منتديات الفطاحله - البدراني والزلامي

ليلة الثلاثاء 14 شوال 1429 (طبقا لتقويم أم القرى)

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

صنداح=
الحقيقه يالمهاجرطرف البدراني = ودي اخذلي معه ساعه واجيب علومه
كيف يذكرني شهرولاسنه ينساني= كيف ينسانا وسيع المعرفه من يومه
البدراني=
الحقيقه بينه والوضع مايخفاني = وكل رجال على قده يقيس هدومه
وحي ابو من هو ليامن جيت له حياني = ومن بداء بالصوم لو يفطر حرامٍ صومه
صنداح=
يادخيلك لاتميل كفة الميراني = خلها بيني وبينك قسمة مقسومه
انت لك عامين بين المجمعه وعماني= في سعاده يامحمد والعرب محرومه
البدراني=
القضاء مايرضي الاول ويزعل ثاني = غير بالميراث واللي بينات وسومه
والله انه ماختلف ياصاحبي عنواني = مير وش يزعل رضيع الديد من مفطومه
صنداح=
انت واحد من شبابه عزوتي واخواني = مير تكفى يامحمد لاتطول النومه
قلتك هاك السنه وتقول مايمداني = وانتظرتك لين صارت حالتي مصدومه
البدراني=
كل حربي يفرح بربعه من العتباني = وانت تفرح بالحروب وغيرنا مهزومه
مير لاتوصي حريص وكل علمٍ باني = يوم جيت القوم شفت علومهم ملغومه
صنداح=
والسابيب كلبوها رفقة الزهراني = والقرار اللي كشفنا رقمه ومرسومه
خلها بني وبينك في المجال الثاني= عارف ابن منشار واقف ما تعرف سهومه
البدراني=
يالزلامي خف من الله لا تجي شيطاني= ومن يطب البحر ملزومٍ عليه يعومه
والعلوم الاوله تبقى مع الازماني= وكل رجالٍ يجي في سيفه وقدومه
صنداح=
طال صبري يامحمد مع كثر ماجاني = والمطيه يامحمد بالرسن مخطومه
والزعل زعلان ماجاني حدن ورضاني = والرواتب من جهتكم كلها مخصومه
البدراني=
والله اني ما نسيت اللي بعد وصاني= ولا يعيب السيف لو تكثر عليه ثلومه
مير به علمٍ وراه علوم بالمجاني = جيتها واليا السوالف من جهتكم كومه
صنداح=
والله انا ما نجيب الا علوم اسماني = ليه يومنك تجيب الهرجه المسمومه
مابنيت البيت يالشاعر بلا عمداني = ولادريت ان العرب وصدورها مكتومه
البدراني=
كل عينةٍ وراها بينه ياحصاني = ومن يبا يرخي لاذانه صاحبي لاتلومه
والبيوت اللي عمدها ثابت البنياني = ماتهواى يالزلامي ولاتجي مهدومه
صنداح=
ردها يمالصريح وصاحب الصيواني = الرجال اللي عن دروب الخطى محشومه
وانت شاعر من شبابه تحتم الميداني = وبعد هاذي فاانت ظمن العالم المتهومه
البدراني=
مانروج للهروج ولانبا برهاني = مير من يوقض صحيبي من كثير حلومه
والرجال بفعلها والهرج للسفهاني = خابر الحر النداوي ماتلى للبومه
صنداح=
صاحبي بانت علوم والمخبا باني = بان فعله من ردود افكارة المزحزمه
انت لونك تطاوعني ولا تعصاني =كان ماينفخ شريم وخشته مشرومه
البدراني=
والله اني ياشبابي ضابطٍ نيشاني = مير لايفلت عيارك والعرب مكلومه
مير ياصنداح اشوفك صايرن بلشاني = في دجى ليلٍ تخافت من وراك أنجومه[/poem]