منتديات الفطاحله

منتديات الفطاحله (http://www.ftahilah.com/index.php)
-   الشعر المنقول(خاص بالشعر النبطي) (http://www.ftahilah.com/forumdisplay.php?f=334)
-   -   قصيدة التحـديّ للرديعان والرد من الحويفي (http://www.ftahilah.com/showthread.php?t=27076)

دايود صالح الخلف 13-03-2009 08:08 PM

قصيدة التحـديّ للرديعان والرد من الحويفي
 
السلام عليكم ورحمة الله وبركاته

هذي القصيده للشااعر والراوي / ابراهيم الرديعان
يوجهها للشاعر / بـدر الحويفــي
وايضا يوجد رد بدر الحويفي على قصيدة ابراهيم الرديعان .

اولا / قصيدة الـرديعـان ..

[poem=font=",6,white,normal,normal" bkcolor="black" bkimage="" border="none,4," type=0 line=0 align=center use=ex num="0,black""]
يا راكب اللي لا مشـى ماتقـل يـاط=من سرعته خطه دواويـر وشخـوط
جديد ما حمل بـه العفـش وبسـاط=الا ولا قالـو موضـب ومخطـروط
مراتبه مخمـل والارضيـه ابسـاط=واشعار تويوتا على الخشم محطـوط
يطرب ليا منه صـرب طلعـة الغـاط=لا حس لا ونه ولا صـوت عرمـوط
ملفـاك بـدر ليـا هبـا كـل قنـاط=قبل تقهوى واجب الضيـف مليـوط
عطه الكتاب اللي كتـب بيـد خطـاط=كريم سبلأ اللي لـه القيـل مخطـوط
قل ليا ضاق صدري جبت للنار ملقاط=وسحبت للي كنهن صيغتـه بطـوط
وفصلتهن تفصيل وزودتهـن غـاط=حديدهن صافي عن لحـام وسقـوط
وشبيت نار جرمها مـن حطـب راط=احسن من الصندل ورى سبعة شطوط
جرم جزل ماهو هدب رمث شعـواط=وسويت فنجال على الكيف مضبـوط
بلكي يبـرد واهـج بالحشـا شـاط=يشبه لدافـور لـه الغـاز مضغـوط
يوم ان كل فـي حـلا نومتـه غـاط=يرقد على طوله كما السـدو ممغـوط
عيني بحاجرها تقل مـوس صفـاط=وجفنه تقول ملامسه ظفـر شبـوط
جيت الطبيب وقال لي ويش به حـاط=في داخلي عينـك دواويـر ونقـوط
وقلت هذا لها مدة شهر صابها احباط=تسهر ودمعاته تقل وصـف لاقـوط
اسبابها اللي لفّـت الـرأس بمشـاط=بالمسك والريحان والـورد ممشـوط
تقول خاطـي فيضـة ريحهـا عـاط=ريح النفل مع فايح الشيـح مخلـوط
لاهـوب دعبـول ولامحزمـه غـاط=زوله كما البـردي ليـان وشمحـوط
عين الغزال مذيـره صـوت مخبـاط=حباله اللـي ينقـل الملـح بمشـوط
بطن العسيف ان جهزت قبل الاشواط=الفوز به مضمون في تالـي الشـوط
ولا شربت البيبسي بكـوب وشفـاط=تشرب من الشوكه مطعم ومشمـوط
ولا تلبس الكرتـه تحزمـه بفـراط=تلبس لباس اول مفصـل ومخيـوط
يا بدر حاكيتـه وانـا منـه محتـاط=وخلان من غيـره مكبـل ومربـوط
هرجة لطيـف مـا يقاطعـك بغـلاط=قرض العسل مع صافي الدر مخلـوط
الذ مـن طلـع الصويلـي بمحبـاط=تـوّه مـن امـه للمشاكيـل ملقـوط
ماهومن اللي هرجتـه سلـك مغـاط=يعطي كلام وباقـي الهـرج منطـوط
ما اذكر لنا مثله على عصر الانبـاط=اللي منازلهـم ورا النيـل وأسيـوط
أقفى وكنه يضرب القلـب باسـواط=أعطان هرج وتالي الهرج مشـروط
علمي بها يابدر فـي نزلـة اشبـاط=غرب عنه موقق شمال عنـه شـوط
مدري مع اللي حدروا يمـه الشـاط=اوهم مع اللي سنـدوا يمـة الغـوط
محتاج فزعتكم ترى طحـت بـوراط=الحال نشـت كنهـا الشـن مقـروط
حالي من اسبابها بدت تقـل مخـاط=ومن قبل عرفي له مريح ومبسـوط
وصلاة ربي عد من شـاف دميـاط=على محمد عد مـن لبـس مخيـوط [/poem]



