منتديات الفطاحله - بانت خطة الملعوب

[font="times new roman"][size="5"][color="green"][b]السلام عليكم
مشاركة اليوم
مما أوصى به
شعرالحداثة من
خلط البحور ونوايب
العصر والدهور .
الببحر الطويل
قافيتها مثلوثة
سامري مسحوب
خرجت هذه المشاركة[/b][/color][/size][/font]

[font="times new roman"][size="6"][color="red"][b]بانت خطة الملعوب [/b][/color][/size][/font]

[poem=font="times new roman,6,blue,bold,normal" bkcolor="skyblue" bkimage="" border="none,4," type=0 line=0 align=center use=ex num="0,black""]
عرفت القصد ياشاطر=و بانت خطة الملعوب
ودورّ واحد ٍ جاهل يصدق واهي أعذارك=
وهذا درس بالحاضر=وبالآتي يجي محسوب
نواياك الردية وضّحت لي خافي أسرارك=
بتلقى في البشر سافر=وطبعه محتويه عيوب
من أحلامه بنى أوهامه لوكر ٍ يشبه أوكارك=
لأنك شفتني صابر=لجرعة علقم المشروب
تهيأ لك سكوتي ناتج ٍمن زايد إصرّارك=
تعاسة حظك العاثر=ومظهر لونك المشحوب
به أظلم يومك وطفىّ بدربك واهج أنوارك=
أناوإنّ متّ ياغادر=من أسبابك فهو مكتوب
نهار الحشر نتلاقى وأرجح كفة أوزارك=
تصدق أنت لي صاير=إذاجازالكلام ذنوب
محّملني على حملي ومسرف لي بمعيارك=
تماطل بي وأنا خابر=نهاية دربك المنكوب
تهاوى له مشارف عزّك وينهّد به دارك=
بوضع ٍ يكسرالخاطر=وفعل ٍناقض الإسلوب
برت حالك من أفعالك ومعها قل ّمقدارك=
يجي لك يوم ياباير=بوعدك لي كما عرقوب
تحسّ إن الوفاء درب ٍ طويل فيه مشوارك=
تغنىّ داخلي شاعر=على بحر الشعر مسحوب
مواويل القصيد اللي حواهايانع أزهارك =
تمنىّ والمنى نادر=ولاأحد ٍفي الشقاء مغصوب
تصاريف الزمان إن أبعدت بك تقصي أخبارك=
بهاكف ّالقدر قاهر=متى ماواجهك مضروب
يجي بأقسى الظروف ويعترض دربك ويختارك =
إذا عندك ذكاء باهر=وفي بعض الفرص موهوب
فميزات الذكاء عقل ٍرزين يدعم أفكارك =
تأكدّ إن في الخاطر=تلاشى كل شيئ مشطوب
بتداعي قصرك العاجي تهاوت عالي أسوارك=
تصوّر جرحي الغاير=من طعون الحشا مصلوب
ينازع كل يوم ويحتضر من جايرأضرارك=
لذكراك أجلس أعاقر=نديمي المالح المسكوب
معاصر ناظري تملأ القدح من مزنة أمطارك=
وخذ كلمة على العابر=بها فيك المثل مضروب
لقينا الحلو في الماهج بديل لأعذبّ أنهارك=
الا يانجم ياسامر=بليل ٍوالقمر محجوب
دخيل الله يعذبني شجن عزفك على أوتارك=
علشان الغلا ساهر=وفانوس الفكر مشبوب
لأجل عذب الكلام اللي تغنى فيه بأشعارك=
أحلق لا، سجى الساتر=بشوق شدنّي وأذوب
وأهيم بهمس عشاق ٍيعبر الطيف لأقمارك=
وأطفيّ شوقي الثاير=بمحبوب بدل محبوب
وليد التوّ،واللحظة مداره يسبرأغوارك=
بدأ لي طيفك مجاهر=بحسن ٍما حوى العذروب
وقلت لكل شخص حاضر لا تبدي أشوارك=
غزال بسنك وقاصر =شبابك بادي ٍيادوب
على موتي ورغم أنفي أوّقع محتوى إقرارك=
شهقت وقلت ياساتر=لأجل عينيك أنامندوب
وخويك قال لي أشغلتني والضيف بهذارك=
وهذا تاسع أوعاشر=شهر يمضي وهو مخطوب
ورح أرجوك و إتركنا وغض بدربك أبصارك=
بديت بهرجي مبادر =بأنشطّ فكري المتعوب
وقلت الحب من نظرة رماني بسكة أقدارك=
بعد مارمشك الجاير =طعني ،بقلي المصيوب
كتمت بونتي الله يكافيني من أشرارك=
دلالك بالحسن آسر =وطبعك صارلي مرغوب
بأول يوم داعيني حضرت لوجبة إفطارك=
وهدى مدمعي الفاير=مسح دمعي بكم الثوب
وقال أرجوك هديئ الجولأحبابك وسمارك=
فتحت عيوني أناظر =وأنامن حالتي مرعوب
وإلى بأحد العيال ايقول قم كلم ولد جارك =
طلع كابوس متآمر =بتحريض من الرعبوب
قطع في الثانية أجزاء ضمة كف من زارك=[/poem]
[font="times new roman"][size="5"][color="indigo"][b]تحياتي لشموخكم[/b][/color][/size][/font]
[size="5"][b][color="green"]5 / 2 / 1432 هـ[/color][/b][/size]
[font="times new roman"][size="6"][color="red"][b]محمد بن عمار[/b][/color][/size][/font]