أنواع التماسيح..

تمساح عربجي:

هذا النوع تلقاه حاط الشماغ على كتفه والطاقيه على راسه وفوقها العقال

ورافع الاكمام وفاتح الازره ويسحب رجوله وعينه اليسرى شبه مفقوعه

تمساح ناعم او مايسمى بالخكري:

هذا مايطلع إلا وقت الليل ومايطلع في فترة الصباح ياي يخاف على بشرته من الشمس وفي اليوم الواحد يتنظف 6 مرات
غير المساج اللي يسويه يهتم في نفسه ومايدري ان بشرة وجلد التمساح عمره ماراح تنعم

لو نام يوم كامل في كريم مرطب

ويفرد شعره ويرتب نفسه وامكن يلبس حلق او سواره وتجي عليه يلبس سلسال >>يقلد البنات

تمساح عصبي:

دايم نفسه عند خشمه مايتكلم إلا بالملعنه وإذا تكلم سب وشتم

وإذا شفته في سيارته عند الإشاره يزعج الناس بالبوري أول ماتفتح الإشاره ..

ويدعي على خلق الله واطلع طلعت روحك ومن هذا القبيل

تمساح داج:

هذا التمساح مايدري وين يروح تلقاه يمشي بسيارته بعدين ينسى اللفه ويرجع ريوس في شارع عام

(الشارع لبوه) علشان يلف

ماعنده شغله غير الفلفه في الشوارع وإذا سوى شيء يفشل به

تمساح مرجوج :

هذا تمساح كثير الضحك والمناقز والمطامر وحياته كله استهبال

تمساح الفزعه:

ابو الفزعات أي هوشه يشم ريحته تلقاه فازع به (مسوي جنتل تمساح )


دايم معه سكين يحطه برجله وقلم للاحتياط وفي مرتبة سيارته عصى