سلام الله على المشرف سلام الله على الدكتور = سلام الله على الطاير عدد ماداج من ساري
تعال اقرب نبي نلعب نبي نبحث عن المستور = طرالي هاجس مجنون لاحياه من طاري
اجل خمتك جنيه وجاك الـدور يالمسحـور=ابقرا آية الكرسـي ولاحـدٍ بالخبـر داري
واذا التربيط ينفع بك فانا يالمرشدي مجبور=عشيقه جات من صوبك واظنك سابحٍ عاري
انا بنشدك يومنك مدير بالوذا مشهور=ابي نبذه عن الحاصل وابي تفصيل للجاري
انا العاقل وانا الفاهم ولكن ماخفى محصور=مابين الشك والريبه خفى يعلم به الباري
ترى من يشهد لنفسه دليله ناقص مبتور=وباب الشك ما ودى لغير الشك باخباري
مادامك ما توثقت الخبر طنش بليا حذور=وخلك كالبحر يهدر ولا هو كالنهر جاري
علام اللي ينوب القوم في تحكيمة الدستور= ليا من مر في زين البضايع قال ياشاري
اذا فكره يخيل له وصار من الهوى مغرور=انا ماهمني اصلا مادام ان الملا قاري
جبال طويق ما تدري عن النسناس والدبور=ونور الشمس ما يحجبه لاغيم ولاغبـاري
ولا ظني الحصان يفكر بنظره من الحنتـور=بني آدم بها الغيره ولو في البعض اضراري
يطير الطير في كبد السما واللي وراه طيور=ولا ينظر بغيره دام وكره ضلع سنجاري
وضعيف الريش مايقدر يطير وخاطره مكسور=يناظر بالسما ويقول والله ماله مجاري