السلام عليكم ورحمة الله وبركاته
أول مشاركه وأتمنى أن ترتقي لذائقتكم الشعريه
يارب عفوك كلي اليوم في شان=جل الفكر في عالمي حيل منحاس
اصغر مواضيع الدهر فوح نيران=تضرم بفكري تكتبه حرقة انفاس
الناس عافت مجلس الانس بالجان=تدفع مبالغ باهضه حدها الكاس
من عقب كانت دنية الخير باحسان=تنثر علوم الطيب وتدوس الانجاس
واليوم حال الارض بركان ./. بركان=كل ٍ يناضر دنيته ناسي الساس
شبابنا لاهي عن القدس بالحان=يصيغها الغاوي بفكره غدت باس
إن رحت تدرس ديننا بكل برهان=تصيبك الفتوى من اشخاص بهواس
الشيخ ما قصـّر يحلل وله زان=حب الموسيقى داخله ريح الاتعاس
اكيد وش حده على القول / طربان=يبني براسه علم يصبح بوسواس
وهذا الغلا زايد به الشعب منهان=مجبور والتاجر رمينا له الفاس
يضرب ويرفع كل الاسعار طمعان=بفلوس ماتذكر رواتب بها اطماس
حتى الفتاه بمشيها ضرب نيشان=ام العيون السود من غير ترباس
ياويل حالي صارت البنت للدان=متمايله للفحش برخيص تنداس
ويا آخر زمنا أنتضر لآخر إعلان=الحرمه بالشارع تبي تقود وتباس
بأرض الحرم مكه وطيبه والانسان=يقرا الخبر منشور حبره بكراس
ماقول انا هذا حلال ٍ ولا اختـان=تحريم شي ان قل بالفسق ينقاس
مجنون ضايع فكري بقيد شيطان=يرميني بفكره مع اليل هوجاس
عاقل ماضن العقل بحدود الاوطان=بقيود قيد حروف تـُنضر بالاغلاس
ويارب تشفي ذخرنا طيب الايمان=عبدالله تاج العز معشوق هالناس
قائد مسيرتنا على نهج الاخوان=من طيب ابوهم فعلهم تاج ع الراس
ويارب ترحمني دموعي والاحزان=ماشوفها إلا سارحه تضرب اخماس