وهذا الرد من قبل / بدر الحويفـي



[poem=font=",6,white,normal,normal" bkcolor="darkblue" bkimage="" border="none,4," type=0 line=0 align=center use=ex num="0,black""]
يوم المولع واق فـي راس شمحـاط=حوّل علينا مـن جبـل طـي بمقـوط
حاذيه مـن حـب العماهيـج مخبـاط=اللـي بحبهـن للعشاشـيـق زاروط
اللـي نبـاهـن للمعالـيـق مـعـاط=ونظراتهن ترسل عباريـد ومشـوط
صبن على قلـب الرديعـان زقـلاط=ودارت به المكره على سير مشحـوط
واسند على ابيات جـزلات وانشـاط=مثل الذهب واحد وعشرين مشـروط
عملة ذهب ماهـي دنانيـر وانواط=شاعر ماهـو بالامثـال خربـوط
وسكّر على الطاروق ضبّـه وصقـاط=حيل الله اقوى كيف با احتال وانـوط
حي الجـواب اللـي محنـط تحنـاط=جا من ابراهيـم الرديعـان مصفـوط
هـدّف وتهديفـه طريقـة تشـطـاط=واللي عطاه الـراي رجّـال مضبـوط
خطط له الخطه مـن النـاس خطـاط=قصده يسـدد كـل الانفـاق ويحـوط
وافق وركز لـه قريحـه بحـرف اط=وشاور شويره واستشاره وقـال اوط
لقـط عناقـيـد القريـحـه تلـقـاط=وخلى غصون من الورق بيض وملوط
واخذت دربه على الشـوف مشـواط=عساي احوز رضاه ويكون مبسـوط
وانا معه جندي وهـو صـف ضبـاط=تحت الاوامر لو حصل ضغط ضغـوط
مـا دامهـا لعبـة حويـلا ومزقـاط=ماني مع الصاحب قصـاوي ولابـوط
مهما حصـل بيننـا مـزح واغـلاط=الحبل ماهو بين الاصحـاب ممغـوط
عنها ابتعد بعد الجزائر عـن ارهـاط=ماني مثير اسبـاب ومعقـد اخيـوط
هـذا وبارسـل للرديـعـان خـيـاط=يخيط قلب من قسى الحـب مشعـوط
العاشق اللي في بحور الهـوى غـاط=قلبه ليـان ومـن كراسيـه ممعـوط
شايب وقلبـه بالولـع سلـك مغـاط=من شـوط تيـار الغناديـر مشلـوط
وعشقه خطـاالله لا يصلـط تصـلاط=كيف الغناوي حالتـه حـال مزنـوط
مـادام لـه ملفـا ومثبـأ ومـقـلاط=عبير نجـد وعنبـر الشـام مخلـوط
يلعب على حبلين وافراش واصمـاط=كلش جديدولا بهن همـل واصفـوط
ثنتين عنده يعملـن كحـل وامشـاط=عفايفـن مالامحـن كـل شمـحـوط
لـو يسمعنـه ولعـن فيـه شخـاط=وتناوبنـه بينهـن قـرص وعـروط
قامـن عليـه وشلطـنـه تـشـلاط=ياشينهن عند الزعل موطهـن مـوط
وعيالهن معهـن بعصيـان واسـواط=حتى الصغير اللي على الديد زعطوط
يابوحمـد بالـك تـفـرط تـفـراط=اقنع برزقـك وانـت رجـال مغبـوط
خـل اهـوى للـي يفحـط تفـحـاط=يطيح مـع دربـه كفـراط وجنـوط
حذف الحصى قفوه تقل حـذف نبـاط=ومن الحيا وجهـه مجـرد ومقشـوط
اللي لا منـه شبـع بالهـوى شـاط=عشقه مع الحـارات لفـات وفحـوط
عشقه خيـال وفيـه رجّـه وخـراط=عقله نمط سيكـل مساميـر وبلـوط
لو يازنونـه مـاوزن ربـع قيـراط=مثل الذي ريشه بـه ارنـاق ونقـوط
اللـي علـى روس المراقيـب نغـاط=يطيـر ويوقـع علـى راس زربـوط
والا انت صاحب عرف راوي وفقـاط=سبـاح ببحـور العماليـق وتـغـوط
مأنته وغد تعطـى حـلاوه وشقـلاط=العرف له عنـدك مطـارات وهبـوط
بالعرف لك قيمـه وبالشعـر عمـلاط=وبالطيب منهاجك بالامجـاد مربـوط
شاعر وعندك ذوق لاشعـار الانبـاط=لا تختبرنـي مـع ملفـات وخطـوط
خل السوالف بننـا بصـط وابصـاط=العقـل كنـز وذارف الحـب ملقـوط
والناس كل لـه محيـط بـه امحـاط=المتزن واللـي مـن العقـل مفـروط
وترى الثقه بالنفس من خير الاشراط=وكلٍ حسابـه فـي سجلـه ومفقـوط [/poem]



