مع استمرار العدوان على العرب والمسلمين..
وما يحدث في هذه الايام في فلسطين والبنان والعراق..
الحت القريحة وهاضت بالقصيده التاليه..
اتمنى ان ترتقي الى مستوى اعجاب القراء..:
بامر الله الدنيا تصعفق أهلها=أحدٍ بها مرتاح وحدٍ به ضيوم
ديدن وتلعب به على من نزلها=فيها ارتفع قومٍ وفيها نزل قوم
وحنا العرب صرنا ضحايا عللها=مير الله أقوى رايدٍ كل مقسوم
نصبر على قدار الولي وعملها=وبالصبر معنا ربنا حي قيوم
يمهل ولا يهمل ضلومٍ دهلها=يا ويل من ضام إلعبيده ولو يوم
أكالة الخنزير لا ما جهلها=وعدهم الله نار في وقت معلوم
ما يفعلونه للمسلمين أصلها=حقدٍ دفين من قديمٍ الى اليوم
يهود كل الارض ومن شذ يلها=عاثوا بأرض العرب ياعيبة الشوم
على فلسطين الحبيبه ثقلها=مضني لكاهلها ويشكي على الدوم
شبابها وشيبانها مع طفلها=ذاقوا من الكفار طعنات وسموم
واللي يزيد الطين بل لوحلها=عٍراقنا يصبح ضحاياه بالكوم
أيضا على لبنان حربٍ شعلها=أبناء يهود وصيروا بيوته حزوم
إن صاح صياح العرب وين اهلها=ما له مجيب وصارت آماله حلوم
سيف الله المسلول وينك فحلها=يهابك الكفار ويخشونك الروم
وين انت يا خالد تشوف بخللها=ياللي تعاف الموت في مرقد النوم
رغبه تموت شهيد بالحرب ولها=لا موتة ابعيرٍ سطى فيه جرثوم
يابن الوليد اليوم نادر بطلها=ياللي تخوض المعركه دوم قيدوم
بعض العرب كل الجمايل حملها=وارث اصل ومجاد بالخير ديوم
إن قلت ابو متعب ترى من أهلها=صقرٍ من صقورٍ حرارٍ وصيروم
الفزعه الجزله ترى هو بذلها=همه مع المسلم يخفف له اهموم
والبعض نص ونص ويمشي مهلها=ويضعف عزيمة كل خيِّر وزيزوم
وبعض العرب واضح وباين هزلها=ما همه الا بالرياسه يجي دوم
وبعض العرب كل المراجل جهلها=رخامه وغطت على سيرة البوم
سِفكَت دماء شعبٍ وهم من غفلها=غرقين في بحرٍ الملذات والنوم
والخاتمه يالله يا منطق الها=في لفظك الطاهر تغيث اللي مكلوم
وسلامتكم