ، إلا من رحم ربك .. |
| الساعة الآن 09:42 AM. |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd.
جميع الحقوق محفوظة لمنتديات الفطاحلة