غارة الرموش
 

[poem=font=",5,green,bold,italic" bkcolor="transparent" bkimage="" border="double,5,black" type=2 line=0 align=center use=ex num="0,black""]
كل ما قلت استرحت وهالظروف تعدي=اصفقت قلبي من اسهوم الرموش بغارة
اغيدٍ من شوفته بالسوق واصل حدي=عرضته لي من صواديف الدهر واكداره
قلت كلمة لو سمحت وقال لا ماودي=قلت ياعيباه جار ولا يكلم جاره
قال انا ما اعرفك والله مانت ساكن عندي=قلت له شف موتري موترك صار اجواره
قال هاذي جيرةٍ ما اظنها تنعدي=لازم الجيرة بناء دارك يلاصق داره
وبان ضحكه من عيونه قال علمك جدي=قلت ذي فتوى الصريح موثقه باخباره
قال انا اعرف واحدٍ شرواك ماله سدي=ينشر علومه من الحارة الى اقصى حارة
قالوا ان اسمه هواوي .قلت !لحظه هدي=ويش قلت اسمه؟وقام يحوسني باعذاره
قلت ابا افهم كيف جاك وكيف جيته ودي=اعرف القصة قبل قلبي تولع ناره
وصار يدني بالخطا خطوة بخطوة قدي=وادّرق في موتره عن نظرة المراره
واستحى والا بغت يمناه لي تمتدي=مير انا بذراعه اليمنى عرفت الشاره
في بياض المعصم الايمن بدا مسودي=زانت المعصم وهي كية تقول اسوارة
ليين ملمس كفه اللي فيه لامس يدي=يجرحه لمس الحرير ابيض تقل نوارة
قلت انا قولك سمعته لكن اسمع ردي=مرحبا بك كثر مازار الحرم زواره
من ثلاث عقود حصري لك غلاي وودي=وحدك اللي من ملايين البشر مختاره
لي سنين ازهم واراسل بس ما جاء ردي=والله انك قبل وافي ما عرفت الباره
وانحرج لا هو يجيب ولا يعرف يودي=بس انا من قبل قوله قابلٍ معذاره[/poem]

رد: غارة الرموش
 

[color="darkorchid"]ناصر الهوواى

شاعرنا المتميز

المتجدد

اسعدنى اكون اول من صافح هذى الجزلة

صح لسانك



صعوووووووب[/color]

رد: غارة الرموش
 

الله الله

سلمت وسلم فكرك

وصح لسانك مليااار على هالدرة

ادخلتنا جو وصوّرت لنا الموقف بكلّ ذكاء

لاهنت والله لاهنت

مبدع

دمت بخير

رد: غارة الرموش
 

[font="arial black"][size="5"][color="royalblue"]
طيبة وجزلة من راس جزل
صح لسانك ولا هنت
تحياتي الطيبة[/color][/size][/font]

رد: غارة الرموش
 

شكرا ياناصر على نثر هذا البوح الرائع

والجزل لاهنت لك تحياتي

رد: غارة الرموش
 

الاخت المحترمة صعبة ارحبي واهلا بك
شاكرا ومقدرا
سعت كثيرا بمرورك
لا هنتي وجزاك الله خيرا
دمتي بحفظ الباري ورعايته
تحياتي وتقديري

رد: غارة الرموش
 

الاخ الشاعر خالد بن منشار اهلا بك بمرورك
تشرفت بعباراتك
لاهان راسك يالغالي وبيض الله وجهك
تحياتي وتقديري

رد: غارة الرموش
 

الطائر المهاجر من سنين
مرورك يسعدني واتشرف بثناءك
لاهنت وبيض الله وجك يابو عبد الله
شاكرا ومقدرا

رد: غارة الرموش
 

الاخ الشاعر نافع البويت ارحب يالغالي
سعدت بما دزنته الله لا يهينك
وبيض الله وجهك
اشكرك واتمنى لك التوفيق
تحياتي وتقديري

رد: غارة الرموش
 

[font=arial narrow][size=3][color=purple]ابدعت وبدعت يالهواوي[/color][/size][/font]
[font=arial narrow][size=3][color=purple][/color][/size][/font]
[font=arial narrow][size=3][color=purple]صح لسانك واحساسك[/color][/size][/font]
[font=arial narrow][size=3][color=purple][/color][/size][/font]
[font=arial narrow][size=3][color=purple]وطااااب فالك[/color][/size][/font]
[font=arial narrow][size=3][color=purple][/color][/size][/font]
[font=arial narrow][size=3][color=purple]تحياتي وتقديري[/color][/size][/font]
[font=arial narrow][size=3][color=purple][/color][/size][/font]
[font=arial narrow][size=3][color=purple]00000[/color][/size][/font]