[الآكيد]

السلام عليكم ورحمة الله وبركاته


قبل وضع القصيده


خذو نكته

البارحه سألت احد الاطفال ويبلغ السابعه من العمر قلت ياشاطر (ليه البحر لونه ازرق)

رد علي باللهجه البدويه كاتين فيه بويه زرقااااااااااااااااااااا

من ارشيفي لم توضع في اي منتدى يعني حصري لكم

مصنوع فاليابان جيب(ن)مظبط= امظبط(ن) فيه الوصوف المضابيط
جيب(ن)جديد(ن) بالوكاله مربط=اليا مشى ماظن تسمع قطاقيط
اخر موديل(ن) بالشرايط مخطط= صناعته راع العيون المقاميط
مايلبس الا جنز(ن) ازرق محقط= ولايمسكه كود السبات المحاقيط
منهو عرف في قيمته ماتشحط=على الميه يزيد بعض التفاريط
ومنهو نظر شكله يصير امتلخبط=يأسف على وقت(ن) مضى بالمنابيط
ولو يطلع الضلعان واطول جبل نط=مايقدر القيمه وعينه مراقيط
ومنهو تعبط في حياته تعبط=مايجمع العشره بكثر الملاقيط
تلقاه دائم فوق ددسن مهبط=وسط الحوائر ضارياً بالتفاحيط
وسط المخابي به سكاكين مشرط= ولو جاه خبل(ن) رط راسه تراطيط
واخير منها من عيونه تلاقط= سوات حر(ن)ضارياً بالتناطيط
اشعورها سودا كثيفه تمشط=من شافها تصبح عيونه محابيط
وانفه على وجهه بزين(ن) تضبط= يعجبني انفه دام مابه تراهيط
لا واعذاب اللي بحبه تورط=من كثر حبه وارط(ن) به تواريط
=خالد عتيق النفيعي