الشعر في صدري تداحم وأنا انهـاه
 

[poem=font=",7,green,bold,normal" bkcolor="transparent" bkimage="" border="none,4,white" type=2 line=0 align=center use=ex num="0,black""]
الشعر في صدري تداحم وأنا انهـاه=واقول ياشعـري تصبـر واداريـه
ويقول مل الصبر والصبـر مقـواه=ما عاد فيها صبـر بانـت مواريـه
قلت ابشر ابشر وازهلـه لا تـولاه=والله لا سفل بـه وابيـن خوافـيـه
القـاف زهبتـه وزينـت مـرمـاه=ما عاد يمدينـي ولا عـاد يمديـه
سر ياقلم واكتب من الشعر معنـاه=معنـاه فـي .... ولد .... البيـه
اللي وعدني وعد واخلـف نوايـاه=أنشهد انه خـان وعـد(ن) وعدنيـه
شهرين وعـده قالهـا مـاتعـداه=وهذي ثمان أشهور غابة طواريـه
الحر وعـده ديـن لكـن موفـاه=الحر دائـم لاعطـاء وعـد يوفيـه
الله يسـود وجـه .... ويمـحـاه=اللي نسى وش قال والناس توحيـه
يقول انا حرمـه تغشـى بمغشـاه=وهذي عليها كان موفيـت واحميـه
وش رايكم ياناس منطـق شفايـاه=منطق رجل ينعد وش رايكـم فيـه
لا والله الا اقولـهـا واتـحــداه=ماهو كفو والمرجلـه مـاتدانيـه
علم(ن) مؤكـد يـاصلـه ويتعـداه=علم(ن) وكاد العلـم والعلـم ياتيـه
ماهي على رجـال مثلـه وشـرواه=على مره مسترجله غصب ترضيـه
ماهو برجل اللي يسـوي سوايـاه=عيب(ن) على الرجال يمشي مماشيـه
ماكل من هو قال أنـا رجـل تلقـاه=ولا كل رجل الشـرط فيهـا تلاقيـه
الرجل في قولـه وفعلـه وممشـاه=ماهي مظاهر تخدع اللي نظر فيـه
الرجـل يحمـي كلمتـه لا توطـاه=عيب الرجل لا قـام هرجـه يلويـه
لكـن هـذا ميـت النـار مــدراه=يجهل دروب المرجله ويش يدريـه
درب المراجل صعب ماهـو بويـاه=ودرب الردا والنعم دربـه وراعيـه
لاشفت شكله قلـت رجـال محـلاه=وليا فتشته لاش كـل الـردا فيـه
ابو محالـه مـن عيوبـه حلايـاه=ماله امان يخـون حتـي مخاويـه
ملعون ثم ملعـون يانـاس مقـواه=بالكذب غيره لا حشى مـاتلاقيـه
الكذب عنوانـه وساسـه ومبـداه=والغـدر طبعـه فالظهـر مايخليـه
ياشين طبعه ياهل العـرف شينـاه=منقود في طبعـه وتنقـد مماشيـه
اللسلسه يعرفبهـا فـي زوايـاه=اتدلك اذنابـه مـع النـاس تتليـه
بالخير محد(ن) يذكـره عنـد مـولاه=مافيه خير الخير من ويـن ياتيـه
لا احساس لا ذمه ولا ديـن تلقـاه=والعقل مامن عقـل يمكن يلهيه
الله واكبـر يـا زمـن واحــلالاه=عجيب والله يا زمن ما تخفيه
البوم حتـى البـوم يأمـر وينهـاه=يأمر على اللـي عاليـات(ن) مراقيـه
والله لولا الحكم والشـرع لـولاه=لقطع لسانه مـن عروقـه ووطيـه
ماني بعاجز عنه عندي كما الشـاه=أطأ على راسـه برجلـي واذكيـه
لكـن علـى الله بطلبـه واترجـاه=ماخاب عبد(ن) يرفـع يديـه يرجيـه
عسـاه يبـلآ فـي عيالـه ويلقـاه=ولايهتنـي فيهـم وفيهـم تبكـيـه
وعساه يبـلآ بالمـرض والمعانـاه=أخبث مرض ماله علاج(ن) يداويـه
على سرير الموت عايـش بدنيـاه=اكله وشربه مـن جهـاز(ن) يغذيـه
وعساه في حـادث قريـب يتحـراه=بين الحديد الصلب ثم تحترق فيـه
وياجعل من هو لامني فيـه تبـلاه=تبلاه فـي نفسـه وباللـي بلانيـه
ياناس هذا خـان واخلـف نوايـاه=ياناس هذا خـان وعـد(ن) وعدنيـه
مني طلـب مهلـه يعـدل خطايـاه=ومن يومها لا اليوم غابة طواريـه
حلف يمين اقسم بها غيـر يحمـاه=فجربها الفاجر عسـى الله يخسيـه
هذا قليل الديـن والحلـف مشقـاه=ماهي غريبـه كـل شـي(ن) يسويـه
هذا لو ان الـرزق بيديـه معطـاه=من بغض في قلبه على الناس يرميه
منسـاه انـا والله منسـاه منسـاه=ما دام رب الكون فالارض محييـه
يوم ابتلاني وافترا بهـرج سـواه=تلفيق من راسه على شـان يبغيـه
كله عشان يقول مـا فنـت يبغـاه=يطمع ورى مدحه تسـره وتغنيـه
حسبـي عليـه الله يا كبـر بلـواه=باع الظمير بقـرش كلـه ليرضيـه
ماكنـه الآ حـرر القـدس هقـواه=هذا ضعيف النفس هـذي هقاويـه
لكن مـا جاتـه علـي مـا تمنـاه=معروف بين الناس والكـل يدريـه
يبـا يعـذرب والعذاريـب تمـلاه=كلن على طبعـه يجيبـه يهذريـه
لكن تحصلها علـى الزقـم تاطـاه=يستاهل اللـي جـاه لـو مايكفيـه
مامنه نفعـه خابـره مـاحسبنـاه=مير البلآ في داخل القلـب مخفيـه
شي(ن) بقلبـي كـل ماجيـت ببـداه=يردنـي كثـر الحكـي والمشاريـه
لولا الحياء واللوم لاكشـف خفايـاه=وابينـه للـنـاس والله ماعـديـه
اجيـه لـو ماجيـه قالـو تعـداه=ومن صد والله ماتبعه في خطاويـه
حبل الرفيق اللـي تقطـع عرفناه=الرمث رمث اللي تحزمت انـا فيـه
راحت بدون احساب يوم احتزمنـاه=راحت علومه مرس يقطع طواريـه
الرجـل ياقـف بالمواقـف وتلقـاه=الرجـل والله ماقـفـه مايخلـيـه
ولاني بناسي واحـد(ن) مـاتناسـاه=اللي عليـه الهـرج كلـن يمشيـه
راعي ولكن مـادرى عـن رعايـاه=الحق مايعنيـه والسمـع مرخيـه
ياكيف يسمـع واحـد(ن) ماسمعنـاه=ياخذ بهرجه ماسمـع هـرج ثانيـه
شغله يا كود الهرج يسمع ليا جـاه=والحق يسكت عنه ماله شغـل فيـه
يومه درى بالعلـم تلفيـق مشقـاه=وينه عن اللي جاه راسـه يدربيـه
ينعاف دام الظلـم يانـاس يرضـاه=اللي وهـذا اولـه ينعـاف تاليـه
العدل وين العـدل ويـن المسـاواه=في ذمتـه ماصـار ربـي يجازيـه
الحـق والله خـابـره واتحاشـاه=الحق كلـه همـزة ازنـاد وأنهيـه
هذا هو اللي غايـة القلـب ومنـاه=غيره فـلآ والله مـاعـاد يشقيـه
الشكوى لا الله والعطايـا عطايـاه=غيره حشـى والله مانـي بشاكيـه
تمـة وصلـو عد ماحـل طريـاه=على رسـول الله محمـد وهاديـه

