[الريم]

برائيي ان هذا يرجع الى مدى تفاهم الزوجين ومدى قوة ترابطهم ببعضهم البعض
يعني اذا كان الزوج فاهم زوجته بكل شي وهي فاهمته مااظن راح يوصلون
لمرحلة الصمت هذا..
الصمت الزوجي يصل الى ذروته برائيي/
باالهروب من اي مشكله تقف امام احد الطرفين
وبالتالي ما عليه الا الهروب بااعتقاده ان المشكلة بتنحل اذا هرب؟؟

و انا اتوقع لو اتزوجت مراح اخلي مجال ان الصمت يدخل بينا او يفرقنا وهذا بااننا
نتعود من البداية اننا نواجه مشاكلنا بكامل قوتنا ..ونحاول نحلها على قد ما نقدر
مو نهرب ونترك المشكلة بدون اي حل؟؟

مثال/

بعض الازواج اذا تناقش مع زوجته ولا اعجبه الحوار او ردة فعل الزوجه على رائيه وكلامه
ينفجر غاضب ويتركها باانسحابه من النقاش بااكمله وهي لسا ما خلصت كلامها!!
طبيعي بهالحال راح يكون في صمت وهروب ..
باان الزوجة بهالحاله بتصير تسوي نفس حركات زوجها
بااعتقادها انها بترد له الي سواه..وبكذا بدال ما يقربون من بعض يبعدون عن بعضهم زيادة..

انا اشوف ان الحل بيكون باان الزوجين يحاولون انهم يكونون يد وحدة بكل شي ..
كلمتهم وحده..قرارهم واحد..يواجهون المشاكل مع بعضهم
مو طرف يفكر ويقرر..وطرف عليه التنفيذ وبس !!

بالنسبة لسلبياته بتوقعي/
راح يكون في تبلد بالمشاعر متبادل بين الطرفين
وراح يكون الاحترام بالمعاملة ماله مكان
وراح يكونون بعيدين عن بعضهم مره
هذا طبعاً اذا ما تطور الوضع وصارت اشياء اكبر..

اجابياته اتوقع انها وحده فقط لكنها راح تتطور اذا تكررت لحد ما تكون سلبية وهي/
انه بالوقت الي بيكونون معصبين فيه بدل ما ينفجرون
على بعض بينسحب احدهم وبيترك الهواشه كلها..
وبالتالي هنا طبعاً
(راح يحس الطرف الي انسحب عليه وهو بعز عصيبته انه ماله اي احترام عند الطرف الي انسحب من الموضوع)



اختي الفاضلة/همس الحروف
جدآااهنيك على الموضوع القيّم الي بجد يستحق النقاش
تسلمين ويعطيكي ربي الف عافية