يقولون انني دكتور دكتاتور
 

[poem=font=",6,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يقولون انني دكتور دكتاتور حمورابي= واقول اللي بدرب الحق ما يخشى من الريبه
قوانين الفطاحل تخدم اللي بالعلم غابي= وتمنع صاحب الفوضى ومنهو يرتضي السيبه
وانا دوري انفذها ولا هو قلبي كتابي= مثل اية بشر ما نيب معصومٍ من العيبه
على درب الأخوه نجتهد نمشي كالاحبابي= بتنظيمٍ يخدم المنتدى يرفع مناسيبه
بمركب واحدٍ نبحر ولا نخشى من عبابي= ولكن لو تهاون واحد فالموج يسري به
واذا ما نيته يفعل مثل ربعه والاصحابي= تراه يثقل المركب ولا به نفع لصحيبه
لهذا فالفطاحل نخبةٍ من كل الاطيابي = حريصينٍ على المركب وهم من يعطي الهيبه
وكلٍ قايم بدوره من اصغرهم لشيّابي= واذا من لوحظ مقصر يقولوا عنه والخيبه
ولو سامحت من قصر فهم من يبتدي عتابي= لذلك فالعداله ساريه مافيه تثريبه
وهذا السر في كون الفطاحل نال الاعجابي= وسارت شهرته في الكون تشريقه وتغريبه[/poem]

رد: هذا السر في كون الفطاحل نال الاعجابي
 

بيض الله وجهك يادكتورنا
ماقصرت وضحت وأجزلت
قصيدة حري بالجميع الاطلاع عليها
لاهنت ياغالي


تحياتي

رد: هذا السر في كون الفطاحل نال الاعجابي
 

ياسلام عليك يادكتور
كم انت رائع اسلوبا ومعنى
والفطاحل بعون الله وتوفيقه وبتظافر جهود المخلصين دائما ان شاء الله فوق هام السحب
تحياتي وتقديري

رد: هذا السر في كون الفطاحل نال الاعجابي
 

يقولون اننـي دكتـور دكتاتـور حمورابـي
واقول اللي بدرب الحق ما يخشى من الريبـه
قوانين الفطاحل تخدم اللـي بالعلـم غابـي
وتمنع صاحب الفوضى ومنهو يرتضي السيبه
::::::::::::::::::::::::::::
الطائر
محشوم استاذي من ما قيل
انت الأصل هنا
وانت وضعت القوانين بالمنتدى
ولابد من تطبيقها بحذافيرها حفاظا على الجميع قبل كل شي ثم على المنتدى وسمعته الطيبه التي يزخر بها
صح السانك ملايين
جزلة وهادفه لافض فوك
شكرا لك

رد: هذا السر في كون الفطاحل نال الاعجابي
 

فديت قلبك مناره للشعر دوم

سلمت
للجميع

رد: هذا السر في كون الفطاحل نال الاعجابي
 

[font=arial black]دكتورنا ابو عبدالله بيض الله وجهك ونشكر جهودك لجعل المنتدى في المقدمه دائما وماعاش من قال عنك ديكتاتور يادكتور تقبل تحياتي[/font]

رد: هذا السر في كون الفطاحل نال الاعجابي
 

توضيح لأخي الطامي ولا يهونون البقية
التعليمات شارك في صياغتها المؤسسون
والمسؤولين الأوائل ممن لهم خبرة طويلة في المنتديات
وحرصنا فيها ان نستفيد من تجارب تلك المنتديات لنأخذ
بالإيجابيات ونبتعد عن السلبيات قدر الإمكان ، واستمرت
قيد التعديل حتى بعد مضي حوالي سنة ونصف من التأسيس

رد: هذا السر في كون الفطاحل نال الاعجابي
 

انا اشهد ان منهج منتدى الفطاحلة هو سر اعجاب الكثير لاهنت

رد: هذا السر في كون الفطاحل نال الاعجابي
 

الله عليك ياعود

صدقت

وصح لسانك

صعووووووووب

رد: هذا السر في كون الفطاحل نال الاعجابي
 

أبيض وجه أبو عبدالله وصح لسانك على هالوافية والإبداع عادتك

تقديري ,,,,,,,,,,