[/poem]
[b][center][size="6"][color="blue"][font=decotype naskh variants]
اخــوكـــم / عـبـدالـلـه الـحــربـــي

[/font][/color][/size][/center][/b]

رد: الشعر في صدري تداحم وأنا انهـاه
 

سلمت وصح لسانك وقلبك
جزلة من راس جزل وشاعر متمكن
لا سفلبـه : اعتقد انك تقصد : اسولف به
لاهنت
تحياتي

رد: الشعر في صدري تداحم وأنا انهـاه
 

[align=center][font=simplified arabic][size=4][color=black][align=right]
الحربي
قصيدة زفراتها غاضبة
صح لسانك
سلمت ولاهنت
دمت بخير
[/align][/color][/size][/font][/align]

رد: الشعر في صدري تداحم وأنا انهـاه
 

[quote=الطائر المهاجر;1392247]سلمت وصح لسانك وقلبك
جزلة من راس جزل وشاعر متمكن
لا سفلبـه : اعتقد انك تقصد : اسولف به
لاهنت
تحياتي[/quote]
[b][center][size="6"][color="blue"][font=decotype naskh variants]سالم من كل شر انشاالله اخوي / الطائر المهاجر
وشهاده منك اعتز بها ،
[color="black"]
وعن لا سفلبـه : اعتقد انك تقصد : اسولف به[/color]
مالك لو اخوي اقصد فيها : ( لا سفل به ) ومعنها : اسفل
ومادري احتمال يكون فيها خطاء املائي .