وصح لسان الشاعرين

وان شاء الله اعجبـنــّـكم هالقصيـدتيـن


ودي واحترامي للجميع

عالي مستواها 13-03-2009 11:39 PM

رد: قصيدة التحـديّ للرديعان والرد من الح
 
[font="comic sans ms"][size="6"][color="magenta"]صحت السنتهم جميع ،،،،


قصائد قمة في السبك والحبك والروعه والمعاني ،،،،


تحدي ورد أكثر من إبد111ع في نسجه و الصياغه،،،


داوود الخلف شكر لك على هذا النقل لقصائد شامخه وشعراء شامخين ،،،


يعطيك العافيه ،،،،

لك تقديري واحترامي،،[/color][/size][/font]

محمد عبدالله البدراني 14-03-2009 12:20 AM

رد: قصيدة التحـديّ للرديعان والرد من الح
 
داوود الخلف

سلمه الله


لله درررررررررك على هالاختيار


ومن يجاري الشاعر الكبير بدر الحويفي او يتحداه


الله اكبر


قصيده ولااروع

ورررد رائع رائع وقمه



سلمت على هالاختيار


وبيض الله وجهك


تحيتي وتقديري

الطامي 14-03-2009 08:08 AM

رد: قصيدة التحـديّ للرديعان والرد من الح
 
الخلف
صح السنتهم شعراء
وشكرا لك على النقل المميز
لاهنت

سناعيس 14-03-2009 12:22 PM

رد: قصيدة التحـديّ للرديعان والرد من الح
 
داوود الخلف
شكرا لك على النقل الرائع
الكل منهم شاعر جزل ولا شك
ولكن يؤخذ عليهم تكرير القوافي كثيرا
وبعض الابيات تلاحظ فيها عسر القافيه
ولايمنع من انهما شعرا فطاحله بالفعل
لان القافيه لاتساعد على الابداع المتناهي

تحياتي

حمود السكراني 14-03-2009 08:13 PM

رد: قصيدة التحـديّ للرديعان والرد من الح
 
داود الخلف مشكور على النقل
قصائد رائعة سلمت يالغلا

حوريه 15-03-2009 08:10 AM

رد: قصيدة التحـديّ للرديعان والرد من الح
 
مجارة راااائعه

شكرا داااوود

لاخلا ولا عدم

دايود صالح الخلف 15-03-2009 06:29 PM

رد: قصيدة التحـديّ للرديعان والرد من الح
 
[quote=عالي مستواها;580569][font=comic sans ms][size=6][color=magenta]صحت السنتهم جميع ،،،،[/color][/size][/font]


[size=6][font=comic sans ms][color=magenta]قصائد قمة في السبك والحبك والروعه والمعاني ،،،،[/color][/font][/size]


[size=6][font=comic sans ms][color=magenta]تحدي ورد أكثر من إبد111ع في نسجه و الصياغه،،،[/color][/font][/size]


[size=6][font=comic sans ms][color=magenta]داوود الخلف شكر لك على هذا النقل لقصائد شامخه وشعراء شامخين ،،،[/color][/font][/size]


[size=6][font=comic sans ms][color=magenta]يعطيك العافيه ،،،،[/color][/font][/size]

[size=6][font=comic sans ms][color=magenta]لك تقديري واحترامي،،[/color][/font][/size][/quote]


عالي مستواها

حياك الله اختي واشكرك على تشريفك

ويعافيك ربي

ودي واحترامي

دايود صالح الخلف 15-03-2009 06:32 PM

رد: قصيدة التحـديّ للرديعان والرد من الح
 
[quote=محمد عبدالله البدراني;580593]داوود الخلف

سلمه الله


لله درررررررررك على هالاختيار


ومن يجاري الشاعر الكبير بدر الحويفي او يتحداه


الله اكبر


قصيده ولااروع

ورررد رائع رائع وقمه



سلمت على هالاختيار


وبيض الله وجهك


تحيتي وتقديري[/quote]



محمد البدراني /

حياك الله يالغالي
وحمدا ً لله ان القصيدتين حازن على رضاك

ووجهك ابيض يالغالي

تحيتي

دايود صالح الخلف 15-03-2009 06:33 PM

رد: قصيدة التحـديّ للرديعان والرد من الح
 
[quote=الطامي;580800]الخلف
صح السنتهم شعراء
وشكرا لك على النقل المميز
لاهنت[/quote]


الطامي /

اهلا وسهلا بك
والشكر لك على هذا الحضور
لاشنت

تحيتي


الساعة الآن 01:59 PM.

Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع الحقوق محفوظة لمنتديات الفطاحلة