في سحابه
في سحابه..على متن التمني
شفت عمري .. خيال(ن) في سحابه
يا ذهابه ..تعدى ما ارجهنِ
كن عامه .. نهار(ن) يا ذهابه
من غدا به .. ربيع العمر منّي
حسبي الله .. على وقت غدا به
إلتوى به .. رجا قلب(ن) يونِ
ويل قلب(ن) تعلق والتوى به
في شبابه ..حبس نشواه عني
ما تهيا لذيذه في شبابه
ذا صوابه .. عقب ما هو طعني
لو نسيته يذكرني صوابه
من هقابه ..يخيّب كل ظني
واعذاب الخفوق اللي هقابه
رد بابه ..زماني وامتحني
يوم ثوّرعجاجه .. رد بابه
يا ربابه ..على المسحوب غني
من قصيدي .. بكى قوس الربابه