ياخاطري لاتقول حشت الملايين =خلك على حد الرسوم القديمه
مالك ومال رسوم عرش السلاطين=خلك على عرش النديم لنديمه
لوسقتها للمجد تلقى شياطين=غطو عقول(ن)للمعارف حكيمه
ميراطلب الله خالق الناس من طين=يعطيك مفتاح الصبر والعزيمه
واللي مضي للناس من عدة سنين=شي(ن)يشق الضلع يصبح خريمه
خلا شجاع القوم مثل المساكين=ماينسمع هرجه وهذي جريمه
والليل لوطول على غفوة العين=يبقى السهر للعين اكبر غنيمه
يالله يالمعبود بالعسر واللين=يامرضين بالحق نفس(ن)سليمه
عجل برزق العبد هالحين هالحين=لين الفقر بالنار يشعل ضريمه