[حرف وشعر]

المشاركة الأصلية كتبت بواسطة عمر ال شيبي

الشباب تقول للشباب عن مغامراتهم

والنتيجه بين السطور

والبقايا انك مطيط

اسكبي لي يا عيون ٍ جفت اعروق الدموم=ما بقى بالقلب قطره غير حفنات الجليط
اللّي ْ ما قدرت تذوب من المآسي والسموم=زادت اشعال الهواجس والفكر اصبح عبيط
هذا حالي يا غناتي من بعد سيل الهموم=كثرها اصبحت شايب والعلامه كالمحيط
فوق راسي صبّها والليل ساكن لي علوم=تنتشر سرعة بروق الغيم ايام النّقيط
من عناة الشوق يقتل من عرف سر النجوم = لمعها ما هو بكيفن تشتعل نار وشويط
اصلها كالشمس قلبي هاجرت شهب ورجوم = حكمةالله اللي خلقنا معجزه ماهِب عريط
تحرق اعوان اللعين اليا سروا فوق الغيوم = ساعة المكشاف تنظر والعلم ما هوب شريط
لكن المده قصيره والصبر حلمه يدوم = لا بديت بروح تاصل للمساعي بالحويط
هذِيْ هي عين الصّواب اليا دريت انك تحوم = في دروب العز حَرّه ما هقيت انك ربيط
لجل عين ٍ ما تقاوم رمشها القوس وسهوم = لي عيون ٍ تلعبنّي غمزها حلوَ الخطيط
صابت وصابت وصابت صيبها صيب العموم= يومها تلحق هواجس والعقل ما له وسيط
بينك وبينه سوالف ما عرفناْ الْها لزوم = بين عربان السوارح للكلا فجر النشيط
تحكي به وصف المحاسن والشوارد له رسوم= ديّرت روح الشباب القاطها ما هو بلقيط
صورة ٍ جابت خمير العقل يا وجه الرّخوم = ليتك بحفره وطيّه لا عرفت انك سقيط
ساكن بسود الليالي تحت خربوش الغموم = لا سهرت الليل كله والفكر سارح غويط
لا طلبتك ما تجيني ولا تساومني وسوم = حرقتي إنّك بليده والبقايا إنّك مطيط

الخربوش بيت فقير الحال من الخيش وصغير

عمر ال شيبي

وش اقول في هالدره غير صح الله السانك وكلك


اطربت الفكر ياعمر

تقبل الود والورد