ولاهنت على مرورك الكريم ،، شاكر ومقدر لك ..
[/font][/color][/size][/center][/b]

رد: الشعر في صدري تداحم وأنا انهـاه
 

شكرا لك
هالحين اتضح المعنى
وعدلت الكلمه حتى لايأتي من قد لايفهمها مثلي
لاهنت
تحياتي

رد: الشعر في صدري تداحم وأنا انهـاه
 

الحربي الله يعين من توليته تراك مهب سهل ههههههه


نص وهجاء مكهرب جدا

رد: الشعر في صدري تداحم وأنا انهـاه
 

[font=arial black][size=5][color=navy]صح لساااااااااانك يالشاعر عبدالله [/color][/size][/font]
[font=arial black][size=5][color=navy][/color][/size][/font]
[font=arial black][size=5][color=navy] والله يعينك و يعــّوض عليك بخير[/color][/size][/font]
[font=arial black][size=5][color=navy][/color][/size][/font]
[font=arial black][size=5][color=navy] و الله يصلح الحال [/color][/size][/font]
[font=arial black][size=5][color=navy][/color][/size][/font]
[font=arial black][size=5][color=navy]ولاهنت[/color][/size][/font]
[font=arial black][size=5][color=navy][/color][/size][/font]
[font=arial black][size=5][color=navy]**********[/color][/size][/font]

رد: الشعر في صدري تداحم وأنا انهـاه
 

[font="century gothic"][size="5"][size="4"][color="navy"]أخي عبدالله : ـ


نص شعري رائع وهجاء مؤلم ومؤثر

كنت أتمنى لو أنك أبتعدت عن الدعاء عليه لأن من ترك شئ لله عوضه خير اً منه

مبدع مبدع مبدع في كل حالتك حتى وانت غاااااضب ..

تقبل مروري [/color][/size][/size][/font]

رد: الشعر في صدري تداحم وأنا انهـاه
 

[font=arial][size=4][color=navy]الحربي عبدالله......................[/color][/size][/font]
[font=arial][size=4][color=navy]القصيده من ناحية البناء واللغه قوية وصلفه[/color][/size][/font]
[font=arial][size=4][color=navy]ولا أشد من بوح شعر الهجاء وانت شاعر فحل[/color][/size][/font]
[font=arial][size=4][color=navy][/color][/size][/font]
[font=arial][size=4][color=navy]أما من ناحية المؤدّى........[/color][/size][/font]
[font=arial][size=4][color=navy]فقد لاألوم بوح زفرات صدرك الحارقه[/color][/size][/font]
[font=arial][size=4][color=navy]ولكني أستدعي نفحات عقلك الراشد ليوقع التوازن[/color][/size][/font]
[font=arial][size=4][color=navy]ومن يرمي حموله وهمومه على الله كما ذكرت في ثنا يا القصيده[/color][/size][/font]
[font=arial][size=4][color=navy]يحجم عن بعض أو جلّ ما ورد فيها[/color][/size][/font]
[font=arial][size=4][color=navy]وهي ان كانت زفرة مُوجَع[/color][/size][/font]
[font=arial][size=4][color=navy]الا انها ستظل خالدة حتى لو لم تريد لها ذلك[/color][/size][/font]
[font=arial][size=4][color=navy]كل شكري لك على سعة صدرك وحسن تقبلك[/color][/size][/font]
[font=arial][size=4][color=navy]ولك من الود أجمله[/color][/size][/font]

رد: الشعر في صدري تداحم وأنا انهـاه
 

[quote=عبدالعزيز ابراهيم المنصور;1392248][align=center][font=simplified arabic][size=4][color=black][align=right]
الحربي
قصيدة زفراتها غاضبة
صح لسانك
سلمت ولاهنت
دمت بخير
[/align][/color][/size][/font][/align][/quote]
[b][center][size="6"][color="blue"][font=decotype naskh variants]صح بدنك اخوي / عبدالعزيز المنصور
وسالم وغانم انشاالله
ولاهنت على مرورك الكريم
شكرآ لك ..
[/font][/color][/size][/center][/b]